https://www.facebook.com/106757128323084/

Kafr El-sheikh STEM Psychology club, El Masnaa Street, Kafr el Sheikh (2026)

15/07/2022

قبل ما نبدأ رحلة جديدة هنسترجع ذكرياتنا مع بعض و نفتكر عملنا ايه السيزون الي فات🥰
السيزون الي فات كان عظمة حرفيا ما بين events و orientations و Talks....
احنا ك ستيمرز فالسامر كامب بيكون اغلبنا في مرحلة التوهان ولسة مش متعايش ومش مرسوم في ذهنه اللي ممكن نمر بيه ولسبب ده عملنا orientations علي مدار الأسبوع التاني فالسامر كامب شرحنا فيها كل حاجة عن المدرسة وازاي يتغلبوا عالمشاكل الي بيواجهوها و الضغط الكبير الي اتحط عليهم.
عملنا زي ثيرابي عشان كلنا نتعرف واتكلمنا عن بعض المشاكل مرينا بيها بسبب بعدنا عن الاهل والدراسة ومشاكل حياتيه هيواجهوها واشتغلنا علي الجانب الترفيهي وكان الfunday واللي كان partnership بينا وبين KFS Talents وقد ايه اليوم عملنا فيه ذكريات جميلة و ك KFS psychology club مش هنسيبهم اكيد طول الترم 🤝
كان فيه orientations علي مدار السنة اهمها قبل ال exhibition طلعنا شرحنا ازاي تتعامل مع الjudge وازاي تحسن من اسلوب كلامك و ال body language بتاعتك✨، وكان فيه عدد من ال events والزيارات للمدرسة من الوزارة شاركنا فيها طلع speakers من التيم اتكلموا عن انجازاتنا و عن المشاكل الي تواجدت واتحلت من اول ما بدأنا لحد اخر السيزون
ذكريات جميلة وانجازات عظيمة حبينا نفكركوا بيها والسيزون الجاي هيكون افضل واجمل ان شاء الله ❤️

20/02/2022

We used to tell you that nothing makes you great like enormous pain, and that without pain, there is no gain.

لو فكرت مع نفسك شويه هتعرف ان الاشخاص اللي بيساعدوك اكيد خاضوا تجارب كتير عشان يوصلوا لكم المعلومات ويكونوا قادرين علي مساعدتك بطرق مختلفه ، بعد ما حصل تغيرات كتير في الفتره الاخيرة اقدر اعرفك علي اصحاب الفكرة واللي لسه مكملين عشان يوصلوا لهدفهم وشغفهم حول مجتمع افضل

28/09/2021

قاعد فى الاوضه جمب الشباك ....الدنيا بتشتى .....بشرب قهوة وانا بتفرج على المطره .....بتقول فى دماغك I am so lonely... lonely....l am so lonely....... lonely

الوحده شعور مش هين ميعرفوش غير اللى جربه سواء فقد حد من أسرته فده عمل ليه فجوه عاطفيه او لو شخص معندوش اصدقاء سواء هو انطوائي أو سافر فاضطر يبعد عن أصحابه وحس بالوحده ومعرفش يعمل أصحاب تانيين وبردو التقدم التكنولوجي بيخلى الناس تنسي بعضها والشخص بيبدأ شعور الوحده عنده يزيد تدريجياً ومن اصعب الاسباب اللى ممكن تسبب الوحده هى المشاكل العائليه تخيل معايا كده حياة عباره عن مشاكل وخناقات وزعيق طبيعى انت هتعوز تقفل على نفسك فى مكان مش هتعوز تقرب من حد ولا حد يقرب منك

