Dr. Gamal Zidan - د. جمال زيدان

Dr. Gamal Zidan - د. جمال زيدان دكتوراه و استشاري القلب والقسطرة-معهد القلب-مستشفيات المحور زايد-كليوباترا-شفا التجمع-مصر الدولي

29/06/2026

حبيبي يا مريض♥️♥️

علي فكرة انا زيك 😍حاسس بيك ♥️بغضب وبتعصب وبحاول اسيطر علي نفسي عاوزك تعرف انك لما بتغضب… عندك 3 اختيارات (وقلبك هو اللي ...
21/03/2026

علي فكرة انا زيك 😍
حاسس بيك ♥️
بغضب وبتعصب وبحاول اسيطر علي نفسي

عاوزك تعرف انك لما بتغضب… عندك 3 اختيارات (وقلبك هو اللي بيدفع التمن) 🫀

في لحظة الغضب… مش المشكلة إنك بتغضب
المشكلة: إنت بتتعامل مع الغضب إزاي؟

---

🔴 1. تكتم الغضب جواك
تسكت… وتقول “مش مهم”
بس الحقيقة؟
الغضب ما بيختفيش… بيتخزن

➡️ مع الوقت:
- ضغطك يعلى
- التوتر يزيد
- والقلب يدفع التمن على المدى الطويل

---

🔥 2. تعبر عن الغضب بعنف
انفجار… صوت عالي… رد فعل قوي

➡️ في اللحظة دي:
- ضربات القلب بتسرّع
- ضغط الدم بيقفز
- وممكن توصل لمشاكل خطيرة (حتى لناس صغيرة في السن) جلطة في القلب او سكتة دماغية او اضطراب في ضربات القلب..

---

🟢 3. تتحكم في الغضب (وده الصح)
مش إنك تكتم… ومش إنك تنفجر

➡️ لكن:
- تفهم إحساسك (تقول لنفسك انا غضبان حالا بس متحكم) ده بيعمل cognitive labeling يقلل activity في الـ amygdala فورًا…
- تهدى جسمك (تمارين تنفس .. تتوضأ .. تغسل وشك بماية ساقعة ..تتمشي ١٠ دقايق)
- وتتكلم بطريقة هادية وواضحة وحازمة

---

💡 الحقيقة الطبية:
- الغضب المكبوت = ضرر مزمن
- الغضب العنيف = خطر مفاجئ
- التحكم في الغضب = حماية لقلبك

---

🧠 خليك فاكر:
مش كل معركة تستاهل تدخلها… خصوصًا لو قلبك هو اللي هيحاسب…

كلوا كحك براحتكم..خلونا نشتغل..وكل سنة وانتم طيبين♥️عيد فطر مبارك عليكم جميعا 🥳
20/03/2026

كلوا كحك براحتكم..خلونا نشتغل..
وكل سنة وانتم طيبين♥️
عيد فطر مبارك عليكم جميعا 🥳

كل سنة وانتم طيبين♥️رمضان كريم عليكم وعلي كل حبايبكم♥️
14/02/2026

كل سنة وانتم طيبين♥️
رمضان كريم عليكم وعلي كل حبايبكم♥️

ركوب العجل من أكثر الرياضات أمانًا وفائدة، وبيتميز عن غيره إنه مناسب لشريحة كبيرة جدًا من الناس👦🏽👨🏽‍🦳👩🏻‍🦱، بما فيهم مرضى...
06/01/2026

ركوب العجل من أكثر الرياضات أمانًا وفائدة، وبيتميز عن غيره إنه مناسب لشريحة كبيرة جدًا من الناس👦🏽👨🏽‍🦳👩🏻‍🦱، بما فيهم مرضى القلب والمفاصل ونقدر نعتبرها "دواء" في روشته نغير جرعته حسب كل مريض وحالته الصحية🥸

❤️ فوائدها للقلب والدورة الدموية
• تحسّن كفاءة القلب والتنفس
• تقلل ضغط الدم والكوليسترول الضار
• تقلل مقاومة الإنسولين
• تقلل خطر الجلطات وأمراض الشرايين التاجية
• مناسبة لمرضى القلب المستقرين وبعد القسطرة ضمن برامج التأهيل

