https://www.youtube.com/c/دكتورسكر

دكتور سكر., Giza (2026)

20/02/2026

اللي صام بأمان بدون مشاكل... ربنا يحفظك وأعطاك الله القدرة على الاستكمال

اللي أخذ برخصة الإفطار
ربنا يحفظك ويبارك في عمرك وصحتك وأعطاك الله الأجر الوفير

أما من صام وحصل له مشاكل

ربنا يحفظك تعالى نتناقش ونشوف المشكلة فين ونحاول نتجنب المشاكل دي
ولو معرفناش... توكل على وخذ برخصة الإفطار

أخبار القياسات إيه وقسنا كم مرة خلال اليومين

#رمضان

01/02/2026

ورقة وقلم وتعالى
أو أعمل متابعة وحفظ للبوست عشان هتحتاج ترجع له

في أدوية مهمة جداً مش هنقدر نوقفها
ممكن نبدلها لو تقدر على الكلفة المالية بتاعتها

لكن لو مش هتقدر.... كمل بها وبلاش تصوم

حضرتك لك رخصة الإفطار
دي مش مني
دي من شرعنا ودينا

مينفعش تضر نفسك وتقول لازم أصوم دا فرض عليا

لا... بالعكس

تعالى نختار أول دواء ونشرح ليه ممنوع تصوم معاه

#الميكستارد
دا أنسولين بيشتغل في جسمي لفترة مش قصيرة ويحتاج إلى تعامل خاص

تعالى نتعرف عليه بشكل مبسط ومفصل

كبداية دا مش نوع دا نوعين مع بعض
حتى اسمه ميكس
وهتلاقي رقمين
٣٠ في المائة ودي نسبة الأنسولين المائي فيه

الأنسولين المائي دا الخاص لتغطية كمية الكارب في الوجبات

بالبلدي كدا دا أنسولين الأكل
يبدأ عمله بعد نصف ساعة من الحقن على الأقل
وله وقت قمة كبيرة ساعتين من بداية الساعة الثالثة وحتى نهاية الساعة الرابعة

وقت قمة يعني الأنسولين شغال بكامل قوته
وبعد كدا بيكمل كمان ساعتين وممكن أكثر

بالتالي فترة عمله طويلة قد تتجاوز الست ساعات

يهمني هنا أنك تعرف الآتي

دا أنسولين الأكل
عشان يغطي الكارب الخارج من الأكل

والكارب دا بيفضل شغال لمدة ساعتين من بداية أول لقمة تأكلها تقريباً

فاكر تحليل سكر فاطر
بنقولك اعمله بعد ساعتين من أول الوجبة

طيب هنا الكارب اللي حضرتك أكلته في الوجبة بينتهي بعد ساعتين تقريباً

والانسولين لسه مكمل
دى كدا اسمها جرعة متبقية نشطة

لازم تاخد سناك فيها كارب عشان تتجنب الهبوط
واللي برده هتستمر ساعتين

ولسه الأنسولين مكمل

ساعتها محتاج كمان سناك

تعالى ألخص لك

أنت بتاخد أنسولين شغال ست ساعات على الأقل
كدا أنت محتاج أكل شغال ست ساعات زيهم

بالتالي... وجبتك مقسمة إلى
وجبة تصبيرة أولى بعد ساعتين
تصبيرة تانية إجباري بعد أربع ساعات
🤗🤗🤗

دا لو سكرنا مظبوط

التصبيرة أد إيه والوجبة أد إيه والجرعة كم

مش وقته هنا
عشان بتختلف من شخص لآخر
🫤🫤🫤
طيب يا دكتور مفيش مشكلة هسمع كلامك وانفذه

وهصوم برده
🫣🫣🫣
إزاي بقى هتصوم وحضرتك محتاج تصبيرة بعد السحور بساعتين وبعد السحور بأربع ساعات
🤔🤔🤔🤔

طيب لو نقصنا الجرعة
كنت سمعت حد بيقول كدا... نقلل الجرعة

موافق
قلل الجرعة وإن كان دا غلط وهفهم حضرتك غلط ليه

بس بعدين

ساعتها لازم تقلل كمية الكارب في الوجبة بتاعت السحور عشان سكرك يكون مظبوط بعد ساعتين

