ZAT Mental Health - دكتورة هدى محمود

  • Home
  • Egypt
  • Giza
  • ZAT Mental Health - دكتورة هدى محمود

ZAT Mental Health - دكتورة هدى محمود Contact information, map and directions, contact form, opening hours, services, ratings, photos, videos and announcements from ZAT Mental Health - دكتورة هدى محمود, Mental Health Service, Giza.
(3)

متخصصة فى علاج الصدمات و العلاج التكاملى mind body integration مؤسس ومدير وحدة الدعم النفسى بالمجلس القومى للطفولة والامومة
الجسد مساحة للوجود
جسدك هو بيتك الذى تسكن فيه

10/08/2026

الغضب 😡😡⚡️⚡️

رسائل من الجسدأنا مش حاسس بحاجة…أحيانًا يأتي الاكتئاب في الصورة اللى كلنا عارفينها …حزن.....بكاء....فقدان طاقة....لكن أح...
09/08/2026

رسائل من الجسد

أنا مش حاسس بحاجة…

أحيانًا يأتي الاكتئاب في الصورة اللى كلنا عارفينها …

حزن.....
بكاء....
فقدان طاقة....

لكن أحيانًا يأتي في صورة أكثر هدوءًا…

أنا مش حاسس بحاجة

لا أنا زعلان…
ولا أنا مبسوط.

الحاجات اللي كنت بحبها مش بتفرق معايا.

أقابل الناس، وأتكلم، وأضحك أحيانًا…
لكن في الداخل، هناك مكان ما ......لا يصل إليه شيء

أعرف بعقلي أن المفروض أفرح،
لكن الفرح لا يصل.

وأعرف أن هذا الموقف مؤلم،
لكنني لا أشعر بألمي كما كنت.....

وقد أجلس ساعات أمام الشاشة،
أو آكل دون جوع،
أو أنشغل بأي شيء…
فقط حتى لا أكون مع هذا الفراغ......

وهنا قد نعتقد أن المشكلة هي أننا كسالى

أو أننا لم نعد نحب شيئًا.

لكن أحيانًا يكون ما يحدث جزءًا من الاكتئاب…

فالاكتئاب ليس دائمًا شعورًا بالحزن.
أحيانًا يكون فقدانًا للقدرة على الشعور.

وهذا ما نسمّيه فقدان المتعة
أن الأشياء التي كانت تمنحنا حياة أو معنى
تفقد قدرتها على الوصول إلينا.

وكأن الحياة ما زالت تحدث حولنا…

لكنها لا تصل إلى الداخل.....

وهنا أريد أن أقول شيئًا مهمًا:

جسدك مش خالي من المشاعر.
ربما هو مُرهَق إلى درجة أنه لم يعد
قادرًا على استقبالها بالطريقة المعتادة.

لذلك لا تبدأ رحلتك بسؤال:

«مالك؟ ليه مش قادر تحس

ربما نبدأ بسؤال أكثر رحمة

من إمتى وأنت مش حاسس
وإيه اللي حصل قبل ما الإحساس يبدأ يختفي....

لأن أحيانًا…

ما نسميه فراغًا
يكون في الحقيقة جسدًا متعبًا يحاول أن يحميك من المزيد

ورسالة الجسد قد لا تكون:

أنا لا أشعر......

ولكن ....

أنا أشعر… لكنني تعبت من الشعور......

لاحظ حاجة مهمة
فقدان المتعة والخَدَر العاطفي
ممكن يحصل مع الاكتئاب،
لكن وجودهم لوحده لا يعني بالضرورة الإصابة بالاكتئاب،
وافتكر ديما ان
الجسد مساحة للوجود
تحياتى
دكتورة هدى محمود مؤلفة كتاب الدليل العملى للعلاج الجسدى للصدمات

رسائل الجسد اضطرابات الاكل اضطرابات الأكل (Eating Disorders) مش مجرد سلوكيات غذائية خاطئة أو رغبة مفرطة في النحافةلكنها ...
08/08/2026

رسائل الجسد
اضطرابات الاكل
اضطرابات الأكل (Eating Disorders)
مش مجرد سلوكيات غذائية خاطئة أو رغبة مفرطة في النحافة
لكنها اضطرابات نفسية وجسدية معقدة.
يُستخدم فيها الطعام والجسد كوسيلة للتعبير عن صدمات غير معالجة،
أو للتعامل مع مشاعر غامرة،
أو لفرض نوع من السيطرة لما اكون غير قادر على التحكم فى العالم الخارجى .
من انواعه
1-قدان الشهية العصبي
(Anorexia Nervosa)
2-النهم العصبي
(Bulimia Nervosa)