🦵 قليلة الضغط على المفاصل
• رياضة Low impact
• آمنة لمرضى خشونة الركبة وآلام الظهر
• متعملش صدمات على المفاصل مثل الجري

🔥 فعّالة في حرق الدهون
• تحرق سعرات حرارية عالية
فتساعد على إنقاص الوزن مع الحفاظ على الكتلة العضلية
• يمكن التحكم في شدتها حسب حالة الشخص

💪 تقوية عضلية متوازنة
• تقوي عضلات الفخذين والأرداف
• تحسن ثبات الجذع (Core muscles)
• تحسن التوازن العام للجسم

🧠 فوائد نفسية مهمة
ممتازة لمرضي التوتر والقلق وتظبط المزاج وتعدل النوم

#عودة

الشتايم في الشارع اتغيرت بدل ما كنا بنسمع الشتايم السهلة البسيطة اللي كلنا بنحبها سمعنا عن النرجسي والمازوخي والفاظ غريب...
15/07/2025

الشتايم في الشارع اتغيرت بدل ما كنا بنسمع الشتايم السهلة البسيطة اللي كلنا بنحبها سمعنا عن النرجسي والمازوخي والفاظ غريبة…
لو قابلت النرجسي ده اهرب يا هيجلطك..اسمع مني😁
تعرفه ازاي؟؟
دي ٦ مواصفات واضحة ومشهورة للشخص النرجسي، ولو شفتهم مجتمعين في شخص واحد… اهرب 🏃‍♂️💨
١. بيحب يكون مركز الكون دايمًا :
الشمس وكلنا كواكب بتلف حواليه ومش مهم اي علاقة تربطه باي انسان مقابل مشاعره وتفكيره وشكله …وحتى لو الموضوع ملوش أي علاقة بيه… هيحول الترابيزة كلها عليه ☄️ ويقلبها باعنف اساليب النينجا عند مواجهته باي خطأ🥷
٢.مايعرفش يعتذر
ولو اعتذر… بيكون اعتذار فيه غمز ولمز، زي: “مش عاوزك تتضايق”، مش “أنا آسف إني جرحتك” 😒
٣.بيعشق التلاعب النفسي (Gaslighting)
يخليك تشك في نفسك، وفي إحساسك، وفي الحقيقة اللي قدام عنيك… ويقنعك إنك إنت المشكلة.
٤.يستغل الناس لمصلحته
سواء أصدقاء أو شُركاء أو أهل… طالما في مصلحة، هيكون ملاك، أول ما تخلص المصلحة، يتحول لشيطان 🐍
٥.ما عندوش تعاطف حقيقي..
يسمعك، بس مش هيفهمك ولو فهمك عمره ما هيحس بيك… كل حاجة عنده يا إما دراما، يا إما فرصة إنه يبين إنه “أعظم حد اتخلق” 🎭
٦. لما النرجسي مايعرفش يرد عليك بنفسه…
يبعت الـ “flying monkeys” 🐒🪽
ناس شكلهم طبيعي… لكن شغلتهم الأساسية؟
يخلصوله مصلحته ,يدافعوا عنه، يبرروا له، ويشككوا فيك 👀…هم قرود بس ممكن ميعرفوش😁
يعني بالعربي:
اقلق لما تشوف قرد بيطير…
ده جاي برسالة 😏✉️
التعامل مع النرجسي هيدمر حياتك وهيجيبلك كل امراض الدنيا…واللي تلمحه مرجحه 😁






والمرة الجاية هكلمكم عن المازوخي😁😁

09/07/2025

الشغل وسنينه🥹

07/07/2025

"الستات مبيعرفوش يكدبوا😁😁"

02/07/2025

"الازمة بتجيلي يا دكتور لدرجة انها بقت تمنعني انزل المسجد اصلي الفجر…حضرتك متخيل!!!!
جملة قالها لي مريض عشان يوصفلي شدة الازمة بوجه يغمره الحزن…
فجاوبته لا مش متخيل اني ممكن اقف جنبك نتحاسب سوا يوم الدين…

Address

شارع السودان, المهندسين. فوق كنتاكي
Giza
12655

Telephone

+201094401443

Website

Alerts

Be the first to know and let us send you an email when Dr. Gamal Zidan - د. جمال زيدان posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Gamal Zidan - د. جمال زيدان:

Shortcuts

Share

Category