وتقليل الجرعة لن يقلل عدد ساعات العمل بالمناسبة

وبرده حضرتك لسه محتاج تصبيرة أولى بعد ساعتين و تصبيرة تانية بعد أربع ساعات

كدا الحل دا مرفوض

لو عندك حل تاني قل لي عليه ونتناقش
لو مفيش حل تاني... يا ريت تسمع كلامي

#انسولين
#رمضان

13/01/2026

البوست دا مش معلومات طبية
الهدية التي قلنا عليها بعد فوز المنتخب

من تم اختياره تم إرسال له أو جاري إرسال له

أما من يريد أن ينضم معانا

لو علاج حضرتك #أنسولين
نكتب في التعليقات رقم 1

سكر نوع أول أو سكر نوع ثاني وأصبح معتمد على الأنسولين بشكل كامل

أما لو علاج حضرتك مش أنسولين
نكتب رقم 2
سكر نوع ثاني
أو سكر حمل

12/01/2026

جرس التليفون لم يتوقف
إتصال ثم بعده مباشرة إتصال آخر

استأذنت وتركت ما في يدي

هذا رقم الطوارئ

الحقنا يا دكتور بابا سكره نازل نعمل إيه

أول سؤال لي: ما درجة الوعي

الحمد لله كويس واعي وبيرد علينا كويس

تمام كدا مفيش قلق

هنتبع الخطوات التالية وبعدين نكمل نقاشنا

خطوة أولى
نطمن فعلاً أن درجة الوعي كاملة
محتاج اطمن أنه ليس هناك أي اضطراب في درجة الوعي وهذا لن يكلفني ثواني خلالها أكون بستعد للخطوة التالية

خطوة تانية
نعيد القياس تاني
قد يكون جهازنا فيه مشكلة ما فأعطانا قياس غير صحيح

خطوة ثالثة
لو تأكدت من وجود هبوط حقيقي بعد إعادة القياس
هبوط حقيقي يعني السكر تحت ال70
نبدأ نمشي على قواعد الرفع
قاعدة ال١٥
أو حسب معامل الرفع
نختار نوعية الكارب المناسبة
وكمية الكارب حسب القاعدة المتبعة

الخطوة التالية
مراجعة العلاج والتأكد من عدم وجود فرصة لحدوث هبوط مرة أخرى
ممكن تكون نوع أول أو نوع ثاني معتمد على أنسولين
لازم اطمن أن جرعة الأنسولين النشطة الباقية قد انتهت
أو تكون نوع ثاني وتتناول دواء محفز للبنكرياس مثل مجموعة السلفا
هنا لازم متابعة لمدة طويلة قد تصل لساعات اليوم كله

خطوة تالية
بعد التأكد من والتوثق من عدم حدوث هبوط تاني

نراجع اليوم من أوله
نبحث عن سبب الهبوط
قد يكون مجهود بدني غير معتاد
تفويت وجبة
تغيير نوعية وكمية الكارب المعتادة
وجود دواء إضافي

أو غيره من العوامل

خطوة تالية
نطلب تحاليل وظائف الكلى

أخيراً وخلال كل خطوة تطمين المريض وشرح كل خطوة وأهميتها والتأكد من درجة الوعي والتأكد من تفهمه وموافقته على كل خطوة

لو لقيت الرقم دا بتعمل إيه ؟
ومتى آخر مرة رأيته ؟

08/01/2026

على فكرة سمعت كلامك وأخذت جرعتي حسب كمية الكارب وحسبت صح من الملف اللي حضرتك أرسلته لي

ومع ذلك حصل هبوط شديد

رسالة من مريض يتابع معي اونلاين من ستة عشر يوم وتعلم معايا حساب الكارب
ومعامل الكارب تم حسابه بدقة ثم تم اختباره

انزعجت قليلاً

أول سؤال مني عرفت إزاي أن هناك هبوط

السؤال ده مهم جداً وهشرحه في بوست منفصل

طيب الهبوط حصل امتى بالضبط
بعد خمس ساعات من وجبة الإفطار وتكرر مرة تانية بعد خمس ساعات أو أقل من وجبة الغداء