طيب ايه هى الرسالة من ورا الاضطراب ده
بتحصل اضطرابات الأكل عند نقطة التقاء الجهاز العصبي و المشاعر المكتومةوالجسد
لان بيحصل انفصال للشخص عن جسمه وبيفقد الوعى الجسدى
وكمان بيكون فيه اضطراب فى تنظيم الجهاز العصبى اللاارادى
وكان الجسم بيقول انا مش عايز احس بحاجة
فانا هاكل اكتر
رغم انى مش جعان
من غير ما نعرف إحنا أصلًا بنهرب من إيه.

نبحث عن أي شيء يملأ الصمت.

مثل الاكل
أو انشغال دائم…
بالاكل والوزن

أي شيء يجعلنا لا نسمع ذلك الصوت الموجود في الداخل.

وأحيانًا مش بنعمل كده بس .

بتدفن مشاعرك.

تبلع الغضب.

تاجل الحزن.

نخفي الخوف.

نقول: أنا كويس

وتكمل.

نعيش في دماغك بس …

ونترك الجسد يحمل وحده ما لم نستطع أن تشعر به.

والاكل مش هو المشكلة.
لكنه نوع من
الانشغال....

و الهروب.....

والتخدير.....

والتعافى يبدأ
لما نسال بهدوء...

أنا بهرب من إيه.....

انا بحس بايه قبل ما ادور على الاكل
انا مش عايز اقرب من ايه

وما الشعور الذي ظل مدفونًا بداخلي كل هذه السنوات…
لأنني لم أجد مكانًا آمنًا أشعر به فيه؟

ثم، وببطء… وبهدوء

نتعلم أن نبقى مع أنفسنا قليلًا.

نسمح للحزن أن يكون حزنًا....

والغضب أن يكون غضبًا.....

والخوف أن يُسمّى خوفًا.....
وافتكر ديما ان
الجسد مساحة للوجود
تحياتى
دكتورة هدى محمود مؤلفة كتاب الدليل العملى للعلاج الجسدى للصدمات

رسائل من الجسد أنا لم أتركك... نحن فقط افترقنا.عارفة أنك ساعات بتحس إنك مش عارف نفسك.كأنك وانت بتتحرك...وتتكلم...وتبت...
07/08/2026

رسائل من الجسد
أنا لم أتركك... نحن فقط افترقنا.

عارفة أنك ساعات بتحس إنك مش عارف نفسك.

كأنك وانت بتتحرك...

وتتكلم...

وتبتسم...

لكن فى جزءً منك غائب.

تنظر إلى يديك وكأنها مش ايديك.

وتعيش أيامًا كاملة...

دون أن تشعر أنك موجود ......

وعايزة اقولك حاجة ...

ده مش معناه انك ضعت .....

ولا انك فقدت نفسك إلى الأبد.....

لكن ده اسمه انشقاق.

حين كان الألم أكبر من أن يُحتمل...

اضطر جزء منك أن يبتعد...

حتى يحمي الجزء الآخر.

لم يكن ذلك ضعفًا...

بل كان محاولة عبقرية من جهازك العصبي
كي تبقى على قيد الحياة.

لكن ما حمانا يومًا...

قد يصبح جدارًا يفصلنا عن أنفسنا......

إيه اللي بيحصل جوة جهازك العصبي؟
لما بنتعرض لصدمة أو ضغط عصبي يتجاوز قدرة استيعابنا
وتفشل محاولات المواجهة أو الهرب (Fight or Flight).
بندخل فى حالة من التجمد والإغلاق (Freeze & Shutdown).

الانشقاق ببساطة هو
رسالة هروب نفسي وعاطفي عندما يكون الهروب الجسدي مستحيلاً
الانشقاق هو آلية دفاعية (Splitting) 🎭
وبنشوفه مثلا لما الشخص
بيشوف العالم بمنظور أبيض أو أسود
الناس إما ملايكة أو شياطين
العلاقات إما مثالية أو فاشلة تماماً
مفيش منطقة رمادية.....
بيظهر غالباً في اضطراب الشخصية الحدية (BPD)،
وبيكون مرتبط بصدمات الطفولة.

