Dr.Menna Mussa

Dr.Menna Mussa Contact information, map and directions, contact form, opening hours, services, ratings, photos, videos and announcements from Dr.Menna Mussa, Mental Health Service, فيصل الرئيسي, Giza.

أخصائية نفسية 🧠
اختبارات ومقاييس نفسية
تشخيص دقيق – دعم نفسي – خطة علاجية قائمة على أسس علمية
رحلة وعي ... توازن ... شفاء 🌱
لأن فهم النفس هو أول طريق السلام الداخلي
📞 للحجز والاستفسار: 01009698088

26/03/2026

✨ في نوع من الناس… مش بيخبط على الباب
هو “يتدحلب” جوا حياتك بهدوء…

في الأول:
لطيف، مهتم، بيسأل كتير
تحسي إنه مهتم بيكي فعلًا…
لحد ما تلاقيه بقى عارف تفاصيل أكتر من اللازم
ودخل مساحة مكانتيش مخططة تديهاله

وفجأة…
بدل ما يقف عند حدوده
يقعد كأنه صاحب المكان
يتكلم براحته، يفرض أسلوبه، وينهي الكلام على مزاجه

هو يسألك عن كل حاجة…
لكن أول ما تسأليه؟
يتحول لغموض غريب
أو يلف ويدور وكأن السؤال ده مش من حقك أصلًا

تحسي نفسك في علاقة فيها ميزان مكسور:
هو بياخد… وإنتِ بتدي
هو بيفرض… وإنتِ بتحاولي تفهمي

والأقذر؟
إنه يحوّل الاهتمام لمساومة
والقرب لشكل من أشكال السيطرة

ولو في لحظة…
ما مشيتيش على هوى مزاجه؟
يختفي فجأة
كأنه عمره ما كان موجود

لا توضيح… لا اعتذار… لا حتى احترام للنهاية

✨✨وهل قابلتوا حد كده في حياتكم قبل كده؟
حابة أسمع تجاربكم بجد… يمكن حد يفهم نفسه أو ياخد باله بدري المرة الجاية 💛

01/01/2026

الصلابة النفسية هي قدرة الفرد على إدارة الضغوط الحياتية بكفاءة، مع الحفاظ على أقل مستوى ممكن من القلق والتوتر، والتعامل الواعي مع التغيرات والمتغيرات التي تفرضها ظروف الحياة المختلفة.

تزداد الصلابة النفسية كلما تمكن الفرد من التحرر من القلق والخوف، واستعاد ثقته بذاته، واتخذ قراراته بوضوح دون تردد أو ارتباك.

وتضعف الصلابة النفسية حين يقف الإنسان متأرجحًا بين إدراك الحقيقة والخشية من مواجهتها أو سماعها.

✅ متاح تقديم اختبارات ومقاييس نفسية علمية
تهدف إلى تقييم مستوى الصلابة النفسية،
وقياس القدرة على إدارة متطلبات الحياة،
وفهم أساليب مواجهة الأزمات بشكل صحي ومتوازن.

للحجز والاستفسار: 01009698088

#اختبارات #النفسية #وعي

🧠 مين قال إن اختبار الذكاء للصغار بس؟اختبارات الذكاء✔ للكبار✔ وللصغارالذكاء مش رقم واحد ثابت،الذكاء قدرات متعددة:فهم – ت...
27/12/2025

🧠 مين قال إن اختبار الذكاء للصغار بس؟

اختبارات الذكاء
✔ للكبار
✔ وللصغار

الذكاء مش رقم واحد ثابت،
الذكاء قدرات متعددة:
فهم – تحليل – تركيز – حل مشكلات – سرعة إدراك

اختبار الذكاء بيساعد على:
• تحديد مستوى القدرات العقلية
• اكتشاف نقاط القوة
• فهم الصعوبات التعليمية أو الوظيفية
• توجيه الطفل أو البالغ للمسار الأنسب ليه

📌 اختبارات ذكاء للكبار والصغار
بمقاييس علمية معتمدة وتفسير مهني دقيق

تطبيق المقاييس النفسية والاختبارات خاصة اختبار الذكاء الصورة الخامسة امتع حاجة في يومي 🥰💗
26/10/2025

تطبيق المقاييس النفسية والاختبارات
خاصة اختبار الذكاء الصورة الخامسة امتع حاجة في يومي 🥰💗

25/10/2025

من كذا سنة كنت واخدة قرار واضح مع نفسي…
إني ما أتعاملش مع أي دكتور غير لو كانت دكتورة 👩🏻‍⚕️
إلا لو لقدر الله كانت حالة اضطرارية فعلاً.