فكرنا مع بعض شوية
وراجعت معه كل الخطوات
وعملنا مقارنة بين أخر ثلاثة أيام واليوم

مفيش أي حاجة جديدة
مفيش أي تغيير

آه بس يا دكتور الأنسولين خلص وروحت جيبت جديد

طيب ممكن تبعت لي صورة الأنسولين الجديد

هنا ظهرت المشكلة
كان يستخدم نوفو رايبد ولما خلص جاب اكت رايبد مكانه
و طبعاً مشينا بنفس القواعد
وده غلط كبير

نوفو رايبد أنسولين قصير المفعول
اكت رايبد ليس مثيل له
اكت رايبد ليس أنسولين قصير المفعول
اكت رايبد أنسولين مائي
اكت رايبد أنسولين معتاد
اكت رايبد أنسولين وجبات

لكن مرة تانية ليس أنسولين قصير وليس مثيل له

ركز
اكت رايبد يبدأ عمله بعد نصف ساعة من الحقن إلى ٤٥ دقيقة

يستمر عمله لفترة قد تصل إلى ثماني ساعات متوسط ٦ ساعات
له وقت قمة كبير ساعتين تقريباً
من بداية الساعة الثالثة وحتى نهاية الساعة الرابعة
وزي ما عملنا أمس مع

هنطبق عملي على المعلومات النظرية دي

كدا
هناخد وجبتنا بعد الحقن بنصف ساعة على الأقل
ولا أنصح به مع الأطفال اللي مجبرين ندي لهم الأنسولين بعد الوجبات

وجبتنا محسوب فيها كمية الكارب بشكل صحيح
جرعتنا محسوبة على معامل الكارب وكمية الكارب في الوجبة

بناخد سناك بعد ساعتين لو سكرنا مظبوط
وبناخد سناك تانية بعد أربع ساعات

تريكات صغيرة كدا على جنب
اكت رايبد بيساعد الأنسولين القاعدي في عمله
بالتالي لو هنكمل مع اكت رايبد بنقلل جرعة القاعدي شوية

بلاش تصحح ب اكت رايبد
عشان فترة عمله طويلة
ووقت قوته أو الذروة
طويلة

اكت رايبد عيبه كمان وجود ذبذبة في قوته مش ماشي بشكل ثابت

طيب إيه الميزة اللي فيه عن الأنسولين قصير المفعول

رخيص
فترة عمل طويلة مناسبة لبعض الأطفال اللي بيحب يأكل مرات كثيرة
متاح معظم الوقت
له بدائل زي انسومان ار وغيرهم

R حرف الار علامة مميزة له

نحسب ازاي معامل الكارب
معامل التصحيح
كمية الكارب

تعرف ولا محتاج مساعدة ؟

#دايت #الأنسولين

05/01/2026

عايز تظبط سكرك صح
سكر نوع أول
أو سكر نوع ثاني وأصبحت معتمد على الأنسولين

تعالى نتعلم مع بعض

أول خطوة وأهم خطوة
تعرف الأنسولين الخاص بحضرتك حق المعرفة
تعرف الأكل الذي تتناوله حق المعرفة

تعمل توازن بين الاتنين بعد كدا

ونبدأ الليلة ب #الأنسولين

ما نوع الأنسولين اللي معاك وأنا أعرفك عليه

#دايت #ببساطة #
#الأنسولين

14/11/2025

بمناسبة اليوم العالمي للسكر
حالتين في الاستقبال معانا دلوقتي دلوقتي دلوقتي اللي هو دلوقتي دلوقتي

بنوتة قمراية 14 سنة
ماشية على لانتوس ونوفو رايبد

جرعات عالية جداً
أكثر من عشرين وحدة مع كل وجبة
خمسة وخمسين وحدة لانتوس

الوزن مش زيادة أوي
مفيش مشاكل تانية
بتنام الساعة ستة صباحا
نصحى على قبل العصر
الوجبات مش ثقلية من ناحية كمية الكارب
مفيش حركة خالص
تراكمي 6.8
فالكل مبسوط جداً بس النهارده جاية باسيتون
+++
وسكر 420