انواع الاضطرابات الانشقاقية (Dissociative Disorders)

1-فقدان الذاكرة المفاجئ لحدث أو فترة معينة
2-الشعور إنك برّا جسمك (بتتفرج على نفسك من بره)
3-اضطراب الهوية الانفصالي (DID) - وجود هويات متعددة منفصلة جواك

العلاج:
1- العلاج النفسي طويل الأمد
2-العلاج الجسدي
3- لا توجد ادوية للانشقاق ولكن أدوية للأعراض المصاحبة
الاكتئاب والقلق
4- تدريبات تنشيط العصب الامامى

افتكر ديما ان التعافيمش انك تبقى شخص جديد .

ولا انك تمسح اللى حصل ...

التعافي...

هو أنك تنصت الى جسدك مرة اخرى .....
ان تجلس معه

أن تمد يدك إلى جسدك...

بعد سنواتٍ من الغياب....

أن تسمع نبضه...

بدل أن تخشاه.....

أن تشعر بأنفاسك...

بدل أن تهرب منها......

شيئًا فشيئًا...

لن يختفي الانشقاق بالقوة.

بل سيذوب...

كلما عاد الأمان.......

وستكتشف يومًا...

أنك لم تكن تبحث عن جسد جديد...

ولا عن حياة جديدة...

كنت فقط...

تبحث عن الطريق الذي يعيدك إلى نفسك وجسدك .....

الجسد لا يطلب منك أن تُصلحه...
بل أن تعود إليه.......
الجسد مساحة للوجود
تحياتى
دكتورة هدى محمود مؤلفة كتاب الدليل العملى للعلاج الجسدى للصدمات

رسائل من الجسدلما تكون موجود... بس حاسس إنك مش هنا! 🧠هل حسيت قبل كده في لحظة ضغط أو صدمة إنك بتتفرج على حياتك من برة.......
06/08/2026

رسائل من الجسد

لما تكون موجود... بس حاسس إنك مش هنا! 🧠
هل حسيت قبل كده في لحظة ضغط
أو صدمة إنك بتتفرج على حياتك من برة......
أو إن جسمك موجود في مكان
وعقلك في مكان تاني خالص.......

الظاهرة دي في علم النفس والطب العصبي بنسميها الانشقاق (Dissociation).

هو إيه الانشقاق
الانشقاق مش "ضعف" ولا "سرحان عادي
هو آلية حماية حيوية يلجأ ليها جهازك العصبي لما كمية الألم، الخوف،
تتجاوز قدرة عقلك وجسدك على احتمالها .....

فكرة الجهاز العصبي بسيطة:
لما الحريق يزيد وما يقدرش يطفيه...
بيقطع الكهربا عشان يحميك......

إزاي بيظهر الانشقاق في جسمنا وفى وعينا

جسمك يقعد يبعت لك رسايل
زى مثلا
ضيق في الصدر...
شد في الرقبة...
ثقل في الكتفين...
تسارع في ضربات القلب...
فنعتقد أن المشكلة في الجسد.

لكن في كثير من الأحيان، لا يكون الجسد هو المشكلة...
بل يكون هو الرسول

العلاج الجسدي لا يحارب هذه الأعراض،
ولا يطلب من الجسد أن يصمت.

بل يجلس بجواره ويسأله

يا ترى عايز تقول ايه .....

فالجسد لا يخون صاحبه......

إنه يحاول حمايته بالطريقة الوحيدة التي تعلمها.

لانه يظل في حالة تأهب
لأن يومًا ما كان الخطر حقيقيًا.

وقد يشد العضلات لأن الاسترخاء
كان يومًا رفاهية لا يستطيع تحملها....

وقد يسرّع نبض القلب
لأنه تعلم أن الاستعداد للهرب هو طريق النجاة.

كمان بيظهر الانشقاق فى اعراض تانية منها
ضعف الشعور بالانية(Depersonalization):
تحس إنك مراقب خارجي لجسمك أو مشاعرك، كأنك جوه حلم.

ضعف ادراك الواقع (Derealization):
العالم حواليك يبان ضبابي، كارتوني، أو غير حقيقي.

التخدير الجسدي (Somatic Numbing):
فقدان الإحساس ببعض أجزاء الجسد، أو الشعور بـ "الانفصال عن الوزن والجاذبية".

فجوات الذاكرة:
نسيان تفاصيل أحداث مؤلمة كأنها ما حصلتش معاك أنت شخصياً.

