د. محمد رمضان استشاري القلب والقسطرة

26/06/2026

https://youtu.be/YjyjepqexLU?si=W40xSYjxStd7nonB

الجزء التاني مع المذيعة المتألقة دعاء عامر علي قناة Ten

وحديث مهم حول

الجديد في امراض القلب

تقنية التافي ( تغيير الصمام الأورطي عن طريق القسطرة ) TAVI
لمرضي الضيق الحرج في الصمام الأورطي
خاصة لكبار السن او الخطورة العالية لأجراء جراحة القلب المفتوح

التقنيات الحديثة والتطور الكبير في علاج اصابات القلب الهيكلية و اصلاح صمامات القلب عن طريق القسطرة وتقنية المشبك (mitral clip)

التقنيات الحديثة لمرضي قصور الشرايين التاجية و الانسداد المزمن في الشرايين التاجية وترسبات الكالسيوم … والمرضي الغير لائقين جراحيا لإجراء جراحة الشرايين التاجية

….تقنية الشنيور الطبي (rotablator) والبالونات التصادمية (shockwave balloon)لتكسير الكالسيوم المترسب بالشرايين التاجية

….القساطر الميكرونية و الأسلاك ذات الطبيعة الخاصة لعلاج الانسدادات المزمنة بشرايين القلب (CTO)



الحمد لله 🌹🌹

أمراض القلب وطرق العلاج الحديثة اشترك في القناة الرسمية ...

15/06/2026

انتظرونا اليوم

النهاردة ان شاء الله الساعة ٢.٣٠ ظهرا علي قناة ten
الحلقة التانية مع المذيعة دعاء عامر عن احدث طرق علاج امراض القلب

12/06/2026

لقائي مع المذيعة المتألقة دعاء عامر علي قناة Ten

وحديث مهم حول

- طرق صناعة الدواء و التجارب السريرية و أهميتها قبل إنتاج الدواء وتسويقه للمرضي

- أهمية الدواء في علاج الأمراض المزمنة و خطورة وقف العلاج قد يسبب مضاعفات خطيرة

- ما خلق الله داء إلا و خلق له الدواء ومش شرط او غالبا يكون من الطبيعة لان التطور الطبي و العلمي خلق ادوية كتيرة جدا افادت البشرية كما يظهر ارتفاع معدل الأعمار بعد الثورة الكبيرة في المجال الطبي من إنتاجات لقاحات و ادوية للأمراض الخطيرة والمزمنة

الحمد لله 🌹🌹

نصيحة مهمة قبل أن توقف دواءك مع الدكتور محمد رمضان استشاري القلب وا...

19/05/2026

استكمال الفيديو السابق

توسبع وتركيب دعامات دوائية لانسداد تام ومزمن للشريان التاجي الايمن باستخدام اسلاك خاصة لمريض يبلغ من العمر ٤٠ سنة بعد فشل محاولة سابقة

الحمد لله


👍👍👍

19/05/2026

توسبع وتركيب دعامات دوائية لانسداد تام ومزمن للشريان التاجي الايمن باستخدام اسلاك خاصة لمريض يبلغ من العمر ٤٠ سنة بعد فشل محاولة سابقة

الحمد لله


👍👍👍

12/05/2026

منقول .
في فيلم البيضة والحجر في مشهد 🎬 عبقري وأحمد زكي في النيابة بيتكلم عن أكبر ثغرة قدر يمرر بيها أفكاره للناس قال " الخوف والضعف ، مبيفرقوش بين جاهل ومتعلم هما اللي بيخلوا الإنسان يخلق الدجال ويصنعه بإرادته ، زي ما صنعوا من الحجر تمثال وعبدوه "

ومفيش حاجة ممكن تسيطر على الإنسان قد خوفه من المرض وضعفه قدام أي وسيلة يحس بيها انها ممكن تخلصه من المرض ده وده كان مدخل ضياء العوضي لملايين البشر

