12/08/2026
❤️🌹... بصوا يا اخوانا.. في شغلانتنا دي ناس كتير زمايلنا قابلت شكاوي غريبه و عجيبة في مسيرتهم الطبية في أم الدنيا (المحروسة 🇪🇬).. في منها الطريف وفي منها المخيف... ودي مقتطفات من اللي بنشوفه :
🔵 واحدة جاية المستشفي الساعه ( 3 الفجر فى عز الشتا هيا و جوزها و عيالها الاتنين) بتشتكى إنها مش عارفة ((تتكرع)) بقالها يومين.. 😳😳.. على أساس إنها جاية الإستقبال أخبطلها على ضهرها وانيمها ع كتفي زي العيال الصغيرة يعنى ولا نعملها إيه ؟؟..
.. 👨⚕️روحي إلهي تتكرعي تكريعة تجيب بطنك وش سلندر يابعيدة..
🟤 أم ملهوفة جاية الإستقبال جري 🏃.. بتقول ( إبنها العيال ف الشارع... رضعوه من كلبة ولدة 🐶... وعاوزة تعرف تتصرف ازاي ؟..
..👨⚕️ انا كطبيب ردي بالله عليكي لما تعرفي.. ابقي عرفيني... (بتكلم بجد.. صحيح) 🤔😳
🟣 واحدة جاية ( ليلة وقفة العيد الكبير) الساعة 3 الفجر عايزة (تشيل اللولب أصل جوزها **عنتيل وسط البلد** لسة راجع من السفر ☺️) ..
. 👨⚕️حضرتك دا إستقبال محترم (كباريه سنية شخلع) الشارع اللي ورانا.. 🤣🤣
🟢 أم جايبة إبنها( 7⃣ سنين) بتقول( الواد دا من يوم ما إتولد بياكل (جيلاتي لوليتا ودردوميا) على طول و عمره ما جاله لوز شوف كده ليكون نازل من غير لوز 🙂..
..👨⚕️ طيب لو لقيتهم هتديني كام ؟! 🤔 😂
🟡 ست جايه تقول لزميل في الرمد (والنبي شوف كدا يادكتور... عيني مالها اصل الدكتور **الله لايربحه ولايكسبه **اللي زرعلي العدسة في عيني ... حطلي وراها عمل ، أنا شايفاه وموقف حالي...
.👨⚕️ طيب والله العظيم دا (راجل يشكر مادام عمل كدا ياماما) ..
⚫ شابه جايه بنزلة معوية و مقتنعة إن سلفتها (بنت 🐶 الدون) بلغتها... عملتها عمل على صباع المحشي اللي إدتهولها..
.👨⚕️ ماإنتي لو ضربتي صدر الفرخة.. كان العمل بطل.. علي مذهب الست خديجة المغربية..
🟠 واحده جات الساعة 3⃣ بالليل 🌃 عاملة غيار جراحي ولفه شاش علي نص رجلها..
فالدكتور بيستفسر من إللي معاها هي ( متخيطة كام غرزة ؟ ولا محروقة ولا إيه ؟؟!) قالوله بمنتهي الجدية... لا مش متخيطة.. دي ناموسة قرصتها و غيرنا لها عليها في الصيدلية 😂🦹..
. 👨⚕️ ناموسة.. أومال لو كانت F16 كنتوا هتعملوا إيه.. ؟!. صباحكم محن مكرر...
⚪واحدة ست جاية بشاب تقولك إبني عاوز مصل عضة (القرموط) بسرعه !!...
عشان هو مربي (قراميط) عنده في حوض سمك في البيت و هو بيأكلهم... عضه..
.. 👨⚕️بصوا هوا اول حاجة تيجي في بالنا (( عاوز بس حد يقنعني ليه الإنسان **النورمال **ممكن يربي قراميط زينه يعني ؟!!))..
سمك القرش يشعر بالحزن ومعاه ال 🐶 وال 🐀 وال 🦂....
☢️☢️الحمد لله بعد ماسبق.. ان إحنا عايشين وماشيين (بس بعلاج) وحياتكم...
⚠️منقول (بتصرف) ⚠️