ولهذا، فإن التعافي لا يبدأ عندما تختفي الأعراض...

ولكن عندما نتوقف عن سؤال:
"كيف أتخلص من هذا الإحساس

ونبدأ في سؤال:
"ما الذي يحتاجه جسدي الآن ليشعر بالأمان

ففي كثير من الأحيان...

لا يحتاج الجسد إلى إصلاح.

بل يحتاج إلى أن يجد أخيرًا من يصغي إليه.
مهم اوى كمان تمارس الارساء الجسدى من خلال الحواس

لاحظ 3 أشياء شايفها حواليك

المس 3 ملامس مختلفة .

اضغط رجليك في الأرض وركز مع شعور الثبات والجاذبية.
وافتكر ديما ....
الجسد مساحة للوجود
تحياتى
دكتورة هدى محمود مؤلفة كتاب الدليل العملى للعلاج الجسدى للصدمات

05/08/2026

الصدمة منحة ولا محنة

لماذا لا اشعر بجسدى .....دخلت وجلست أمامى بهدوء...وبعد دقائق من الصمت قالت:أنا مش حاسة بحاجة...ومش عارفة إذا كنت زعلانة ...
05/08/2026

لماذا لا اشعر بجسدى .....
دخلت وجلست أمامى بهدوء...

وبعد دقائق من الصمت قالت:

أنا مش حاسة بحاجة...

ومش عارفة إذا كنت زعلانة ولا غضبانة.

أوقات ببص لإيدي...
وكأنها مش إيدي.

حاسة إن دماغي شغالة...
لكن جسمي مش موجود

طيب ايه هى بداية الحكاية
كان فى جسدٌ صغير......

في البداية...

كان بيتنطط ويلعب ....
ويغنى ....
ولكن بعدها

كان صوته بيرتعش مع كل صرخة......
لأن صوته كان ممكن يجيب مشاكل

وكان بيكتم نفسه وقت الخطر والخناق ......
لانه مكسوف من وجوده ....
وبعد كده اتعلم يسكت ما يطلعش صوت ...
وبعد كده اتعلم يثبت مكانه .....

لأن الحركة ممكن تاذيه اكتر .....

وبعد كده اتعلم يبطل يحس ...

لأن الإحساس كان مؤلمًا أكثر من احتماله .......

في بيت كان مهم يكون أول مصدر يشعر فيه الإنسان بالأمان.

لكن ماذا يحدث عندما يصبح هذا البيت نفسه مصدرًا للخوف......

لما يكون الصوت العالى اشارة خطر...

والنظرات القاسية تهديدًا...

واللمسة عقابًا...

والصمت إهمالًا...

فإن الجهاز العصبي للطفل لا يبحث عن السعادة.

بل يبحث عن البقاء......

وفي تلك اللحظة، قد يكتشف الطفل أن أكثر مكان يؤلمه هو جسده نفسه.

لأن الجسد هو المكان الذي يشعر فيه بالخوف...

ويرتجف فيه...

ويتسارع فيه القلب...

ويضيق فيه النفس...

ولأن الطفل لا يستطيع الهروب من البيت...

فهنا ببقرر يهرب من الإحساس.......

وهكذا يبدأ الانفصال........
dissociation

ليس لأنه ضعيف.

وليس لأنه اختار ذلك.

بل لأن الدماغ اكتشف أن تقليل الإحساس أقل ألمًا من الإحساس الكامل

وعدت السنين ...

وكبر الطفل.....

لكن الجسد ظل على نفس الحال ......

لحد ما جه اليوم اللى وقف فيه وسال بحيرة :

انا ليه مش حاسس بحاجة .....
وفي الحقيقة...

دى مش مشكلة وعي بس .....

لكنها قصة جهاز عصبي اتعلم من زمان
أن الإحساس خطر .....

ولهذا فإن رحلة التعافي
مش فى اجبار نفسك تحس اكتر
او فى السلوك الاندفاعى
او الادمان
او البحث المستمر عن المتعة
او تخدير مشاعرك اكتر
ولكن التعافى يبدا
عندما تعود الى جسدك ليكون مساحة للامان
لما تعرف ان جسمك مش عدوك

لكنه حاول يحميك ...
بالطريقة الوحيدة اللى تعلَّمها......

انا مش بكتب عن الصدمة...
لكن عن الإنسان اللى حاول أنه يعيش ....

