02/09/2026
📢 أنواع الماغنسيوم واستخداماتها الصيدلانية ✍🏻
هو فيه فرق بين أنواع الماغنسيوم؟ 🤔
ج: أيوة طبعاً. الماغنسيوم بيمسك في أملاح مختلفة وكل ملح ليه وظيفة.
زي الفرق بين البنادول والبروفين.. الاتنين مسكن بس استخدامهم مختلف💊
الماغنسيوم معدن أساسي لأكتر من 300 تفاعل حيوي في الجسم. بس مش كل الأنواع زي بعض!
💌أي نوع للنوم والتوتر؟
Magnesium Glycinate
لأنه بيرتبط بحمض الجلايسين اللي بيساعد على تهدئة الأعصاب وعلاج الأرق وتقليل التوتر امتصاصه عالي ومش بيعمل إسهال.
الجرعة يفضل بالليل قبل النوم بساعة🌃🛌
💌وأي نوع للإمساك؟
Magnesium Citrate
ده ملين أوزموزي بيسحب مية للقولون. بيستخدم كمان لتحضير القولون قبل المنظار. 📝
بس خلي بالك الجرعة العالية تعمل إسهال.
💌فيه نوع للإحساس بالحموضة؟
Magnesium Oxide
مضاد للحموضة، مكمل غذائي
وفيه أعلى نسبة ماغنسيوم عنصري 60%💊💊
💌عايز ماغنسيوم للطاقة والتعب؟ 🚶🏼♀️➡️
Magnesium Malate
المالات بيدخل في دورة إنتاج الطاقة في الخلية. ممتاز للناس اللي بتحس بإرهاق وتكسير في العضلات.🏌🏼♀️🏋🏻♀️
💌فيه نوع للذاكرة والتركيز؟ 🧠
Magnesium Threonate
هو النوع الوحيد اللي بيقدر يعدي للمخ ويدعم وظائف الذاكرة والتعلم.🙋🏻♀️✨
📌📌فوائد المغنيسيوم
📍يدعم صحه العظام
📍يحفز امتصاص الكالسيوم
📍يلعب دورا مهما في استقلاب الكربوهيدرات والجلوكوز، لذا يمكن أن يمنع المغنيسيوم خطر الإصابة بمرض السكري
📍ضروري لصحة القلب
📍تخفيف الصداع النصفي
📍يحارب الاكتئاب
📍كما يرتبط انخفاض كمية المغنيسيوم بالالتهاب المزمن، وهو أحد العوامل المسببة للشيخوخة والسمنه
💌💌💌نصائح سريعة 💫⚡️
الجرعة: 300-400 مجم يومياً للبالغين من كل المصادر
يفضل مع الأكل لو بيتعب معدتك ،بالليل للنوم، الصبح للطاقة
ولازم فاصل 4 ساعات بينه وبين المضاد الحيوي وادويه الغده
الأعراض الجانبية: الإسهال هو أشهر عرض لو زودتي الجرعة
