17/09/2026
حالة قيصرية توأم اختارت تنام قبل البنج النصفي وفضلت نايمة طول الولادة تصحى ثانية تسمع صوت الولاد وتسأل مين كان فى اليمين ومين كان فى الشمال عشان هى مسمياهم ع الاساس ده
وع كدا نايمة طول الولادة وبتحلم 😂
دى تانى ولادة فمكان الجرح القديم لما شيلته بدأت الاوعية الدموية اللى فى طبقة الدهون تجيب دم كدا فاظبطها واحدة تانية تجيب وهكذا
طلعت الاولاد وقعدت بقي انضف فى الجرح واخيط كل جزء وخطوات جراحية كدا يعنى المهم قعدت حوالى ساعة الا ربع فى تظبيط الجرح والخياطة وتقفيل كل حاجة والصورة دى وانا شغال صاحبتها الدكتورة حضرت الولادة فلما شافتنى كدا صورت وقالت الله يكون فى عونك يا دكتور دا انت ضهرك زمانه بيشتكى
المهم الحالة جات فى متابعة الولادة فبقولها عرفتى اللى حصل فى الولادة ؟
قالتلى ااااه انا تعبت
قلتلها دا انا اللى تعبت اقسم بالله 🤣
تقريبا هى تعبت عشان كنا عاملينلها ازعاج وهى بتحلم 😂😂😂