البداية كانت من والدتي وهي بتكلمني عن قريبتها اللي عندها مرض السكر وقررت تمشي على نظام الطيبات وتوقف العلاج وسؤال من والدتي وهي كلها أمل إنها تتخلص من معاناة أبر 💉 الأنسولين وبتقولي ينفع أجرب ؟ . والدتي مريضة سكر من النوع الأول يعني جسمها لا ينتج إنسولين وبدون الإنسولين الجسم هيبدأ في تكسير الدهون بسرعة وينتج مواد اسمها كيتونات. تراكم الكيتونات هيؤدي إلى حموضة كيتونية سكرية ووقتها بيكون مصيرك معروف. ربنا يبارك في عمرها وفيكم

الفكرة كبرت لما مريدي ودراويش ضياء العوضي بدأوا يمارسوا حاجة شبه فكرة داروين عن التطور. فكرة التطور بتقول إن النوع بيتكيف مع البيئة المحيطة عشان يقدر يستمر ويعيش، أما مريدي ضياء العوضي فهدفهم إنهم يكيّفوا أفكار العوضي مع أي ثغرات أو انتقادات بتتوجه لها، عشان العوار والقصور العلمي الشديد اللي فيها، وقدرتها على حصد أرواح ملايين البشر يبقى مردود عليها ، بكلام العوضي ما قالوش أصلًا، لكن هم اللي اخترعوه عشان يعالجوا الثغرات دي

ضياء العوضي كمان عمل حاجة خطيرة انه لعب على الخطاب الشعبوي اللي فيه استدلال بالقرآن والدين وده بيسهل مرور أي قناعات للبشر.

يعني يقول استدلال فاسد يحط فيه مقدمات وهي إن سيدنا يوسف عزيز مصر لما جه يخزن في السنوات السبع العجاف خزن حبوب وإنه مخزنش لحمة مثلا أو منتجات تانية ذكرها . مع إن أصلا دي فكرة سبق ليها سيدنا يوسف المصريين القدماء وكانوا في سنوات فيضان النيل تحسبا لسنوات الجفاف يخزّنون الحبوب، وخاصة القمح والشعير، في صوامع ومخازن كبيرة لسهولة تخزينها بكميات ولقدرتها على الإحتفاظ بخصائصها لسنوات طويلة دون أن تفسد لكن المصري القديم عادي جدا كان بيأكل اللحوم والأسماك والطيور والبقوليات والألبان يعني عدم تخزينها مكنش بدافع إن الأطعمة دي ضارة

تلاقيه بيحذر من أكل الطيور فمريديه يقولوا عشان الهرمونات اللي بتتحقن بيها مع انه في الحقيقة كان كلامه مطلق وضرب مثل إن الرسول نفسه مكنش بياكل فراخ وده غير صحيح وقال إنّ القرآن مفيهوش فراخ . وأعتقد طالما الكلام عن الرسول والقرآن يبقى منعهم هو منع من الأصل مش مرتبط بالهرمونات مع إن في الحقيقة ورد في الحديث عن أبي موسى الأشعري رضي الله عنه: "رأيت رسول الله ﷺ يأكل لحم دجاج" و ربنا قال في القران عن طعام أهل الجنة ( وَفَاكِهَةٍ مِمَّا يَتَخَيَّرُونَ ۝ وَ لحم طير مِّمَّا يَشْتَهُونَ ) يعني فكرة إستغلال الصبغة الدينية لتطويع الأفكار ده تم استخدامه منه بشكل مُضلل

بس أخطر وأهم جملة قالها ضياء العوضي واللي أعتقد كانت في لحظة كاشفه وبتعكس انه إنسان ذكي بالمناسبة قال " الشيطان صاحب علم ولكن علم مضلل بيلعب معاك على بعض قواعد المنطق المغلوط يحط لك حتة ويلفق لك الباقي "