المريضة التانية آنسة
26 سنة
سكر نوع أول وكان علاجها ميكستارد لسنوات
وكنت مستريحة عليه بنص حديثها
ولما حولت ل ابيدرا وترسيبا بقيت دائماً تعبانة

لما جينا نراجع الجرعات

لقيناها سابقاً كانت بتاخد ميكستارد 60/40
وحالياً ترسيبا 16
ابيدرا 12/16/8

وبرده الوزن مش زيادة

العامل المشترك إيه هنا

لما جيت أتكلم عن معاملات الكارب والرفع والتصحيح
كان ردهم أنت بتقول إيه
وبدأنا نسترجع ذكريات الماضي السحيق

اااااه الحاجات القديمة دي اللي قالوا لنا عليها أول ما ظهر السكر

أنا اتثبت شوية على ما استوعبت

وسألت عارفين إحنا في شهر إيه
طب عارفين النهارده إيه

صمت مطبق من كل الأطراف

07/11/2025

لما يكون سكرنا عالي نعمل إيه ؟
السكر العالي حاجة غلط
بما أن الغلط محتاج تصحيح حتى يكون صحيحاً

بكده تنزيل السكر العالي للسكر المظبوط هيكون #تصحيح

بالضبط هنعمل تصحيح

بس ناخد بالنا

قبل أي مناقشة
الوقاية خير من العلاج

هدفنا ليس التصحيح

هدفنا ليس تنزيل السكر العالي

هدفنا من الأساس ضبط السكر ومنعه من الإرتفاع

لو حدث أي أمر طارئ أدى إلى إرتفاع السكر فهو استثناء
وغير صحيح وليس هدف لنا

ومع ذلك لازم نتعامل مع هذا الخطأ أو الأمر الطارئ

تحديد الهدف والأرقام المطلوبة و و و و

كل ده بيتم مع طبيبك المعالج المتخصص في مناقشة أول زيارة أو مقابلة

طيب معلش كل اللي أنت بتقوله ده اسمه أساسيات ومفهوم
لازمته إيه تقوله

للأسف والله وصلنا لمرحلة بنشرح فيها الأساسيات ونتجادل فيها مع ناس المفروض أنها تمتلك عقلاً

عموماً وبدون الدخول في مهاترات مع أي أحد

مفيش طاقة والله للنقاش العقيم أو الجدال في أساسيات لا تحتاج للإثبات

جرعة التصحيح

بتكون من #الأنسولين قصير المفعول زي نوفو رايبد وابيدرا
ولو مش متاح هنتعامل مع اكت رايبد بشروطه وقواعده

الجرعة على حسب معامل التصحيح
وقياس السكر الحالي

هنتعامل في البيت بهدوء طالما مفيش أسيتون في البول ولا أعراض غيبوبة السكر وحموضة الدم المرتفعة

ويا ريت تحت إشراف طبيب متخصص

مفيش عندك المعلومة أو المهارة للتعامل أو ينقصك أدوات مثل شرايط الاسيتون

يا ريت تتحرك لأقرب مستشفى أو مركز طبي يساعدك

04/11/2025

لو هختار حاجة واحدة عشان أبدأ متابعة سكري ونتوقع نصل لنتائج جيدة خلال فترة بسيطة
هختار جهاز قياس السكر السريع اللي بنسميه بالخطأ جهاز السكر العشوائي

مفيش معاك جهاز قياس السكر
مفيش متابعة بشكل صحيح

طيب ممكن نقيس بجهاز الصيدلية..... لا
ولا جهاز جارنا اللي فوق..... لا
هجيب جهاز الحاجة يومين..... برده لا

