Dr Ayman AbdelAziz ENT Clinic

Dr Ayman AbdelAziz ENT Clinic الأستاذ الدكتور
أيمن عبد العزيز الشهالي
دكتوراة واستش?

تشخيص وعلاج أمراض الأنف والأذن والحنجرة بالمنظار.
علاج أمراض السمع والاتزان.
علاج أمراض الشخير وتوقف التنفس.
استخراج الأجسام الغريبة من الأنف والأذن والحنجرة والمريء.
إجراء جميع عمليات الأنف والأذن والحنجرة.

الغردقة / الدهار، ش النصر مول سيفن ستارز فوق اسبينيز الدور الثالث وحدة 120

20/02/2026

●شوكة سمكة عالقة في بداية الحنجرة لمريض...
●● قصة المريض وشوكة السمكة :-

● في البحر سمكه ،سمكه🐡🐡،،،بتزوق سمكه سمكه🐠🐠.
●على الشط واقف واقف..صياد بشبكة شبكة.🛶

● إشتراها راجل راجل ...وأكلها هوبا هوبا، وماشالش شوكها شوكها ..🙆‍♂️

●في العيادة واقف واقف..
دكتور 👨‍🍳 بعدسه🔎 ومنظار ..عشان يشوفها ويخرجها يخرجها. 👏👏 الشوكه أهيه أهيه
🙆‍♂️..
●● وبنته مِنَّه بتضحك👧..وتقوله يا بابا هاتلي، سمكه، وشيلي شوكها شوكها...●●قالها يارب اشوفك قدام عنيه، بتقولي هاتلي سمكه سمكه👌👌🤣🤣🤣
● وبابا طبعا هيجري 🏃‍♂️وهيجيبلك سمكه فيلييه وتحلي بنوجه وسمسميه..وتاكلي دِيَّه وديه..

●●●بكده عرفنا إن فيه صيد تاني ..بعد صيد السمكه...●● صيد الشوكه
● (* كلنا بنصطاد يا عزيزي *) وفيه الصياد الماهر وفيه الخايب😉.

15/11/2025

اللحمية الوجنيه( Antrochoanal polyp )؟؟؟
● لحمية تتكون في الجيب الأنفي الوجني ماتحت الخد ، ثم تنزل و تتدلى في تجويف الأنف، ومع إهمال المريض تنزل و تتدلى من الفتحه الخلفيه للأنف وتؤدي إلي انسداد كامل للفتحه الخلفيه للانف ، ثم مع إهمال المريض تنزل وتتدلى إلى البلعوم الانفي وإلى الحلق..
● طبعا المريض المصري عادة بيجي في آخر مرحله (إهمال الإهمال ). ولازم يسأل هيا متجيش بالعلاج يا دكتور؟؟؟!!!!!!!!!! الرد على السؤال ده في الحاله دي... إحمد ربنا إن ليك عملية.
● قمت باجراء عمليه منظار للأنف والجيوب الأنفيه لسيدة كانت تعاني من اللحميه الوجنيه في آخر مرحله( إهمال الإهمال )..
●● بعد استئصال اللحميه من بدايتها في الجيب الأنفي الوجني الأيسر ومن تجويف الأنف بالمنظار ، تم استخراج جزء اللحميه المتبقي من الحلق لأن الجزء المتبقي هذا نمى وأصبح أكبر حجما وأضخم من الفتحه الخلفيه للأنف فيستحيل استخراجه من الأنف.

12/09/2025

● هل ممكن يادكتور تشيل اللوز واللحميه لطفل، وأصلا مش بيحصل فيهم التهاب متكرر ولا إلتهاب أصلا !!!!!؟؟؟؟؟....
● هرد علي هذا السؤال بسؤال، بس أقول معلومه الأول ..
●المعلومة :- اللوز واللحميه أعضاء مناعيه للجسم تقل قيمتهم المناعيه بعد عمر الثلاث سنوات ، موقعهم بالجسم في(مجرى التنفس والأكل والكلام).