ومن ساعتها خدت عهد بيني وبين ربنا،
إن يوم ما يكرمني وأفتح الكلينك بإذن الله 💫
تكون مخصصة للسيدات فقط — سواء سيدات أو مراهقات 💕

مش الموضوع عناد ولا تمييز،
بس هو عن راحة نفسية ومساحة أمان…
عن الخصوصية اللي بنات كتير محتاجينها،
خصوصًا لما بيكون صعب عليهم يشرحوا نفسهم قدام راجل حتى لو دكتور.

وطبعًا لو الحالة تستدعي وجود الزوج في الجلسات،
ده شيء طبيعي ومقبول وضروري 🙏🏻

لكن العلاج النفسي المباشر مع الرجال؟
لا… ده مش جزء من رؤيتي ولا من رسالتي.
كل واحدة ليها حدود بتحافظ بيها على طاقتها واتزانها 💗
ومن وجهة نظري، الأفضل إن الراجل يلجأ لراجل زيه،
خصوصًا في الحالات اللي فيها تفاصيل شخصية جدًا أو أمور تخص العلاقة بين الزوجين. 🌿

25/10/2025

مش معنى إنك بدأت رحلة العلاج النفسي إن الطريق هيكون ممهد ومليان ورد
لأ خالص، ساعات هتصحي بنفس المشاعر القديمة اللي كنتِ فاكرة راحت،
أو تلاقي الأفكار اللي كانت سكتت… بدأت تهمس تاني في بالك 💭

بس خدي بالك 👀
ده مش دليل إن العلاج مش نافع، ولا إنك فشلت، ولا إن التعافي مستحيل!
بالعكس، ده جزء طبيعي جدًا من الرحلة ❤️
العلاج مش بيشيل المشاعر ولا بيكنس الأفكار،
هو بيعلمك إزاي "ترقصي معاهم" من غير ما يوقعوك 💃🏻
وإزاي تفهمي جذرهم وتتعاملي بوعي بدل ما تتهربي منهم 🌱

فالانتكاسة مش نهاية، دي محطة صغيرة بتفكرك قد إيه كبرتي وقد إيه وعيك زاد ✨
خدي نفس، وكمّلي… لأنك ماشيه صح حتى لو الطريق لولبي شوية 💪🏼🌈

وساعات الانتكاسة مش رجوع ورا… دي بس استراحة محاربة 👑

💬 قوليلي بقى، لو حصلتلك انتكاسة بسيطة قبل كده… إزاي تعاملتي معاها؟

30/08/2025

من العلامات الواضحة للشخص المؤذي إنه ما بيعرفش يواجه… وبيتعامل بطرق هروب أو تلاعب بدل تحمّل المسؤولية.
وبيظهر ده في سلوكيات مختلفة:

1️⃣ الهروب والاختفاء (Ghosting): يختفي فجأة من غير تفسير، عشان يهرب من المواجهة أو من تحمل نتيجة أفعاله.

2️⃣ قلب الطاولة والتلاعب: لو اضطُر يواجه، يحاول يقلب الموقف ويخلي الضحية هي الغلطانة، ويزرع فيها إحساس بالذنب.

3️⃣ اللعب على المشاعر: يستغل نقطة ضعفك، سواء عاطفية أو نفسية، ويضغط عليك بالكلام أو الصمت.

4️⃣ التقليل المستمر: يقلل من نجاحاتك أو مشاعرك عشان يحسسك إنك أقل، وبالتالي يثبت سيطرته.

5️⃣ الوعود الكاذبة: يعد كتير وما ينفذش، عشان يفضل مسيطر ويخليك دايمًا منتظر.

📌 في النهاية، المؤذي بيتبع نفس النمط:
إما يهرب 🙈، أو يمثل دور الضحية 🎭، وأحيانًا يجمع الاتنين.

🔍 أحب أوضحلك إن التعامل مع الأشخاص دي لازم يكون بحذر. وعيك بالعلامات دي بيساعدك تحافظ على طاقتك وحدودك، وتعرف إن أي علاقة صحية لازم تبنى على صدق، مسؤولية، واحترام متبادل.

