د.أماني شاكر . إستشاري دولي رضاعة طبيعية

17/06/2026

17/02/2026

الرضاعة و الصيام
السؤال الى عليه جدل كبير كل سنة
هل ينفع أصوم و أنا برضع و لو صمت هاكل إيه
قبل مانجاوب على السؤال نتكلم على احتياجات الأم المرضع فى الأيام العادية عشان تحافظ على إنتاج اللبن و يفضل فى زيادة و بيكفى احتياجات البيبى و يفضل وزنه فى الزيادة الطبيعية
زيادة اللبن و الحفاظ على إنتاجه بالرضاعة المستمرة طول اليوم عند ظهور علامات الجوع للبيبى و بالتغذية المناسبة للأم و حصولها على وجبات تشتمل على كل العناصر الغذائية المناسبة لانتاج طاقة تساعد فى عملية انتاج اللبن
الاحتياج اليومى لغير المرضع ١٨٠٠ كيلو كالورى و المرضع هتحتاج ٥٠٠ كيلو كالورى زيادة فى اليوم موزعة على وجبات طول اليوم يعنى الفطار و الغدا و العشا و مابينهم سناكس زى الفاكهة و الخضروات و المكسرات و طبعا شرب المياة الكافى طول اليوم
فى حالة التقصير فى تغذية الأم المرضع هيبدا يظهر علامات تدل على قلة إنتاج اللبن فى صورة لون البول الغامق للأم و دا معناه ان الجسم محتاج سوايل و هيبداء يدور على بديل و هو مصنع اللبن و بالتالى هيقل انتاجه و بكاء الطفل المستمر دليل على عدم الشبع و قلة عدد مرات البول و البراز للبيبى و ثبات وزنه او نزوله
كل دى علامات قلة إنتاج اللبن
نيجى بقى لاجابة السؤال ينفع ولا ماينفعش
نشوف رأى دار الافتاء : يجوز للحامل و المرضع الإفطار إذا خافتا على الجنين أو الرضيع و ذلك بحصول الضرر بالصوم بأمارة (زى علامات قلة إنتاج اللبن و الى بيترتب عليها الضرر بالطفل و عدم اشباعه و نزول وزنه) أو تجربة ( زى تجارب الامهات الى صامت السنة الى فاتت وللأسف على نهاية الشهر كان فيه انقطاع تام للبن و دا بالفعل الى شوفته انا و زملائي استشاريين الرضاعة الطبيعية فى العيادات ) وصورة فتوى دار الإفتاء المصرية في أول تعليق.
خلاصة القول إذا كان الطفل بيعتمد اعتماد كلى على الرضاعة الطبيعية وقبل دخول الأطعمة التكميلية لا ينصح بصيام الأم فى هذا الوقت اما إذا بدأنا فى دخول الاطعمة مع الرضاعة فى هذه الحالة حسب تقييم الطبيب المتابع.
أسأل الله أن يتقبل منا و منكم صالح الأعمال و اكيد من صالح الأعمال مراعاة الأم لرضيعها و الحفاظ عليه فى هذا الشهر الكريم
كل عام و انتم الى الله اقرب 😍😍

29/10/2025

اهمية الرضاعة الطبيعية
تركيبة اللبن الطبيعى من الإعجاز الإلهي
لبن الأم يسمى الدم الأبيض white blood
يسمى بالدم الأبيض لانه بيكمل وظيفة الدم الى موجود فى المشيمة وقت الحمل بينقل مكونات غذائيه و مضادات حيوية طبيعية بتدمر الفيروسات و البكتريا الضارة و بيحفز المناعة بالإضافة الى مكونات تساعد فى نشاط الهرمونات و الانزيمات و وجود عوامل النمو و الدهون و سكريات و بروتين و فيتامينات و مكونات اخرى كثيرة بالإضافة الى الجزء الأكبر من تكوينه و هو المياة
لايوجد وجه مقارنة بين لبن الأم الطبيعى و اللبن الصناعى(من صنع الانسان ) يحتوى فقط على دهون و سكريات و بروتين و مياة
كل مكون من مكونات اللبن الطبيعى تحتوى على تركيز معين و مناسب لكل مرحلة من عمر الرضيع
اول ثلاث ايام من عمر الرضيع لبن السرسوب بيحتوى على مكونات مناعية مهمة جدا و مكونات غذائية مهمة للجهاز الهضمى و مناعة الرضيع فى فترة الرضاعة وفى كل مراحل عمره على مدى الحياة و بيكون فيها كمية اللبن صغيرة مناسبة لحجم معدة الرضيع
فى اليوم الرابع من الولادة يبدأ نزول اللبن بكمية اكبر و بمكونات غذائيه تناسب مراحل عمره
جلسة الرضاعة بيختلف فيها اللبن بمعنى اول الرضعة بيكون اللبن لونه فاتح و بيحنوى على سكريات بنسبة اعلى من اخر الرضعة الى بتحتوى على الدهون المهمة للهضم و لزيادة وزن الرضيع
على عكس الألبان الصناعية تحتوى على مكونات واحدة و بنفس التركيز لا تتغير على حسب مراحل العمر و لا حتى تتغير فى الرضعة الواحدة زى لبن الأم
اللبن الطبيعى بيحتوى على مواد تبعث إشارات للمخ فى حالة شبع الرضيع و بالتالى الرضيع ينهى جلسة الرضاعة برغبته و لذلك الرضاعة الطبيعية بتحمى الرضيع من زيادة الوزن و السمنة الغير مرغوبة على عكس الألبان الصناعية
الرضاعة الطبيعية هى الفطرة الإلهية و الإعجاز الإلهي التى خلقنا عليها
الرضاعة الطبيعية حياة للأم و الرضيع

29/09/2025

هل الرضاعة الطبيعية مؤلمة؟
انا يا دكتورة مستحملة وجع الرضاعة كل الى حواليا بيقولولى استحملى كلنا رضعنا و احنا بنتوجع
الحقيقة الرضاعة الطبيعية مش مؤلمة
هى دى الحقيقة العلمية ماينفعش ترضعى و تكملى الرضاعة و انتى بتتألمى و لو حصل ألم و وجع اثناء الرضاعة يبقى لازم نعرف السبب
و من اشهر الأسباب وضعية الرضاعة الخاطئة و التقام البيبى غير صحيح للثدى اثناء الرضاعة
و مع الاستمرار فى الرضاعة بالوضعية الخاطئة و مع وجود ألم البيبى مش بيوصله لبن كافى و مش بيشبع و بيترتب عليها مشاكل كتير عند البيبى و عند الأم
دمتم فى صحة و عافية
الرضاعة الطبيعية حياة

21/09/2025

الاستشاريين الدوليين للرضاعة الطبيعية هم مقدمي خدمة صحية حاصلين على أعلى مؤهل دولي في مجال إدارة الرضاعة الطبيعية. الاستشاريين الدوليين للرضاعة الطبيعية هم

30/03/2025

كل عام وانتم إلى الله أقرب

24/02/2025

الرضاعة والصيام
جدال كل سنة هصوم ولا افطر مع الرضاعة
كل عام وانتم الى الله اقرب

16/11/2024

https://www.instagram.com/reel/C_ikmNsoas0/?igsh=MXE5MG93c2htbWd0dw==

23/09/2024

أهمية ملامسة جلد لجلد