طب نفسي أطفال. د/هبه حمدى

16/12/2020

تبسيط العلوم .. تانية اعدادي لغات

08/12/2020

تبسيط العلوم لتانية اعدادي لغات
د_هبه_حمدي

02/12/2020

24/11/2020

تبسيط ساينس لتانيه إعدادي لغات ( الضغط الجوي - atmospheric pressure)

اسمع الشرح قبل ما نتقابل لايف على زووم .. وسجل أي سؤال تحت البوست

13/10/2020

كل ما تيجي أودام الأسانسير لازم تنط ٣ نطات وترفرف بإيديها

دي كانت أكتر مشكلة بتواجه طفلة أوتيزم .. كل الأعراض بتتحسن .. لكن اكتر حاجه بتدايق الأهل انهم مش عارفين يعدلو السلوك ده

ردت الأخصائية الشاطرة .. إيه اللي هيضر العالم لو البنت نطت قبل الأسانسير

إيه اللي هيضر الناس لو شافوها بتعمل كده

فيه الأهم اللي نركز عليه .. نركز على ال core symptom اللي فعلا ممكن يساعدها على التواصل .. فيه الأهم اللي نتعب عليه في التدريب

لو فكرنا في حياتنا .. هنلاقي إن كل حد فينا عنده حاجه في حياته ..بتريحه لما ببعملها .. لكن مش على مزاج باقي البشر

زي اللي بيسقسق البسكوت في الشاي بلبن ..
زي بتاكل مصاصة وهي بتذاكر ..

زي اللي بتخبي لبان سمارة علشان تاكله بعمق واستمعان ..

زي اللي بيحب يحط مناخيره تحت الحوض علشان يشم ريحة الديتول والمطهرات

طالما الحكاية كده .. ركز ع المهم في حياتك ..

إيه اولوياتك في التغيير

إبدأ باللي بيسبب مشاعر إنفعالية بتعطلك
عن أداء دورك اللي ربنا خلقك علشانه

12/10/2020

من له صديق صدوق فليستمسك به .
فهو صدى صوتك الذى لا يرد عليك بنفس كلماتك ولكته يرد عليك بتصحيح كلماتك .

اللهم انى أعوذ بك من السلب بعد العطاء

06/10/2020

طفل في ابتدائي كل مشكلته مع أهله واصحابه انه بيبربش بعينه أحيانا

الأهل حاولو معاه بالتنبيه ...والمكافأة علشان يقلل عدد المرات .. لكن الموضوع بيزيد .
لدرجة انهم فكرو في تعديل سلوك

دي لازمة يعني والا إيه ؟

الأم لما تزعق وتقوله وقف الحركة دي حالا.. بيعرف يوقفها
تبقى مش لازمة .. تبقى دلع و عند .. اختار لك واحده فيهم

كتير بنلاقي في العيادة حالات شبه كده

ضروري نفرق بين ال twitches and tics

حركة العين اللي شبه البربشة ممكن تزيد بقلة النوم او التعب والإجهاد او الضغط العصبي او حتى الكافيين .. او لخبطة في بعض أملاح الدم

عاوز تعالجها ... شيل السبب .. البربشة تروح

لكن لو مفيش سبب من دول .. فكر في tics
زي اللازمة .. بس خد بالك انها بتيجي فجأة .. وممكن الحركة تتنقل لمكان تاني

زي لازمة بالصوت ( نحنحة مثلا ) او حركة كتف .. وهكذا

وبيفرق مدة وجودها .. لأنها لو أكتر من سنه أو أكتر من مكان بتبقى تشخيص تاني

ولها علاج دوائي بيقللها

طيب دورنا إيه مع ولادنا .

سيبه .. ما تعلقش .. ماتلفتش نظره ..

