Dr Ahmed Maragi دكتور علاج طبيعي

Dr Ahmed Maragi دكتور علاج طبيعي Contact information, map and directions, contact form, opening hours, services, ratings, photos, videos and announcements from Dr Ahmed Maragi دكتور علاج طبيعي, Physical therapist, El dokki, Maghaghah.

دكتور علاج طبيعي بالقصر العيني تخصص عظام وإصابات ملاعب
دكتور بقطاع الناشئين بنادي الصيد لكرة القدم
دكتور معتمد في الطب الرياضي من الفيفا
بقدم محتوي طبي وكوميدي برضو 😂

26/08/2026

سبب مهم من اسباب الصداع 🙆‍♂️ #الصداع

بتبص في الموبايل وأنت بتقرأ الكلام ده دلوقتي؟ طيب اعدل ضهرك ثانية واسمعني.. 👇تعرف ان الانحناء اللي في ظهرك دا ممكن مايكو...
14/07/2026

بتبص في الموبايل وأنت بتقرأ الكلام ده دلوقتي؟ طيب اعدل ضهرك ثانية واسمعني.. 👇

تعرف ان الانحناء اللي في ظهرك دا ممكن مايكونش طبيعي؟🦴

"الأتب "أو الـ Kyphosis أو "تحدب الظهر" ..هو زيادة في إنحناء العمود الفقري في منطقة الظهر العلوي، لدرجة ان الظهر يبان محني لقدام بشكل واضح.

​أشهر نوع بنشوفه اليومين دول في الشباب والمراهقين بسبب المكاتب والشاشات هو الأتَب الناتج عن الوضعيات الخاطئة..

ومن اسمه كده: وضعية جسمك هي المسبّب الأول!
• زي الجلوس قدام الموبايل أو اللابتوب لساعات وانت منحني لقدام

• النوم بوضعيات غلط

• ضعف عضلات الظهر مقابل قوة عضلات الصدر

• عدم الانتباه للوضعية وقت المذاكرة أو الشغل

علامات لازم تاخد بالك منها:

• ألم مستمر في الرقبة والظهر العلوي
• شعور بالتيبس بعد الجلوس الطويل
• ملاحظة إن كتافك بقت "لقدام" في المرآة
• صعوبة في الوقوف بشكل مستقيم

في أغلب الحالات، وخصوصًا لو بدأت الانتباه بدري، ممكن تتحسن كتير بالعلاج الطبيعي المناسب — تمارين تقوية، تمارين إطالة، وتصحيح للعادات اليومية.

لو وصلت للسطر ده وضهرك لسه محني.. اعدله فوراً، واكتب لنا في التعليقات او ابعت لنا رسالة عشان نبعت لك التمارين المناسبة لحالتك.
#عظام

تعرف إن ميل رقبتك وأنت باصص في الشاشة ممكن يحمّل عليها وزن بيوصل لـ 27 كيلو؟! تعالي اقولك إزاي.. ​رقبتك في الوضع الطبيعي...
13/07/2026

تعرف إن ميل رقبتك وأنت باصص في الشاشة ممكن يحمّل عليها وزن بيوصل لـ 27 كيلو؟! تعالي اقولك إزاي..

​رقبتك في الوضع الطبيعي بتشيل حوالي 5 كيلو بس (وزن الرأس). لكن كل ما تميل براسك لقدام عشان تبص في الموبايل، الزاوية بتزيد والضغط بيتضاعف:

إيه اللي بيحصل بسبب الضغط ده؟

​مع الوقت، الحمل المستمر ده بيسبب:

1. ​تشنجات وآلام مزمنة في عضلات الرقبة والكتفين.
2. ​صداع مستمر (صداع عنقي).
3. ​خشونة مبكرة في الفقرات وضغط على الأعصاب (الغضروف).

​نصيحة لحماية رقبتك:
• ​ارفع الموبايل لمستوى عينك بدل ما تنزل برأسك ليه.

• ​خد بريك كل 30 دقيقة واعمل تمارين إطالة خفيفة للرقبة.