الوحده مش معناها انك عايش لوحدك ومفيش حواليك حد بالعكس! انت ممكن تبقى عايش لوحدك بس مبسوط جدا وبردو ممكن تلاقى شخص حواليه ناس كتير بس حاسس بوحده شديده وحزن فظيع
الوحده مش بس هتاثر عليك نفسيا زى ما انت متوقع بتاثر كمان على الصحه الجسديه بتضعف مناعة الجسم وبتؤدى لارتفاع ضغط الدم
اكيد طبعا كلنا عارفين ان الرياضه بتحافظ على الصحه الجسديه والصحه النفسيه عموما بس ماذا لو انت كنت وحيد!
هتلاقى نفسك مش عايز تروح تمرينك هتتحول لشخص كسول ودائما خملان طيب تعرف أن كمان ممكن قدراتك العقليه تقل وهتبدأ متعرفش تفكر ولا تحل مشاكلك!
وكمان الوحده بتزيد من فرصة الإصابة بالزهايمر .
كل ده اكيد مش كويس لينا بس تخيل معايا كده لو وصلت باكتئاب!
ايه الدنيا وقفت! الالوان بهتت! الأغنية انطفت! حتى القهوة مبقاش ليها طعم! صوت المطر مبقاش بيأثر!
تعرف انك ممكن توصل لاكتئاب لو فضلت وحيد لفتره طويله والاكتئاب هو حاله نفسية تانيه اصعب من الوحدة هتحتاج انك تلجأ لدكتور ساعتها عكس الوحده ممكن تساعد نفسك ،ازاى؟
1-شارك فى أنشطة اجتماعية كتير هتنسيك زعلك وهتجبرك تتعامل مع الناس وبالتالى احساس الوحده هيقل
2-اعرف ناس جديده اتكلم معاهم وقضى وقت معاهم
3-اخرج اتفسح ولو خروجات بسيطة اتمشي فى أماكن بتحبها روح اماكن أثرية اعمل حاجات بتحبها مع ناس بتحبك
4-تعرف تفتح دماغك ديه وتشيل منها فكرة الوحدة وتقفلها تانى اه انا عايزاك تعمل كده وروح شارك فى الأعمال التطوعية ساعد الأيتام والناس المسنه مبسوط ومش وحيد
5-قرب من عائلتك فى الاول وفى الآخر ملكش غيرهم مهما كان موجود من مشاكل هما فى الآخر همهم الوحيد انت هيساعدوك لو اتكلمت معاهم بهدوء
6-social media
تعرف بقى تمسك العصاية من النص لأنك عشان تتعرف على ناس جديده ومختلفة عنك هتضطر تلجأ لل social media وبردو ممكن ساعتها تحس بالوحده تانى لأن 90% من الناس اللى بيعانوا من الوحدة بسبب social media عشان كده هتمسك العصاية من النص مش هتفرط فى استخدامها ولا تمنعها وبس كده هتلجأ بعدها لفيروز مع القهوة والشتاء و have fun
كُنْ سَوِّي نَفْسِيِّاً
#لنفسك
#لاهلك
#لمجتمعك
#لعالمك

30/08/2021

التنمر.........
مين فينا متعرضش للتنمر سواء في المدرسه، الشارع او حتى البيت ،طبقاً لاحصاءات منظمه UNICEF سنه 2019 70% من الطلاب المصريين بيتعرضوا للتنمر من اصحابهم وكمان مدرسينهم
وللاسف قضيه التنمر بدات تنتشر بشكل كبير في اخر عقد
للتنمر انواع ممكن يبقى بدني او لفظى او اجتماعي او نفسي او الكتروني

التنمر مش بس بيأذينا جسديا ده بيخلي ثقتنا في نفسنا و تركيزنا ومستوانا الدراسي يقل مع الوقت وكمان بيسبب مشاكل نفسيه زي الاكتئاب والقلق واحيانا بتوصل للانتحار!!
معظم الابحاث وضحت ان الاشخاص المستهدفه للتنمر هم الاشخاص المختلفه سواء في المظهر اوالدين او الحالة الاجتماعيه وكمان الاشخاص اللي عندهم مشاكل صحيه او اعاقة والمتفوقين دراسيا وكمان الموهوبين والاشخاص المنطويين والوافدين والمسالمين