واطمئن لأن نسبه كبيرة من الولاد بتروح لوحدها

لو استمرت؟ ... يبقى العلاج السلوكي المعرفي بتكون نتايجه ممتازة مع العلاج الدوائي

طيب ما انا وديته تعديل سلوك ... انا قلت علاج سلوكي معرفي مش تعديل سلوك

أساليب تعديل السلوك هتزودها

إيه الفرق بينهم

ده هنعرفه بالتفصيل في محاضرة تجمعنا كلنا .. هنعرف فيها الفرق بينهم .. ودوري كأم أو أب .. و دوري كأخصائي

المحاضرة جزء من كورس تطبيق مقياس ( تقييم سلوك الأطفال )

المحاضرة هتكون مفتوحة للجميع ( سواء مشترك أو غير مشترك )

المعاد والتفاصيل هينزلو على جروب الواتس اب

04/10/2020

كل ولادنا اللي في prep2 ..
تانيه إعدادي لغات .. اجمعو هنا بسررعه .. مبادرة لتبسيط منهج الساينس مجانا

25/09/2020

*كورس عبقرينو والمهارات الحياتية... الكورس عبارة ٤ وحدات*

*الوحدة الأولى ( البكتريا والمواقف المؤلمة )*

ليه البراز ريحته وحشة وشكله وحش ؟؟ ليه ما يبقاش لطيف وريحته حلوة ؟

العرق اللي بينزل على وشنا عبارة عن ناية وملح .. طيب ريحته الوحشة بتيجي منين ؟؟

ليه ما ينفعش نعمل عصير كلور نشربه لما يجيلنا مرض .. مش برضو بيستخدم في التعقيم ؟؟

ازاي منظار المعدة بيقدر يصور الجهاز الهضمي من جوا وبيدور على ايه ؟؟

هل فعلا اللي بنتفرج عليه في التلفزيون بيقعد جوا عقلنا وبنطلعه بعد كده في تصرفاتنا ؟؟

ازاي خلايا المخ بتتأثر بالإلكترونيات مع اننا بنكون مبسوطين اوي واحنا بنلعب ؟؟

ليه لما بيدخل في جسمنا ميكروب بنسخن أو نتألم ؟ ليه مفيش وسيله تانيه ماتدايقناش ؟

*الوحدة الثانية ( الفطريات والشخصيات المختلفه )*

فطريات الجلد شكلها ازاي وسببها إيه ؟؟

هل فيه فطريات ممكن ناكلها ونستفيد منها ؟؟

هو عفن الأطعمه سببها الفطريات ؟؟ شكلها ازاي تحت الميكرسكوب ؟؟

مين الفطريات الساحرة ؟؟

هل فيه شخصيات في حياتنا ممكن تتصرف معانا زي الفطريات الساحرة ؟؟

لما بطني بتوجعني ممكن يكون السبب فطريات ؟؟ واتأكد ازاي ؟؟

الإجابة على الأسئلة دي مثيرة للشغف وبتزود الإدراك بشكل عالي ... الأهم من كده هنخلي تبسيط العلوم مدخل لفكرة أو مهارة نعيش بيها ( و دي الفكرة الأساسيه للكورس )

هنكتشف ان ممكن نكون شبه بعض في الأسماء لكن مختلفين تماما في الصفات والمحتوى

*الوحدة الثالثة ( الجلد والتنمر )*
هو فعلا فيه بشرة لونها ازرق ؟؟ وايه حكاية الرجل الأزرق ؟

إيه حكاية الرجل اللي جسمه كله مغطى بالشعر لدرجة إن ملامحه مش باينه ؟؟ إيه التفسير العلمي ؟؟ و إزاي قدر يستخدمها كنقطة قوة ؟؟

هي السنافر لونها أزرق ليه وامتى ممكن ترجع للونها الأبيض ؟؟

ليه مختلفين في لون بشرتنا وشكلها ازاي تحت الميكرسكوب ؟؟

الناس اللي بيتولدو شعرهم وجسمهم أبيض .. ليه شكلهم كده ؟ وهل كتر أكل البيض بيخليهم كده ؟؟ وازاي اتحدو التنمر ؟؟

الناس اللي شكل جسمهم كأنه مبقع .. هل ممكن يعدونا لو سلمنا عليهم ؟؟ وليه هما كده ؟؟ ونتعامل معاهم ازاي ؟؟

البشرة السمرا لون الشوكلات .. ايه تفسيرها العلمي ؟؟ وازاي اتحدو التنمر ؟؟

الإجابة على الأسئلة دي محتاجة تبسيط لأقصى درجة ممكنه علشان نقدر من خلالها نعشق دراسة جسم الإنسان .