07/08/2025

الأشخاص الذين يملؤون حياتنا بالمودة هم الثروة الحقيقية.

#علاقات
#حب
#صداقة

06/08/2025

لو انا بغرق في حمام سباحة وانت بتغرق في بحر ، يبقي مين فينا مشكلته اصعب من التاني؟ ، چيس وات إحنا الاتنين بنغرق وإحنا الاتنين مش عارفين نتنفس وإحنا الاتنين هنموت ، ف مش عشان انا بغرق في شبر ميا وانت بتغرق في ٦ متر يبقي انت بتعاني اكتر مني ، فـ ياريت منقللش من معاناة حد عشان at the end of the day إنتوا الاتنين تعبانين وانتوا الاتنين بتخسروا وإنتوا الاتنين حياتكوا واقفة، شعور المعاناة واحد، لكن ربنا بيدي كل واحد طاقه تحمل وبيبتليه علي قدر طاقته وتحمله.

26/07/2025

الرجولة الحقيقية والأنوثة الواعية: لقاء الطاقات والفطرة! 🌟
الرجولة ليست مجرد كلمة، بل طاقة أمان، ثبات، وحماية.
الرجل الأصيل هو السند الذي يسمح للمرأة أن تزدهر وتعيش أنوثتها بكل تفاصيلها.
في المقابل، الأنوثة الواعية تدرك قيمتها وتختار الرجل الذي يُقدرها ويكملها، لا من يحاول كسرها. العلاقة الصحية تقوم على التكامل لا الصراع.
عندما يأتي الرجل الذي يجسد الرجولة الأصيلة، "خبطته على الباب" تكون صدى لكيان متكامل وقوي، طاقته تتحدث قبل كلامه كـ"ملاذ" و"شريك" يحترم كيانها. المرأة الواعية لا تقبل بأي "خبطة"، بصيرتها نافذة تميز الطاقة الحقيقية، تبحث عن التكامل والأمان.

⏪ قال الله تعالي في القرآن الكريم:
("الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ" - النساء: 34)، وبالثبات والشجاعة ("مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ" - الأحزاب: 23).
يربط الرجولة بالقوامة بالعدل والرعاية والثبات.

⏪ كما ذكر في الإنجيل:
("أَيُّهَا الرِّجَالُ، أَحِبُّوا نِسَاءَكُمْ كَمَا أَحَبَّ الْمَسِيحُ أَيْضًا الْكَنِيسَةَ وَأَسْلَمَ نَفْسَهُ لأَجْلِهَا" - أفسس 5: 25)، يؤكد على قيادة الرجل المبنية على الحب والتضحية والحكمة.

✅ شاركونا آراءكم! 👇

16/07/2025

💪 دروس الحياة: قوة وذكاء! 💪
"اتمرني! حركي جسمك، وحسي بالقوة!" 🏃‍♀️💥

"بطلي تتجاهلي إشارات الخطر. هو/هي/هم مش هيتغيروا. وأنتي مش مجنونة!" 🚩🚫 اسمعي إحساسك الداخلي، دايمًا.

"لو هما وحشين، سيبيهم." 👋 الناس السامة ملهاش مكان في حياتك الحلوة.

"مش لازم تكسبي كل خناقة." 🧘‍♀️ اختاري معاركك، ووفري طاقتك.

"ابني ثروة لنفسك. ابدئي في التوفير، دلوقتي!" 💰🚀 مستقبلك هيبعتلك كارت شكر.

"آراء الناس عنك ملهاش أي علاقة بيكي بنسبة 110%." 💯 مين مهتم هما بيفكروا إيه؟ عيشي لنفسك أنتي وبس!

"اتعلمي تعملي الحاجات الصعبة. متختاريش الهروب بدل ما تواجهي وتحلي." 🧠 مواجهة التحديات بتخليكي قوية ومحدش يقدر يوقفك.

"اسمعي لإحساسك الداخلي. دايمًا بيبقى صح." ✨ حدسك هو قوتك الخارقة.

"إنجاب الأطفال مش حاجة لازم تحصل لكل واحدة. اتأكدي أنتي عيزاهم الأول." 👶 فكري لنفسك كويس، دي حياتك أنتي.


#ثيرابيست

Address

فيصل الرئيسي
Giza

Website

Alerts

Be the first to know and let us send you an email when Dr.Menna Mussa posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Menna Mussa:

Shortcuts

Share

Category