طيب ازاي نحل مشكله التنمر؟
لازم نزود الوعي الديني عند الاطفال وكمان لازم الآباء والامهات يعلموا اطفالهم ازاي يتعاملوا مع اصحابهم في المدرسه من وهما صغيرين وازاي يتكلموا معاهم من غير ما يأذوهم نفسياً او لفظياً وكمان لازم نعالج الشخص المتنمر والشخص المتنمر عليه
مفيش حد بيتولد متنمر بالفطرة
الدراسات اثبتت ان الشخص المتنمر هو اصلا شخص اتعرض للتنمر قبل كده ممكن يكون تنمر في بيته احياناً بييقى عشان في علاقات سيئة مع الابوين وده بيخلي الطفل يفتقر للشعور بالامان النفسي والعاطفي فيلجأ للتنمر عشان ميحسش بالضعف ويتنمر عليه اشخاص تانيين وزي ما قولنا ان في علاقه بين المتنمر والمتنمر عليه
بحيث أن الشخص المتنمر بينتج اشخاص متنمر عليهم والاشخاص المتنمر عليهم بيتحولوا لاشخاص متنمره وبتستمر السلسلة على كده
احنا بقى لازم نكسر السلسله دي باللي قولناه
اما الشخص المتنمر عليه ركز معايا كده لو انت شايف ان في ناس بيتنمروا عليك لفظيا ونفسيا تجاهلهم، واقوللك ازاي توقفهم؟ رد الاساءه بالاحسان فالشخص المتنمر هيبطل يتنمر عليك ولو بدنيا اتعلم ازاي تدافع عن نفسك مش تهاجم تدافع عن نفسك بس عشان متتحولش لشخص متنمر زيهم في يوم من الايام
بالنسبه للآباء لو ابنك او بنتك تعرضوا للتنمر البدني ولجأوا ليك وحكوا ليك متزعقش ليهم وتقولهم تروح بكره المدرسه تضربه انت كده بتقتل طفولته و بتدمره و نفسيا و بتحوله لشخص متنمر من وهو صغير
لأ تقعد معاه حاول تصالحه الاول ومتخليش نفسيته تتاثر وبعدين تخليه بردو يتعلم رياضه دفاع عن النفس عشان ميتعرضش للتنمر تاني وتكلم المدرس المسئول في المدرسة بحيث ان هو يشوف الشخص المتنمر اللي بيتنمر عليه ويتكلم مع اهله عشان بردو يقعدوا يتفاهموا معاه ويحاولوا يحلوا مشكلته

كمان مصر بدات تتحرك ضد التنمر اطلقت اول حمله قوميه في سبتمبر 2018 تحت شعار انا ضد التنمر بالتنسيق بين المجلس القومي للطفوله والامومه ومنظمه الامم المتحده للطفوله والامومه وكمان في يوليو 2020 اتعمل قانون للاشخاص المتنمرين وفي عقاب للمتنمر حبس لا يقل عن 6 شهور وغرامه لا تقل عن 10000 جنيه

اوعى تنسى ان الاختلاف هو الشيء اللي بيميزنا اختلافك هو اللي خلاك جميل اختلافك هو اللي خلاك ناجح اختلافك هو اللي خلاك موهوب اختلافك هو اللي خلاك شخص متدين اختلافك هو اللي خلاك تأثر في مجتمعك بالايجاب اختلافك اللي خلاك تتحدى كل العواقب اللي قدامك اختلافك مش شئ مهين اختلافك شيء عظيم

كُنْ سَوِّي نَفْسِيِّاً
#لاهلك
#لمجتمعك
#لعالمك

20/08/2021

Me to me after 12:00 a.m.
-انا شخص مش كويس مش هقدر اعمل حاجه مش هقدر احقق حاجه انا جبت rate مش كويس وكمان مش بتقبل في اي course ولا اي summer program انا شخص فاشل وبس
-stop عندك كده ايه الكلام اللي انت بتقوله ده ليه كده اولا انت حد عظيم انت مجبتش rate كويس بس عرفت الغلط فين وهتصححوا ماتقبلتش في اي حاجه بس ساعدت اصحابك يتقبلوا في حاجات كتير وهما ممنونين ليك وبيحبوك جدا وده انجاز بالنسبه ليك نام بقى كده واصحي الصبح عشان تبدأ بجمدان طيب استني لأ متنامش فاكر الكورس اللي انت شوفته في بوست وقدمت فيه ما تيجي نتشيك الميل كده على السريع دلوقتي ونشوف

ايه ده انا اتقبلت! انا اتقبلت! ازاي؟! انا مش مصدق نفسي!
- عرفت انك شخص عظيم نام بقى عشان تقوم بكره عشان تسستم حياتك لكل اللي جاي.

عدم احترام الذات هو مرض ومرض خطير جدا كمان ممكن فى بعض الحالات يؤدى للانتحار! وفى ظل المجتمع بتاعنا مفيش كتير مننا بيبص للجانب السيكولوچى ولو لقوا تصرفك مريب مش بيدخلوا بحجة ده مراهق! وده بيخلى لمريض حالته تسوء اكتر لانه بيتأكد من شكوكه اللى هو بيفرض على نفسه أنه يصدقها عشان كده لازم تتعلم ازاى تعالج نفسك بنفسك