●●السؤال اللي هيفهمنا الموضوع :- لو فيه طفل بيشخر ، وتنفسه بينقطع أثناء النوم ، وعنده صعوبه في بلع الطعام(بيحوش الأكل في بوقه) ، وصعوبة في الكلام ومخارج الحروف ، وتركيزه ضعيف، وأسنانه العلويه بارزه وغير منتظمه وضعيفه ، وقد يعاني من تبول لاإرادي... وسألتك الطفل ده ممكن مشاكله الفظيعه دي تتحسن و تنتهي بعملية استئصال اللوزتين واللحميه،، جوابك هيكون إيه ؟؟

●● إذا لو اللوز واللحميه متضخمين وعاملين ( أعراض ومشاكل تنفسيه أو مشاكل في البلع أو الكلام ، حتى بدون التهاب متكرر فيهم ) لابد من عمل عملية استئصال اللوزتين واللحميه لحل هذه المشاكل وتحسين الأعراض.

18/08/2025

*(النكته دي جديده)*
● طفل عمره ٩ شهور ، أهله بيقولوا لي دايخين عليه على دكاترة الأطفال.. عشان ودنه وجعاه!!!!!!
●سألت جده وماجبتوش ليه يكشف أذن بخبرتك؟؟
●قال بحسب الكشف بعد البلوغ!!🙆‍♂️
●رديت وقلت هوا أنا مأذون شرعي يا حاج؟؟؟؟!!!!!🤣🤣 بلوغ إيه بس؟؟؟!!!!!!

●●الطفل كان ودنه مليانه (فطريات) ودي بتعمل أكلان وألم فظيع في الأذن..وأول حاجه لازم الدكتور يعملها يشَفَّط وينضف الفطريات .. وطبعا دي شغلت دكتور الانف والأذن والحنجرة..

●● ماشاء الله..الطفل ده هادي ومستكين وده حُجَّه علي كل طفل اكبر منه أو شاب أو ست أو راجل اللي بيخافوا اول لما أمسك جهاز الشفط..ما شاء الله..

●● بعد الكشف سألت جده أنفع اكشف علي ودن الاطفال من عمر يوم؟؟؟
●●●(ولا الطفل ده بالغ من وراك )🤔🤔🤣🤣

09/11/2024

حشرة داخل الأذن..🕷🕷

فضلت ماشيه🕷 داخل الأذن ..ماشيه🕷 داخل الأذن و متجهه مباشرة لطبلة الأذن...
●● بس سبحان الله شمع وقشرة الأذن أعاقت وأخرت الحشره من الوصول للطبلة واضحة في الفيديو..

اديني عقلك 🤣🤣🤣🤣

● ● المفروض اول حاجه نعملها في البيت نضع أي نوع قطره للاذن موجوده وبكميه كبيره عشان الحشرة تبطل حركة و تختنق وتموت....
●● وبعدين نروح لدكتور الانف والاذن عشان يخرج الحشره ، مش نسيبها ماشيه🕷🕷 ماشيه بتتفسح 🤣🤣🤣🤣

18/09/2024

● طفله رضيعه عمرها سنه ، ( بلعت) حلق دهب عملها ( انسداد في المرئ )😱😱 ..
● بما إني دكتور ودان ، آخر حاجه كنت عارفها ان الحلق بيتلبس في الودن.🤔🤔
●● انما يجيلي أب و أم معاهم بنتهم الرضيعه عاملين لها ( اشعه) وتكون المفاجأه إني ألآقي الحلق في مرئ الطفله😨😨😡😡.
● البنت كانت بترجع ومش عارفه ترضع وعندها ظوغطه متكرره مما يدل على انسداد المرئ.
● والمفروض إني كدكتور أستخرج الحلق من مرئ الطفله بواسطة منظار المرئ الصلب تحت مخدر كلي..بس الطفله عمرها سنه وكل حاجه فيها صغيره وضيقه🥺🥺. لا حول ولا قوة إلا بالله.
●● الحمد لله عملت لها عملية منظار المرئ الصلب واستخرجت الحلق من مرئ الطفله بعد ساعه من المحاولات،الحلق طلع بس بعد ماطلع روحي😤.
●بنقول للمره المليون لكل أب وكل أم نبعد الحاجات الصغيره عن متناول الاطفال😡😡.
● ياريت نعمل لايك وشير للبوست في الصفحات عشان الناس تتعظ.
● في أول تعليق صور هتعجبكم.