وهنعرف إن التنمر على طبيعة البشرة ما هو إلا قصور في الإدراك والعلم .. ياترى لو شوفت حد مختلف عنك هتختار إنك تقبله والا هتدي مخك أجازة

ولو انت مختلف عن اللي حواليك وفيه حد بيدايقك .. هوريك ناس عرفت تتحدى التنمر وقدرت تستخدم اختلافها كنقطة قوة ... وناس تانيه ما قدرتش واستسلمت .. إنت مين فيهم .. خد قرارك

*الوحدة الرابعه ( القلق )*

هل الكبار ممكن يكون عندهم فوبيا زي الصغار وياترى إيه هي أنواع الفوبيا ؟؟

الخوف بيقلل من نظرتك لنفسك والا لا ؟؟

هل ممكن نرسم الخوف ونتحكم فيه ؟؟؟

ازاي المخ بيفكر وقت الخوف ؟؟ اللمبة الحمرا مكانها فين وبتعمل إيه ؟؟

هل ممكن تساعد الغابه الخايفة وإيه حكاية الأستاذ نعام ؟؟؟

هو فعلا فيه بشرة لونها ازرق ؟؟ وايه حكاية الرجل الأزرق ؟

إيه حكاية الرجل اللي جسمه كله مغطى بالشعر لدرجة إن ملامحه مش باينه ؟؟ إيه التفسير العلمي ؟؟ و إزاي قدر يستخدمها كنقطة قوة ؟؟

هي السنافر لونها أزرق ليه وامتى ممكن ترجع للونها الأبيض ؟؟

ليه مختلفين في لون بشرتنا وشكلها ازاي تحت الميكرسكوب ؟؟

الناس اللي بيتولدو شعرهم وجسمهم أبيض .. ليه شكلهم كده ؟ وهل كتر أكل البيض بيخليهم كده ؟؟ وازاي اتحدو التنمر ؟؟

الناس اللي شكل جسمهم كأنه مبقع .. هل ممكن يعدونا لو سلمنا عليهم ؟؟ وليه هما كده ؟؟ ونتعامل معاهم ازاي ؟؟

البشرة السمرا لون الشوكلات .. ايه تفسيرها العلمي ؟؟ وازاي اتحدو التنمر ؟؟

الإجابة على الأسئلة دي محتاجة تبسيط لأقصى درجة ممكنه علشان نقدر من خلالها نعشق دراسة جسم الإنسان .

وهنعرف إن التنمر على طبيعة البشرة ما هو إلا قصور في الإدراك والعلم .. ياترى لو شوفت حد مختلف عنك هتختار إنك تقبله والا هتدي مخك أجازة

ولو انت مختلف عن اللي حواليك وفيه حد بيدايقك .. هوريك ناس عرفت تتحدى التنمر وقدرت تستخدم اختلافها كنقطة قوة ... وناس تانيه ما قدرتش واستسلمت .. إنت مين فيهم .. خد قرارك

الكورس مدته شهر .. هنتقابل أون لاين زووم بالإضافة إلى فيديوهات علمية مسجلة ومعدة بشكل يناسب المرحلة العمرية ... الفيديوهات هتنزل طوال الأسبوع على جروب المناقشة وهتحتفظ بيها مدى الحياة .

بالإضافة إلى فيديوهات للأم باشرح فيها ازاي توظف المعلومة

مناسب لمين ؟؟
من سن ٤ سنوات إلى ١٠ سنوات... مقسمين على مجموعتين طبقا للمرحلة العمرية

الإشتراك ٢٥٠ جنيه *( مع خصم ١٠٪ للإخوات )* .. فودافون كاش
01028175365

24/09/2020

لما يكون طفل عمره ٥ سنين وعنده اضطراب قلق الجسم عبر عنه بأعراض عضوية ..