​لو بتعاني من آلام مستمرة في الرقبة أو التنميل،متتجاهلش الإشارة اللي جسمك بيبعتهالك!

شاركونا في التعليقات.. موبايلك مسجل كام ساعة استخدام النهاردة؟ (افتح الـ Screen Time واصدمنا بالرقم!👇
#عظام

12/07/2026

هل عرق النسا مرض ولا عرض !؟ 🤔 #عظام

وإنت نازل من علي السلم رجلك اتلوت والوجع راح بعد يومين ..فقلت جت سليمة ؟؟اختفاء الوجع مش معناه الشفاء، ده ممكن يكون مجرد...
12/07/2026

وإنت نازل من علي السلم رجلك اتلوت والوجع راح بعد يومين ..فقلت جت سليمة ؟؟

اختفاء الوجع مش معناه الشفاء، ده ممكن يكون مجرد هدوء ما قبل العاصفة في رجلك..تعالي اقولك ليه!

إصابة الكاحل (Ankle Sprain) مش نوع واحد بس! فيه ٣ درجات:

الدرجة الأولى (Mild)
• تمدد بسيط في الأربطة
• ورم خفيف + ألم عند المشي
• تقدر تمشي عليها بصعوبة

الدرجة التانية (Moderate)
• تمزق جزئي في الرباط
• ورم واضح + كدمة
• صعوبة حقيقية في تحميل الوزن

الدرجة التالتة (Severe)
• تمزق كامل في الرباط
• عدم قدرة على المشي خالص
• محتاجة تقييم فوري من مختص

علامات لو حصلت لازم تروح للدكتور فورًا:
• مش قادر تحمّل وزنك على رجلك خالص
• الورم بيزيد بشكل غريب
• سمعت "طقة" وقت الإصابة

أي إصابة، حتى لو شكلها بسيطة.. محتاجة تقييم صح من البداية عشان متتحولش لمشكلة مزمنة

لو كعب رجلك اتلوي قبل كده... تفتكر الإصابة اللي جاتلك كانت من أنهي درجة؟ وعالجتها ولا طنشتها؟ اكتبولنا في الكومنتات وهرد عليكم بالتشخيص المظبوط.👇
#عظام

الموقف ده حصل مع كام واحد فينا وهو بيلعب كورة؟​أنت في قمة حماسك في الماتش، بتجري بالكورة، وفجأة... حسيت بوجع مفاجئ في رج...
11/07/2026

الموقف ده حصل مع كام واحد فينا وهو بيلعب كورة؟

​أنت في قمة حماسك في الماتش، بتجري بالكورة، وفجأة... حسيت بوجع مفاجئ في رجلك خلاك تقف في مكانك!

​في اللحظة دي، الملعب كله بيتحول لدكاترة، وتسمع جملة.. معلش يا كابتن.. شد بسيط، اربطها بس وشوية مية دافية وهتبقى زي الفل!

​الخطأ في التشخيص في اللحظة دي ممكن يكلفك غياب عن الملاعب مش بس أسابيع، وممكن يقلب بإصابة مزمنة. عشان كده لازم تعرف تفرق بنفسك:

​ الفرق بين الشد vs التمزق ؟؟

• الشد العضلي العادي :
الوجع عبارة عن شد وكلبشة مفاجئة.. العضلة بتتحجر وتقف..الوجع غلس بس بتقدر تدوس على رجلك وتمشي بعد كام دقيقة...الوجع بيفك تدريجياً مع الإطالات الخفيفة والراحة.

• تمزق أربطة أو عضلات :
لو حسيت بـ تكة..أو طرقعه.. أو شكة سكين...الوجع حاد جداً لدرجة إنك مستحيل تقدر تكمل الخطوة أو تدوس على رجلك...والمكان بيبدأ يورم ويزرق...الإطالة أو المساج هيدمر العضلة زيادة!

​ الإسعافات الأولية اللي تقدر تعملها وقتها :

1. ​اخرج برا الملعب لأن الراحة هي نص العلاج.