معايا سكرية طلبت متابعة اونلاين
في جرح صغير في القدم

من شهر بالضبط

ولأنه صغير لم تلقي له بالاً في البداية

إلا أنه وصل بعد الشهر لمرحلة صعبة

بعتت الصورة وطلبت نبدأ

الرد كان كالتالي

ألف سلامة لحضرتك يا أمي
الخطوة الأولى مش معايا

بل مع دكتور جراحة أوعية دموية أو على الأقل جراحة عامة

ومحتاج أعرف شوية تفاصيل عن السكر
لأن ده دوري فقط مع حضرتك

ضبط السكر بشكل صحيح يساعد تجنب الدخول في قدم سكري ومنع تدهور الجرح

السؤال المهم كم قياسات السكر اليومية وأخر تراكمي

طيب يا دكتور هنعمل زيارة لدكتور الجراحة النهارده وهعمل لك تراكمي وصايم وفاطر

بعدها بساعات قليلة

تراكمي 11.7
الصائم 309
بعد ساعتين من الأكل 369

والله بحافظ في الأكل يا دكتور ومش بأكل سكريات كثير

طيب يا ماما

فين القياسات اليومية

مفيش جهاز معانا
بنقيس في المعمل كل فترة

شرطي الأول يا أمي... نجيب جهاز

ممكن نقيس بجهاز الصيدلية..... لا وألف لا ولا أي جهاز غير جهاز حضرتك

الشرط الثاني

متابعة لصيقة خلال أسبوع من اليوم

هنوقف أدوية السكر الأقراص ونبدأ #أنسولين

ليه

خلي السؤال ده للحبايب

ليه هنبدأ #الأنسولين ونترك الأدوية دي

فورسيجا وجلوكوفاج اكس أر واماريل 3

02/11/2025

يالا نظبط سكرنا
أيوة يالا

بس ثانية واحدة

هنظبط على كم ؟

إيه الأرقام اللي حضرتك عايز نظبط سكرنا عندها

والله كل اللي عايزه نبعد عن مضاعفات السكر العالي

الأرقام لوحدها كده تظل وتبقى أرقام

لا قيمة لها

إلا إذا كانت الصورة كاملة جيدة ونحقق هدفنا في الابتعاد عن مضاعفات السكر العالي

ودائماً قلها هكذا مضاعفات السكر العالي
وليس مضاعفات السكر وتسكت

وقبل ما نترك النقطة دي
برده مشاكل علاج السكر محتاجة وقفة ونظر
لازم
تحقيق الهدف هنا بأقل خسائر وأقل مشاكل وأقل ثمن

يعني حضرتك ما تروحش تاخد قرص بروفين 600
عشان صداع ممكن يروح بقرص اسبرين أطفال أو قرص بارامول

برده مش فاهم

تعالى نعطي مثالاً كالمعتاد

عم حسن 53 سنة
سائق
سكري جديد بدأ ب مرحلة ما قبل السكري
ثم كمل ودخل في سكر نوع ثاني من شهور

بشكوى وعرض شائع مع بداية السكر

دخول الحمام كثيراً لدرجة أثرت على عمله

تراكمي التشخيص 8.2
سكر صائم 176
سكر بعد الأكل بساعتين 212

بدأ العلاج بدايمكر ون 60 بعد الفطار
جلفس ميت 1000/50
بعد الغداء

رحلة الحمام المتكررة توقفت
السكر في المعدلات الطبيعية خلال أيام من العلاج

عم الفرح والسرور أرجاء المكان

ثم انقطع عن المتابعة وعاد يمارس حياته السابقة بشكل طبيعي

ثم

بدأت مشاكل أخرى
شعور بالجوع الشديد
خاصة قبل موعد وجبة الغداء التي هي في الأصل متغيرة بسبب طبيعة العمل
نوبات هبوط حادة لدرجة ايقافه للسيارة التي يقودها مرات
ليتناول العصير أو الحلويات التي أصبحت صديقه الصدوق عند حدوث هذه الأعراض

بدأ الوزن يزداد

موعد زيارته التالية للطبيب كانت بعد الشهور الثلاثة كاملة مع تراكمي جديد

5.9
وصايم 102
وبعد الفطار بساعتين 78

بالمناسبة القصة حقيقة بالكامل مع بعض التغييرات البسيطة

الأرقام حلوة أهي

كده إحنا ماشيين صح ولا غلط ؟

دكتور سكر.

20/02/2026

01/02/2026

13/01/2026

12/01/2026

08/01/2026

05/01/2026

14/11/2025

07/11/2025

04/11/2025

02/11/2025

Address

Telephone

Website

Alerts

Contact The Practice

Shortcuts

Share

Category

Listing takedown request