●●دا إسمه ناسور في الأذن..هوا فيه حاجه اسمها ناسور في الاذن يادكتور..؟؟؟؟؟؟!!!!!!● أيوه ياسيدي ، فيه ناسور في الاذن ، و...
17/09/2024

●●دا إسمه ناسور في الأذن..هوا فيه حاجه اسمها ناسور في الاذن يادكتور..؟؟؟؟؟؟!!!!!!
● أيوه ياسيدي ، فيه ناسور في الاذن ، ولا بتحسب الناسور لازم يكون في (....)😊😊، او ناسور ( عصعصي) بس😛😛.
●● الناسور أمام الأذن أو الناسور الصيواني هو مشكله خلقيه جينيه يظهر كفتحه او ثقب صغير امام صيوان الأذن وله كيس وقنوات داخليه ، يخرج من هذا الثقب افرازات ثقيله ذات رائحه كريهه ومع الالتهاب يتحول إلى خراج متكرر يحتوي علي صديد يؤدي إلى تشوه صيوان الأذن أو يؤثر علي الغده النكفية.
●● علاجه: - عملية جراحية تجميلية لاستئصال الكيس الداخلي والناسور ، بعد آخذ علاجات الالتهابات قبل العمليه..
●● ويلزم على جراح الانف والأذن المتخصص ذو الخبرة المحافظة علي العصب السابع والغده النكفيه واستئصال جزء من صيوان الأذن لضمان عدم تكوين الناسور مرة أخرى.
●● للتوضيح وللعلم :- ناس كتير جدا بيتولدوا عندهم ناسور بالاذنين وحتى مايعرفوش ايه ده، المهم احنا مش بنعمل اي عمليه اذا كان الناسور مش بيلتهب او مش بيعمل خراج .

04/07/2024

●● طفل بلع عملة معدنية (جنيه معدني ) أدى إلى انسداد مرئ الطفل..
●● انسداد المرئ يمنع الطفل من البلع مع الترجيع المستمر، ولو استقر مكانه يؤدي الى التهابات بالمرئ او عمل قرحة به أو التصاقات وربما ثقب بالمرئ..
●● يتم استخراج العملة المعدنيه (الجنيه المعدني) بواسطة منظار المرئ الصلب تحت مخدر كلي ..
●●● للاسف منظار المرئ الصلب لا يوجد في معظم المستشفيات ولذلك قمت بتوفيره لمثل هذه الحالات..
●● لابد من توعية الاطفال عدم ادخال وإبعاد الاجسام الغريبه عن الفم نهائيا .

23/05/2024

●● إختناق طفل سنتين بقطعة كيك..
●● في الفيديو ده أنا مش طالع في أسانسير إحدى ناطحات السحاب أو برج خليفه ...

●● دا منظار للقصبه الهوائيه لطفل عمره سنتين..كانت داخله في قصبته الهوائيه قطعة كيك كانت سبب في إختناقه وكانت هتؤدي لوفاته..
● تم استخراج قطعة الكيك بالمنظار ودي من أدق وأصعب عمليات تخصص الانف والأذن والحنجرة ...
●● من خلال المنظار بنشوف فيه انقسام القصبه الهوائيه إلى قصبه هوائيه يسرى وقصبه هوائيه يمنى.. وبنلاحظ نبض عضلة القلب لأن القلب مجاور ولاذق في القصبه الهوائيه ..
● وريتكم حاجه فينا وبداخلنا كلنا..قولوا سبحان الله.

05/05/2024

●● أمراض الحنجره والأحبال الصوتيه مرتبطه بالعادات السيئه :-
(١) كالتدخين ( السجائر والشيشه وما شابه).
(٢) شرب الخمور والكحوليات.
(٣) الزعيق:- علو الصوت أو الاستخدام الخاطئ للصوت.

