S.TH.Hagar Nour

27/05/2026

عيد سعيد عليكم وعلى أطفالنا الحلوين، ويا رب دائمًا نشوف منهم أحلى تقدم ونجاح 💛

26/05/2026

🌙✨ في يوم عرفة… فرصة نزرع في قلوب أطفالنا أجمل المعاني ✨🌙

مش لازم الطفل يفهم كل التفاصيل الدينية عشان يعيش روح اليوم ❤️
يكفي نحكي له إن ده يوم جميل ربنا بيحب فيه الدعاء والخير والتسامح 🤲

💡 أفكار بسيطة تعملوها مع أطفالكم النهاردة: • نقول أذكار قصيرة مع بعض
• ندرب الطفل يقول دعوة لنفسه ولأهله
• نحكي قصة بسيطة عن الرحمة والمغفرة
• نشجعهم على عمل خير ولو صغير 🌸

الأطفال بيتعلموا بالمحبة والقدوة أكتر من الكلام 💛
وكل لحظة دافية معاكم بتفضل جواهم سنين.

🌷 يوم عرفة مبارك عليكم وعلى أطفالكم
وربنا يرزق كل أطفالنا الطمأنينة والخير والسعادة.

16/05/2026

الأنشطة المخصصة لتقليل التشتت والنسيان
تقوية مهارات التركيز والتفكير التحليلى ❤️
رحلة طويلة وممتعة ونتائجها قوية بتوفيق من الله عز وجل❤️
ا/ هاجر نور
اخصائيه التخاطب وتنمية المهارات
اخصائيه صعوبات التعلم
#تخاطب

16/05/2026

لو الطفل وصل لعمر سنتين ونص ولسة مابيستخدمش كلمتين مع بعض ، يفضل تعمليله تقييم اللغة الإستقبالية والتعبيرية ..

14/05/2026

ازاى اتعامل مع طفل التوحد وقت الانفعال ؟
1-متحاولش تزود كلام كتير وقت ذروة الانفعال الكلام بيزود الضغط الحسى، ممكن تستخدمى كلمات بسيطة وهادية

2- قللى المدخلات الحسية فورا
كفى الانوار العالية - هدى الدوشة - ابعدوا عن الزحمة

3- وفرى أداة لتنظيم الانفعالات
حاجة للضغط " مخدة أو بطانية أو ماشب ـ سماعة عازلة للصوت او اى شئ يهدى الضغط العصبى"

4- متحاوليش تمنع الحركة
حتى الحركات التكرارية دا بينفس شوية من الانفعالات

5- اهتمى بأمان المكان
ابعدى اى شئ حاد أو بسبب خطر على الطفل خصوصا فى اللحظة دى

وأخيرا انتى مش لوحدك وانا معاكى خطوة بخطوة❤️

13/05/2026

ليه الوقت مهم جداً فى بداية الرحلة !

السنين الأولى من حياة الطفل (خصوصًا من الولادة لـ 3 سنوات) هي الفترة الذهبية اللي بيبني فيها دماغه "الطرق العصبية" اللي هيمشي عليها طول حياته.
👶 لو الطفل عنده تأخر في الكلام، أو صعوبة في التركيز، أو ضعف عضلي.. التدخل المبكر (العلاج الطبيعي، التخاطب، المهني) بيعمل زي "خرائط جوجل" للدماغ، بيرصف طرق جديدة تعوض المناطق المتضررة.. قبل ما الدماغ يتعود على طرق غلط يبقى صعب تغييرها بعد كده!

لكن العلاج المبكر مش عشوائي خالص! ليه قواعد دقيقة:
العلاج بيكون على مراحل
لازم يكون بكثافة وجرعة محددة (مش أي حد يلعب مع الطفل شوية ويخلّص).. دراسات بتقول إن الطفل محتاج يكرر الكلمة المستهدفة 90 مرة في الجلسة عشان يتقنها!

والأهم: التدخل اللي بيحصل في البيت بمشاركة الأهل هو الأقوى!
وأخيرا.. متستنيش المعجزة تحصل ... اصنعيها انتى بالتدخل المبكر ❤️
#تخاطب #التوحد #الطفولة #الرعاية

12/05/2026

قبل ما تعلميه ينطق الحرف، علميه إن غضبه مسموح به.
وقبل ما تعلميه يهدي في الكرسي، علميه إن وجوده في البيت له قيمة.
الأطفال من ذوي القدرات الخاصة بيقرأوا مشاعرنا أكتر من كلامنا. لو نفسيتنا هادية، هما هيعرفوا يهدوا. لو بنتقبلهم بعيوبهم، هما هيتقبلوا نفسهم. تعالي أقولك إيه هي الخطوات النفسية البسيطة اللي هتفرق لو طبقتها النهارده.

ومتنسيش ..
انتى مش لوحدك وانا معاكى خطوة بخطوة❤️✨

11/05/2026

أطفالنا بيتطوروا بالحب، الصبر، والتكرار 💙
والإنجازات الكبيرة دايمًا بتبدأ بخطوات بسيطة. 🌱
#التربية #تخاطب

11/05/2026

الخرافة:
أطفال التوحد لا يحبون العلاقات.

الحقيقة:
يحبون التواصل والعلاقات، لكن بطريقتهم الخاصة.

الخرافة:
التوحد يختفي مع العمر.

الحقيقة:
التوحد يستمر، لكن التدخل المبكر يساعد الطفل على تطوير مهاراته.

الخرافة:
الشاشات تسبب التوحد.

الحقيقة :
الشاشات تساعد على استمرار مشكلات التوحد وتسبب فى تأخر اللغة لكن لا تسبب التوحد.

✨ للحجز والاستفسار عن جلسات التخاطب وتنمية المهارات/ جلسات صعوبات التعلم/ جلسات التأهيل للاطفال ذوى القدرات الخاصة
التواصل على الرقم. 010 27661362

10/05/2026