23/07/2026
ليه بتعالج من "الحموضة" وتاخد أدوية معدة وبرضه مفيش تحسن؟! 🤔💊
كتير بنشوف مرضى بياخدوا أدوية حموضة بالشهور، وكل ما يوقفوا الدوا أو حتى وهو بياخده، يحس بوجع وحرقان في معدته ومش مستريح..زي حاله هدى اللي عملتلها منظار من شويه و الصور دي كانت النتيجه
السر هنا إن المشكلة ممكن متكونش من "حمض المعدة" اصلاً.. المشكلة ممكن تكون "ارتجاع العصارة الصفراوية"! 🟢
💡 يعني إيه الكلام ده؟
العصارة الصفراوية (بتفرزها الكبد وبتتخزن في المرارة) مفروض تنزل على الأمعاء عشان تهضم الدهون.. اللي بيحصل إنها أوقات "بترجع بالعكس" وتدخل جوه المعدة!
ولأن العصارة دي قوية جداً ولها تركيب كيميائي مختلف، بتكوي الغشاء المخاطي للمعدة وتعمل فيه التهاب جامد.
⚠️ إمتى تشك إن عندك ارتجاع صفراوي؟
وجع أو حرقان حامي في فم المعدة مش بيرتاح على أدوية الحموضة العادية.
غثيان مستمر أو ترجيع مادة لونها أصفر/أخضر ومُرّة (خصوصاً الصبح على الريق).
بتزيد قوي بعد عمليات نشيل فيها المرارة، أو جراحات المعدة، أو حتى لو حركة المعدة بطيئة.
🩺 طب والعلاج إيه؟
عشان السبب مش "حمض"، العلاج مش مجرد دوا حموضة، العلاج بيعتمد على:
1️⃣ أدوية بتظبط "حركة" المعدة والأمعاء عشان تمشي في اتجاهها الصح وما ترجعش لورا.
2️⃣ أدوية بتغلف جدار المعدة وتحميه من أثر الصفراء.
3️⃣ أدوية بتقلل من حدة وسمية العصارة نفسها.
👉 الخلاصة: لو مش بتستجيب لأدوية الحموضة، بلاش تفضل تزود الجرعة مع نفسك.. روح اكشف عند اخصائي الجهاز الهضمي والمناظير عشان بنضطر في الحالات دي نعمل منظار أو أي إجراء تاني
دمتم بالف صحة وعافية ✨
#المناظير #باطنه #مصر #كفرالزيات #مناظير ゚viralシ