● أمراض الحنجره والأحبال الصوتيه مثل ( خشونة الأحبال الصوتيه أو تكوين حبيبات أو لحميات بهما أو تكوين أورام حميده او سرطانيه بالحنجره) .

●● الاعراض: تغير وضعف الصوت وخشونته مع ضيق بالتنفس واختناق وألم بالحنجره قد يمتد للاذن.
●التشخيص :-عمل منظار حنجري بمخدر موضعي بالعياده..
●● العلاج :-عمل عملية منظار مباشر للحنجره واستئصال التورم وأخذ عينه لتحليل نوعية الورم..

02/05/2024

●● عظمة فراخ شامورت راشقه في زور (حلْق) سيده ( زي الحربه).

● فلاش باك..
●● دخلت السيده غرفة الكشف متألمه جدا ومنزعجه..* قالت إلحقني يادكتور انا واكله فراخ شامورت..
** قلت ..يابختك يا حاجه هوا فيه حد لاقي فراخ اليومين دول..
* قالت..فيه عضمة فراخ واقفه في زوري هتموتني يا دكتور..🥵🥵🥵**
قلت : يابختك يا حاجه..🤨🤨

* قالت : على ايه بس انا هموت😡😡😡

** قلت : عشان جيتي تكشفي عندي..😛😛

● بفحص المنظار لقيت العضمه واقفه وراشقه زي الحربه في حلق السيده..🙆‍♂️🙆‍♂️دي بتتكلم بجد 😑
● الحمد لله شيلت لها العضمه بالمنظار بالعياده ببنج موضعي ..
●● المهم من القصه دي اننا ماننساش ان الفراخ حتى لو شامورت بيبقا فيها عضم🤣🤣🤣🤣 معلومه كنت بحسب ان الناس كلها عارفاها🤦‍♂️🤦‍♂️..
●● مع كل الاحترام لاخواتنا الشراقوه اللي بيقولوا ..الفراخ ما إيلها وراك..😜😜😜😜😜.
● في اول تعليق فيديو استخراج العضمه بالمنظار في العياده..

30/04/2024

●● سيدة فقدت كل وظائف الأنف الأساسية إلا وظيفه واحده فقط..ما السبب؟؟!!!!!

●● هذه السيده تعاني من لحميات وزوائد عنقوديه بالانف والجيوب الأنفية هذه اللحميات أفقدت السيده كل وظائف الأنف الأساسيه فاضل بس ان الانف عضو جمالي وشكل بالوجه..

●● ما هي الوظائف الأساسية للأنف؟؟ (١ )مجرى وممر للهواء (مسدود تماما عند السيده) _ (٢)تعمل الانف كفلتر لتنقية الهواء من الملوثات والجراثيم (أصلا مافيش هوا داخل بانف السيدة عشان يتفلتر ،كل الهواء داخل من فم السيده مباشرة)_(٣) الشم(فُقِد تماما عندها ) (٤) عضو جمالي بالوجه ).

●● أجريت لهذه السيده عملية منظار للانف والجيوب الأنفية..ولله الحمد رجعت لها كل وظائف الأنف.. وتم شفاءها تماما..
●● في أول تعليق فيديو بعد اسبوع من العمليه، يظهر فيه تجويف الأنف بالكامل حتى الفتحه الخلفيه للانف ومن خلالها نرى البلعوم الانفي .

Address

Hurghada
84517

Opening Hours

Monday 12pm - 4pm
6pm - 10pm
Tuesday 12pm - 4pm
6pm - 10pm
Wednesday 12pm - 4pm
6pm - 10pm
Thursday 12pm - 4pm
6pm - 10pm
Friday 12pm - 4pm
6pm - 10pm
Saturday 12pm - 4pm
6pm - 10pm
Sunday 12pm - 4pm
6pm - 10pm

Telephone

+201211602627

Website

Alerts

Be the first to know and let us send you an email when Dr Ayman AbdelAziz ENT Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category