وفي رأيي ده جزء من الفكرة والمنهج اللي هو مارسهم هو أصلا المفاجأة انه مخترعش شئ جديد وفعلا قال جزء مرجعيته حاجة علمية وموجودة وهي إن أغلبنا ميعرفش إن عنده حساسية من الألبان وعدم تحمل اللاكتوز في منتجات الألبان وده عندي أنا شخصيا أو حساسية سيلياك أو حساسية قمح أو حساسية جلوتين ودي عند ملايين البشر بيحسوا بالأعراض بدون ما يعرفوا المرض

هو أقتبس من حاجة موجودة وهي Low FODMAP نظام غذائي علاجي مؤقت لتقليل أنواع معينة من الكربوهيدرات القصيرة التي قد تتخمر داخل القولون هتلاقي الممنوعات قمح ومخبوزات:، مكرونة قمح، بسكويت. بقوليات: فول، عدس، حمص، فاصوليا. خضار زي بصل، ثوم، قرنبيط، كرنب، مشروم.فواكه زي تفاح، كمثرى، مانجو، بطيخ ، ألبان عالية اللاكتوز .

والمسموحات في ال Low FODMAP أرز، بطاطس، شوفان بكمية مناسبة، كينوا، لحوم وبيض وأسماك غير مصنعة، خيار، كوسة، جزر، خس، طماطم بكميات مناسبة، موز غير شديد النضج، برتقال، فراولة، ألبان خالية اللاكتوز

فهو ببساطة غالبا أخد من القواعد الطبية دي اللي مفيهاش ضرر واللي تحسن جسم أي إنسان وبدأ يحولها لنظرية شخصية فيها البيض والطيور لا والتدخين هواء عادي إلى أن وصل لأخطر مرحلة إن " الدواء على وجه الأرض ممنوع " وهنا دي خطورة القصة كلها وسط ملايين الغلابة والبسطاء اللي هيقرروا ينهوا حياتهم بنفسهم وهما معتقدين أنهم بيتعالجوا

واحد قال صوت وصورة " اخد الأنسولين لا ، اخد چليكوڤاج لا ، الكلام ده كله كفتة ، الدواء على وجه الأرض ممنوع التداوي فقط بالصيام والإلتزام بممنوعاتك "

الجملة دي لوحدها كل من يروج لصاحبها مجر م وبيحرّ ض على إنهاء حياة ملايين البشر

اكتشاف فليمينغ للبنسلين والمضادات الحيوية اللي أكيد لها أثار جانبية لكنها أنقذت ملايين البشر ، أمراض زي السل ، الملاريا ، الإلتهاب السحائي معدلات الشفاء فيها اتغيرت ١٨٠ درجة بسبب الأدوية ، مرضى السكري النوع الأول ومرضى الكُلى الأدوية ساهمت في استمرار حياة ملايين منهم ، فيروس سي اللي كان بيحصد ملايين البشر ، شلل الأطفال اللي كانت نسب وجوده في مصر عالية كل دي أمراض بعضها بقى العلاج منه ووقف إنتشاره سهل تماما بفعل الأدوية

عشان كده أي نظام علاجي أو غذائي يشمل جملة زي " كل الدواء على وجه الأرض ممنوع التداوي فقط بالصيام والإلتزام بممنوعاتك " فالترويج له والدعوة له جر يمة وتحر يض مباشر على الق.تل ولا يجب تهاون الدولة معاه ولازم يتعمل حملات توعية إعلامية من خلال متخصصين ولازم يكون في تدخل قانوني بلا تهاون مع أي حد يروج لفكرة زي دي وتوضيح للناس الغلابة واللي بتدور على أمل العلاج إن المشكلة مش مع مسموحات وممنوعات نظام غذائي أنما إن في ملايين البشر حياتهم متوقفة على الأدوية وإن في أمراض لا يمكن علاجها باستبدال الدواء بنظام غذائي وإلا ده شكل من أشكال الق.تل الغير مباشر
@منقول