2. ​ حط ثلج فوراً لمدة من 10 ل 15 دقيقة (المية السخنة والمساج ممنوعين تماماً لأنهم بيزودوا النزيف الداخلي والتورم في حالة التمزق).

3. ​ لف المكان برباط ضاغط خفيف لمنع زيادة الورم.

4. خلي رجلك أعلى من مستوى جسمك.

الكورة في ملعبك دلوقتي.. ايه الاعراض اللي حسيتوا بيها وانتوا بتلعبوا ماتش كورة، اكتبولنا في الكومنتات وهرد عليكم بالتشخيص الصح.👇

لو ركبتك بتوجع مع كل تمرين "سكوات" (Squat)، وقف تمرين فوراً واسمع الكلمتين دول..​كتير من الشباب مع الحماس الأولاني في ال...
10/07/2026

لو ركبتك بتوجع مع كل تمرين "سكوات" (Squat)، وقف تمرين فوراً واسمع الكلمتين دول..

​كتير من الشباب مع الحماس الأولاني في الجيم، بيفتكروا إن مفيش فرق بين وجع المفاصل ووجع العضلات ..في البوست دا هوضحلك الفرق بينهم..

إيه اللي بيخلي ركبتك توجعك في السكوات؟

• ​"التكنيك الغلط "..زي إن ركبتك تسبق مشط رجلك بمسافة كبيرة وأنت نازل، أو إن الركبة تدخل لجوة (Valgus stress)، وده بيحط حمل مرعب على الأربطة والصابونة.

• ​ان الحماس يخدعك وتتحمل وزن زايد من أول يوم.. عضلاتك ومفاصلك لسه مش متهيئة ليه.

• ​النزول في السكوات من غير تسخين وإحماء وقت كافي بيكون مفصل الركبة ناشف والعضلات المحيطة (الامامية والخلفية) مش جاهزة، بيزود الاحتكاك جداً.

• ​ضعف عضلات الحوض (Glutes): لو العضلات دي ضعيفة، الحمل كله بترميه على الركبة.

​تعمل إيه عشان تحمي ركبتك وتكمل فورمتك؟

• ​اتمرن بوزن جسمك لحد ما تتقن التكنيك الصح بنسبة 100% قبل ما تشيل أوزان.

• ​سخن كويس جداً من 5 لـ 10 دقايق كارديو خفيف .
• ​الوجع الحاد أو "الشكشكة" جوه المفصل معناه توقف تمرين فوراً.

فورمتك وصحتك بتبدأ من مفاصل سليمة. لو الوجع ده مستمر معاك حتى بره الجيم أو بيزيد مع الحركة العادية، ماتسكتش عليه عشان ميتطورش لخشونة مبكرة أو التهاب مزمن في الأوتار.

​
​ #جيم #سكوات

الإصابة الخبيثة اللي ممكن تنهي موسم لاعب في ثانية.. والكل فاكرها "مجرد التواء"!​لو فاكر إن التواء الكاحل يعني "رباط ضاغط...
09/07/2026

الإصابة الخبيثة اللي ممكن تنهي موسم لاعب في ثانية.. والكل فاكرها "مجرد التواء"!

​لو فاكر إن التواء الكاحل يعني "رباط ضاغط" وراحة أسبوع وترجع للملعب.. فإنت غالباً ما سمعتش عن الكابوس المظلم اللي اسمه (High Ankle Sprain) أو التواء الكاحل العالي! 🩺💥

​في الملاعب، الإصابة دي بتعتبر "مخادعة" لدرجة مرعبة، لأنها مش بتضرب الأربطة الخارجية اللي تحت زي الالتواء التقليدي.. لأ، دي بتطلع فوق شوية!

​ليه الإصابة دي تحديداً بتعتبر كابوس؟
• التمزق بيحصل في الأربطة اللي ماسكة عظام الساق نفسها ببعضها (بين عظمة القصبة والشظية). الأربطة دي هي اللي شايلة وزن الجسم كله مع كل لفة أو حركة فجائية.

