03/05/2026
🩺يعني ايه تغذية تكميلية؟ 👇
👈 معناها انك تبدأي ادخال الاكل الصلب لطفلك والسوايل بشكل مكمل للرضاعة وليست بديلا عنها بعد سن ٦ شهور.
👈 ودا لأن اللبن وحده مابيديش الطفل كل العناصر الغذائية اللي بيحتاجها بعد ٦ شهور ولازم دا يستمده من الاكل بجانب فوائد الرضاعة.
🩺 نبدأ أكل من ٤ شهور ولا من ٦ شهور ؟ 👇
👈توصي منظمة الصحة العالمية والاكاديمية الامريكية لطب الاطفال ومنظمات التغذية في مصر الي استمرار الرضاعة المطلقة حتي ٦ شهور وبدء ادخال الاكل عند عمر 6 شهور مع الاستمرار في الرضاعة..
👈البدء قبل كدا بيكون في بعض الحالات الخاصة زي سوء التغذية او الارتجاع الشديد او انيميا نقص الحديد الشديدة قبل ٦ شهور وتحت اشراف الطبيب.
🩺 ايه المشاكل لو بدأنا اكل قبل ٦ شهور؟ 👇
👈 لسه عضلات البلع غير مستعدة للبلع مما يعرضه لخطر الاختناق.
👈مشاكل في الهضم وزيادة احتمالية حساسية الطعام.
👈تقليل استفادة الطفل من الرضاعة.
👈زيادة خطر العدوى.
👈اكثر عرضة للسمنة فيما بعد.
🩺ايه العلامات اللي بتبين استعداد طفلك للأكل؟ 👇
👈بيقدر يصلب ويثبت راسه كويس ويقعد مسنود.
👈طفلك بيتقبل بلع الطعام وما يخرجش الأكل بره بلسانه.
👈طفلك بيبين اهتمام بالأكل وبيتفاعل معاه وبيتقبله.
👈طفلك يفتح فمه لما تقدميله الطعام.
🩺طريقة ادخال الاكل👇
👈ابدأي بكميات صغيرة (ملعقة أو اتنين)
👈 نوع واحد كل 3 أيام لملاحظة الحساسية
👈 قوام مهروس وناعم في الاول.
👈 بدون ملح أو سكر او عسل او لبن حيواني قبل سن سنة.
👈راقبي أي علامات حساسية (طفح – قيء – إسهال)
🩺اصناف الاكل المسموحة👇
👈خضار مهروس (كوسة – جزر – بطاطس)
👈فاكهة الموسم مهروسة (تفاح – موز – كمثرى)
👈حبوب مدعمة بالحديد (زي الأرز -القمح- الشوفان)
👈 بروتين: دجاج / لحمة / كبدة فراخ/ صفار البيض
👈جبنة طبيعية بدون ملح زبادي بدون لون.
👈ممكن بدل السكر فواكه طبيعية زي الموز او التمر المهروس.
👈ممكن بدل الملح كم نقطة ليمون او كمون.
👈ممكن نستخدم زيت الزيتون.
👈المية مع الوجبات ٣ ل ٥ معالق مع كل وجبة.
📢هنكمل في البوست القادم الصعوبات والمشاكل اللي ممكن تواجهك بعد ادخال الاكل وتتعاملي معاها ازاي🤔
🌺 تابعي صفحتنا عشان تعرفي كل معلومة بتهمك وتفرق في صحة اطفالك. 🌹
د. محمد عبد المحسن
طب الاطفال وحديثي الولادة.