ركز كده معايا ليه تخلي نفسك محبط وتقلل من نفسك اوعى تقلل من نفسك عشان حد او تسامح عشان انت ضعيف سامح لما تبقى قوى كل ما تدايق متفكرش في الحاجات الوحشه اللي حصلتلك خليك شخص ايجابي ظبط الطريقه اللي بتتكلم بيها مع نفسك دايما خليك مع الاشخاص اللى بيذكروا مميزاتك ويشجعوك اوعى تقعد مع شخص بيقلل منك او يعايرك بعيوبك
كلم نفسك فى نوتس مثلا بعدين اقراها وشوف هل ينفع تقول الكلام ده لشخص اكبر منك لو ينفع يبقى انت تمام لو مينفعش يبقى خلاص مش هتقول لي نفسك كده تاني لانك لازم تحترم نفسك لانك لو محترمتش نفسك الاشخاص اللي حواليك مش هيحترموك

انا لسه ما خلصتش تعالى هنا اياك ثم اياك تقارن نفسك بحد احنا بشر والاختلاف ده الشيء اللي بيميزنا عن بعض هقولك كلمتين وحطهم حلقه في ودنك زي ما امهاتنا بتقول سيبك من اللي فات وما تفكرش فيه الهم بيجيب الهم يا صاحبي صدقني فكر هتعمل ايه في اللي جاي انت لسه في عز شبابك يا عم قدامك حياه طويله عريضه اد كدهو
بقولك ايه ما تيجي نتمشى على البحر مثلا الصبح نشم شويه هواء لو معندكش بحر ما تيجي ننزل نتمشي في الشوارع اللي احنا بنحبها طب ما تيجي نروح نلعب رياضه على فكره هتساعدنا جدا
بقولك لك ايه تاني اياك ثم اياك تاني بقولها ليك اهو يا عم لو حد طلب منك حاجه تعملها والحاجه دي هتأذيك او انت مش بتحب تعملها او تيجي على نفسك عشان خاطر حد ما تقولش انا كده بساعده انت كده بتأذى نفسك وكده اصلا حرام وبرده لازم تساعد الناس لما يطلبوا منك بس تعمل الشيء اللي هيخليك فخور بنفسك لما تعمله وتعمله وتقدمه وانت فرحان مش وانت متدايق
كُنْ سَوِّي نَفٍسِيًا
#لنفسك
#لاهلك
#لمجتمعك
#لعالمك

15/08/2021

احنا مين؟
تعالى احكيلك حكايه صغنطوطه اعرفك بيها مين احنا
احنا كنا كام طالبة فى community STEM KFS تحديدا وفي يوم لقينا حوالينا حاجه غريبه تقريبا بنسبه 96٪ من اللي موجود في السكن قاعد بيعيط ومنهار وفي اللي قافل على نفسه الاوضه و اللى مركز في اللاشيء عرفنا ان في حاجه غريبه واننا مش لازم نسكت.

بعدها عرفنا ان ده كله كان stress من اول السنه عمال يتحط علينا واحنا بنقول ان احنا اقوى و هنعدي بس الشطاره مش انك تعدي وانت متدمر الشطاره انك تعدي وانت سوي نفسياً لان كل ما تزود على نفسك stress كده ممكن يوصلك لمشاكل كتير ممكن يسبب لك psychiatric complex (عقده نفسيه) او suppression (كبت) ويبدا يخليك في حاله introvertion (انطواء الذات).

بدأنا باننا ندى support للناس اللي حوالينا وبعدها عملنا orientation في المدرسه عشان ندى لاصحابنا وكمان زملاءنا الاولاد support ونحاول نحل مشاكلهم باننا نتكلم على المشاكل اللي بتواجه اللى فى سننا و بنقدم ليها حلول و الحمد لله اعتقد انها جابت النتيجه كويسه وكنا ناويين نعمل كذا واحده بس للاسف الدراسه اتلغت فقررنا اننا نساعد كل الطلاب اللي في سننا ونبدا معاك من هنا.

احنا بقى STEM KFS psychology club هنكلمك من ورا بوست عن المشاكل اللي اعتقد بتواجه معظمنا وندي ليها حلول وازاي تخلي نفسك سوي نفسياً و تقدر تعمل كل فتره Auto analysis (تحليل نفسى).

كُنْ سَوِّي نَفْسِيَّاً
#لنفسك
#لاهلك
#لمجتمعك
#لعالمك

Kafr El-sheikh STEM Psychology club

15/07/2022

20/02/2022

28/09/2021

30/08/2021

20/08/2021

15/08/2021

Address

Telephone

Website

Alerts

Contact The Practice

Shortcuts

Share

Category