26/08/2026
الفول المدمس من الاكلات اللى لو اتعملتش كويس
هتخسر كتير من القيمة الغذائية الموجودة فيه.. 🧐
يعنى الفول فى مواد اسمها الفايتيك اسيد و دا بترتبط بالمعادن والفيتامينات و تقلل من امتصاصها
طيب و ايه الحل؟
لازم كمان ندمس الفول بنفسنا فى البيت
ودا ليه..؟
عشان كده لازم تنقع الفول ليلة كاملة عشان تتخلص من الفايتيك اسيد و اقل نقع البقوليات ٦ ساعات عشان تقدر تتخلص من المركب دا و طبعا ميه النقع تترمى
نرجع بيكم لزمان فى طريقة تسوية الفول لازم الفول فى الدماسة و يتحط على نار هادية طول الليل لحد ما الحبة تطرى مش تتهرى من بعضها..
و كانوا بينقعوا الفول في مية و يغيروا الميه مرة أو اتنين
تانى حاجة تؤثر على القيمة....فيه سموم اسمها اللاكتينات و دى عبارة عن مواد بيفرزها النبات للدفاع عن نفسه الية دفاعية...طيب ازاى تتكسر لازم الطهى بالبطئ جدا
نيجى بقه الفول الجاهز فى المطاعم..فيه احتمالية طبعا
مش كله بلاش تعميم ..
فى بعض الناس مش بيهتموا بالنقع
و ممكن يحتفظ بالميه بتاعت النقع و كمان اوقات بيحطوا عليه بودرة فول لتسريع عملية النضج EDTA
البودرة دى اللى اسمها EDTA إيه الخطر من اضافتها؟
نسأل سؤال ليه بيستخدموها فى تسوية الفول...
طبعا الفول محتاج تسوية على نار نادية فترة طويلة و دا بيعمل تكلفه فى استهلاك الغاز او انابيب البوتاجاز
استخدام المادة دى بيقلل من الوقت
فى التسوية اقل ٤ مرات يعنى تخيل
لو التسوية فى ٤ ساعات هياخد ساعة
طيب دا خطر؟ الهيئات التنظيمية تعتبرها ضمن الحدود المسموح بها آمنة نسبيا يعنى تمام نستخدمها ....طبعا لا
لان ليها معامل سُمية ممكن تعمل تسمم غذائى
و هنا حسب الكمية اللى هتتحط على الفول.. وطبعا الموضوع بيكون بالبركة كده و دا طبعا خطر كبير علينا
كمان الابحاث اثبتت ان المادة دى لما بتتحط على البقوليات بتأثر على الاحماض الامينية و المعادن و بتغير لون الفول بتكسر الصبغات و دا بيخليهم يضيفوا كمان الوان صناعية عشان اللون اللى اتغير و كمان بترفع نسبة الصوديوم فى الفول و دا مش هيكون كويس لمرضى الضغط
يبقى كده اضافة المادة دى تخلى طبق الفول.. بلا فائدة غذائية او تقلل كتير من محتواه الغذائى و ضرره أكتر من نفعه
معلومة تقدر تضيفها كمان انه بيرفع سكر الدم اسرع..
عكس الفول المدمس فى البيت
دراسات قديمة وجدت أن الفول المطبوخ فى البيت
أعطى استجابة جلوكوز أقل من الفول المعلب
وفي إحدى الدراسات كان معدل تحلل النشا
في الفول المعلب أعلى بـ6–8 مرات في الاختبار المعملي.
عشان كده الفول المدمس فى البيت
ممتاز قيمة غذائية عالية و مصدر جيد للبروتين النباتى
مصدر للحديد النباتى و لو تم هرسه كويس و اضافة كمون هيكون صديق القولون
صديقك فى الدايت لانه مشبع جدا و بيساعدك انك تخس
و صديق لمرضى السكر لانه مش بيرفع سكر الدم
اللهم اجعل ما نقدمه علمًا نافعًا يُنتفع به… ويكون سبب في نفع الناس… وبس كده ❤