وعن الجسد الذي لم يتوقف يومًا عن حمايتك ......
تحياتى

دكتورة هدى محمود مؤلفة كتاب الدليل العملى للعلاج الجسدى للصدمات

04/08/2026

تنشيط العصب الحائر الامامى vagus nerve لتقليل القلق

03/08/2026

فى ظل مشاعر القلق الكثيرة اللى عشناها بفكرك تعمل تمرينات تنشيط العصب الحائر الامامى vagus nerve عشان تقلل القلق

ليه بتحس بالأمان فى وجود شخصٍ ما....مش كل شعور بالأمان بيجى من الظروف...أحيانًا بيجى من وجهٍ يبتسم لنا....من نبرة صوت ه...
02/08/2026

ليه بتحس بالأمان فى وجود شخصٍ ما....

مش كل شعور بالأمان بيجى من الظروف...

أحيانًا بيجى من وجهٍ يبتسم لنا....
من نبرة صوت هادئة.....

من شخص وجوده هادى

لفترة طويلة كنا فاكرين أن الأمان قرار يتخذه العقل.

لكن علم الأعصاب بقولنا حاجة تانية مدهشة...

أن فى جزءًا من جهازك العصبي بيدور باستمرار عن إجابة لسؤال واحد:

"هل أنا فى امان دلوقتى .......

قبل ما تفكر...

بيكون الجهاز العصبي قد بدأ بالفعل في تقييم البيئة المحيطة.

فإذا وجد إشارات أمان...
هدأ التنفس.
وانتظم نبض القلب.
واسترخت العضلات.
وأصبح التواصل مع الآخرين أسهل.

أما إذا التقط إشارات تهديد...
حتى لو لم يكن هناك خطر حقيقي...
فقد يبدأ الجسم في الاستعداد للدفاع عن نفسه.

وعشان كده ...
ممكن لشخص عاش خبرات مؤلمة تلاقيه مش قادر يسترخي بسهولة.
مش عشان "بيفكر بطريقة خاطئة"...
لكن عشان جهازه العصبي لسه بيدور على الأمان.

وهنا بتجى أهمية العصب الحائر الأمامي.

فهو مش مجرد عصب يتحكم في بعض وظائف الجسم...

بل هو أحد أهم المسارات العصبية
التي تساعدنا على الشعور بالأمان، والتواصل، والهدوء، والقدرة على الاقتراب من الآخرين دون خوف.

ولهذا فإن التعافي لا يبدأ دائمًا بتغيير الأفكار...

بل قد يبدأ عندما يتلقى الجسد،
للمرة الأولى منذ زمن طويل، رسالة بسيطة تقول:

انتهى الخطر... يمكنك أن تسترخي الآن

افراز الهرمونات والناقلات العصبية

الأمان المرتبط بالأشخاص له كيمياء واضحة في الدماغ، وأهمها:
الأكسيتوسين (Oxytocin):
وهو هرمون الحب والثقة والترابط.
يرتفع إفرازه عند التواجد مع أشخاص نثق بهم،
مما يقلل من الاستجابة للخوف ويزيد من مشاعر الدفء
والانتماء والراحة.

الدوبامين والإندورفين:
الارتباط الآمن باشخاص امنين
يفرز هذه المواد المرتبطة بالمتعة والمكافأة والراحة النفسية،
مما يجعل الدماغ يربط وجود هذا الشخص بالاستقرار والاطمئنان

ومن الناحية النفسية،
احنا بنشعر بالامان مع الاشخاص لما بيكون فى حاجتين مهمين

غياب التهديد بالرفض:
الشعور انك على طبيعتك بكل عيوبك وضعفك
دون خوف من النقد أو العقاب أو التخلّي او اللوم .

القدرة على الثقة:
الدماغ البشري يميل للراحة لما بيكون قادر يتوقع
سلوك الشخص الاخر وعشان كده
الثبات العاطفي مهم اوى للشعور بالامان .....

تخيل أن داخل جسدك جزءًا لا يبحث عن النجاة فقط... بل يبحث أيضًا عن الإنسان.......

تحياتى
دكتورة هدى محمود
مؤلفة
كتاب الدليل العملى للتدريبات العصبية للعصب الامامى
الدليل العملى للعلاج الجسدى للصدمات

Address

Giza

Telephone

+201024889936

Website

Alerts

Be the first to know and let us send you an email when ZAT Mental Health - دكتورة هدى محمود posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ZAT Mental Health - دكتورة هدى محمود:

Shortcuts

Share

Category