01/04/2026
صباح الفل
الحقيقة مش من عادتي اني اكتب كتير على الفيس ولكن بعض المواقف اللي بنقابلها تستحق اننا نذكرها ونحكيها لاسباب كتيرة زي التوعية أو التذكير بنعم الله علينا والحقيقية الموقف اللي هقوله ده للسببين السابقين
جالي امبارح مريض بالعيادة بيشتكي من تورم بساقه الشمال من حوالي شهر واخد نصيحة ناس كتير وعلاجات مختلفة ومافيش استجابة وفي الاخر وبعد شهر من بداية الاعراض نصحه احد الزملا استشاريي الباطنة والقلب بالعرض على تخصص جراحة الاوعية الدموية فلما جه واخدنا منه تاريخ مرضي كان فيه شك بنسبة كبيرة ان سبب التورم يكون جلطة بالاوردة ولم يتم اكتشافها فبعد الفحص طلبنا فحص اسمه اشعة دوبلر على الاوردة وبالفعل تبين وجود جلطة كبيرة ممتدة من اعلى الوريد الفخذي وحتى الوريد المقبضي خلف الركبة وابتدت تاخد الصورة تحت الحادة ....يعني طول الفترة دي والمريض مابياخدش دوا سيولة وجلطة بالحجم دا ومع ذلك ولله الحمد ماحصلش معاه اي مضاعفات ....دا يذكرك بحاجة مهمة جدا ونعمة كتير مننا غافل عنها وعن شكرها اسمها الستر ......الستر في كل حاجة والصحة طبعا على راس الحاجات دي
دمتم بصحة وعافية