• الالتواء العادي ممكن ياخد من أسبوعين لثلاثة، أما الـ" "High Ankle Sprain فممكن يقعد اللاعب في البيت من شهرين لـ 3 شهور كاملة لو التمزق شديد!

• الأخطر إن اللاعب ممكن ما يشوفش ورم كبير في رجله فيتخدع وينزل يتمرن، ومع أول دوسة الأربطة تتباعد أكتر وتتحول لإصابة مزمنة تحتاج تدخل جراحي.

إصابات الكاحل مش كلمة تتقال وخلاص؛ التشخيص الصح من أول دقيقة وعمل أشعة بدقة هو اللي بيحدد خطة العلاج، وبيحمي مستقبل أي رياضي في الملعب. 🩺⚽🏃‍♂️

​لو رجلك اتلوت قبل كده.. أخدت وقت قد إيه عشان ترجع طبيعي؟ شاركونا تجاربكم في التعليقات
#التواءالكاحل #عظام

🚨 خشونة الركبة مش معناها إنك كبرت في السن، ولا إن "الزيت نقص" ولازم تستسلم للمسكنات!..بلاش تظلم ركبتك..​لو بتحس بوجع خفي...
08/07/2026

🚨 خشونة الركبة مش معناها إنك كبرت في السن، ولا إن "الزيت نقص" ولازم تستسلم للمسكنات!..بلاش تظلم ركبتك..

​لو بتحس بوجع خفيف مع طلوع السلم، أو بتسمع صوت "تكتكة وطرقعة" كل ما تقوم من مكانك.. تعالى نفهم ركبتك بتشتكي من إيه بالظبط عشان نعرف نتصرف صح ومن غير قلق. 👇

​الموضوع ببساطة مش مشكلة سن.. ركبتنا فيها غضاريف ناعمة عاملة زي "المساعدين" بتوع العربية، وظيفتها تمتص الصدمات وتمنع احتكاك العضم ببعضه.

​لما بنعمل عادات غلط يومياً، الغضاريف دي بتبدأ تتآكل تدريجياً، وهو ده اللي بنسميه "خشونة الركبة".

​🔍 طيب إيه اللي بيخلي الغضروف يشتكي؟
• "زيادة الوزن"..كل كيلو زيادة في جسمك بيضاعف الحمل 4 مرات على مفصل الركبة وهو شايلك.

• "ضعف العضلات".. العضلة الأمامية للفخذ (الرباعية) هي الحارس الأول للركبة، لو العضلة دي ضعيفة.. الغضروف بيشيل الصدمات لوحده لغاية ما يتعب.

• "الجلوس الخاطئ وإجهاد المفصل".. القعدة مفرودة لفترات طويلة جداً أو التحميل الغلط أثناء الحركة.

​❌ ليه الجري ورا المسكنات مش حل؟
المسكنات بتهدّي الوجع مؤقتاً وبتتعب المعدة، لكنها مش بتصلح الغضروف ولا بتقوي العضلات اللي شايلك.

​الخبر الحلو.. إنك مش محتاج تتعايش مع الألم! مفتاح السر هنا هو العلاج الطبيعي والتأهيل المظبوط:

• بنعمل تمارين علاجية متخصصة لتقوية العضلات المحيطة بالركبة (عشان نشيل الحمل عن المفصل تماماً).
• بنحسن مرونة المفصل وبنرجع مدى الحركة الطبيعي من غير وجع.

• بنعدل العادات الحركية اليومية عشان تحمي ركبتك طول الوقت

​💬 شاركونا في التعليقات: بتسمع صوت طرقعة في ركبتك؟ والوجع بيزيد معاك مع القعدة الطويلة ولا مع طلوع السلم؟

Address

El Dokki
Maghaghah
12611

Website

Alerts

Be the first to know and let us send you an email when Dr Ahmed Maragi دكتور علاج طبيعي posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Ahmed Maragi دكتور علاج طبيعي:

Shortcuts

Share

Category