لو اتكلمت معاه من هنا لبكرة مش هتوصل لأي نتيجه .. لا هنعرف مصدر القلق منين ولا حاسس بإيه وهندخل في دايرة مغلقة

حتى لو شخصنا هتعالج ازاي .. استخدام الأدوية restricted جدا في السن ده غير إنه مش الحل السحري

اقوى المراجع الأجنبية اللي بتعالج القلق .. دايما بيستعينو بشخصية تمثل القلق .. ويطبقو عليها كل الأفكار المعرفية اللي عاوزين يوصلوها للطفل

اشهر مراكز علاج السرطان للأطفال في أمريكا .. دربوا الأطفال على انهم ازاي يرسمو القلق اللي جواهم .. وفيه منهم عملو عروسة القلق .. واستطاع المعالج انه يجسد الأفكار العلاجية علشان يقدر يساعدهم .. وكانت النتايج مذهلة

في اختبار الذكاء الوجداني للأطفال استعانو بشخصية اسمها دقدق هي اللي بتكلم الأطفال .. و دخلو معاها كل البنود اللي عاوزين يعرفوها وطلعو نتايج رائعه ..

علشان نعلم أطفال ما قبل المدرسة انهم يرفضو الشيبسي والبيبسي والكاراتيه .. تم تجسيد كل فكرة عاوزين نوصلها من خلال شخصية بندق و عم شكشك .. والأطفال اقتنعو بكل كلمة لدرجة ان فيه طفل لما حب يجرب يشرب بيبسي بطنه وجعته ورجع من الإيحاء

اقناع الأطفال بفكرة ( لو حضرتك أم او مدرب ) .. أو علاج الأطفال ما قبل ١٢ سنه من أي اضطرابات نفسية .. يستلزم معرفة التطور النمائي للمخ .. وازاي نحول الفكرة لوسيلة عملية مناسبة لعمر الطفل .

WhatsApp Group Invite

21/09/2020

لما يكون طفل عمره ٥ سنين وعنده اضطراب قلق الجسم عبر عنه بأعراض عضوية ..

لو اتكلمت معاه من هنا لبكرة مش هتوصل لأي نتيجه .. لا هنعرف مصدر القلق منين ولا حاسس بإيه وهندخل في دايرة مغلقة

حتى لو شخصنا هتعالج ازاي .. استخدام الأدوية restricted جدا في السن ده غير إنه مش الحل السحري

اقوى المراجع الأجنبية اللي بتعالج القلق .. دايما بيستعينو بشخصية تمثل القلق .. ويطبقو عليها كل الأفكار المعرفية اللي عاوزين يوصلوها للطفل

اشهر مراكز علاج السرطان للأطفال في أمريكا .. دربوا الأطفال على انهم ازاي يرسمو القلق اللي جواهم .. وفيه منهم عملو عروسة القلق .. واستطاع المعالج انه يجسد الأفكار العلاجية علشان يقدر يساعدهم .. وكانت النتايج مذهلة

في اختبار الذكاء الوجداني للأطفال استعانو بشخصية اسمها دقدق هي اللي بتكلم الأطفال .. و دخلو معاها كل البنود اللي عاوزين يعرفوها وطلعو نتايج رائعه ..

علشان نعلم أطفال ما قبل المدرسة انهم يرفضو الشيبسي والبيبسي والكاراتيه .. تم تجسيد كل فكرة عاوزين نوصلها من خلال شخصية بندق و عم شكشك .. والأطفال اقتنعو بكل كلمة لدرجة ان فيه طفل لما حب يجرب يشرب بيبسي بطنه وجعته ورجع من الإيحاء

اقناع الأطفال بفكرة ( لو حضرتك أم او مدرب ) .. أو علاج الأطفال ما قبل ١٢ سنه من أي اضطرابات نفسية .. يستلزم معرفة التطور النمائي للمخ .. وازاي نحول الفكرة لوسيلة عملية مناسبة لعمر الطفل

الكلام ده هنعرفه مع بعض بالتفصيل .. وهنطبق العلم ده على موضوع القلق والخوف ..

المحاضرة دي مفتوحه لكل الأمهات ... لكن إلزامية لكل الأمهات اللي ولادهم مشتركين في كورس عبقرينو والمهارات الحياتية ( لأنه الجزء التطبيقي للوحدة الرابعه .. وحدة القلق )

المحاضرة أون لاين على زووم يوم الثلاثاء الساعه ١٢ ظ
لينك زووم هينزل على جروب واتس اب خاص بالمحاضرة ..هنزل لينك الجروب في التعليقات

منشن للمهتم وشير في الخير