دكتور احمد عتيبه اخصائي امراض الصدر والحساسيه

24/08/2026

21/08/2026

☀️🌸 الحساسية الصدرية مش بس في الشتاء!

كتير من الناس فاكرين إن حساسية الصدر بتزيد بس مع البرد…
لكن في الحقيقة الصيف له محفزات كتيرة ممكن تهيّج الشعب الهوائية وتزود الأعراض 😮‍💨.

👶 أعراض الحساسية الصدرية:

كحة متكررة (ممكن تزيد بالليل أو مع اللعب عند الاطفال).

صفير وقت التنفس 🫁.

ضيق نفس أو نهجان سريع.

نوم متقطع بسبب الكحة.

🔥 أسباب زيادة الحساسية في الصيف:

1. الحرارة والرطوبة العالية ➡️ بتخلي الشعب الهوائية أكثر حساسية وانقباض.

2. الأتربة والغبار اللي بتتنقل مع المراوح، أو لما الشبابيك تتفتح فجأة.

3. التكييفات: بسبب فرق الحرارة المفاجئ بين الداخل والخارج + تراكم العفن والفطريات جوه الفلتر.

4. السباحة 🏊‍♂️: الكلور الموجود في حمامات السباحة من أقوى المهيجات للشعب الهوائية.

5. الروائح النفاذة: عطور، بخور، مبيدات حشرية (واللي بتزيد جدًا في الصيف).

6. دخان الشوي والشيشة والسجائر 🚬🔥 خصوصًا في المصايف والرحلات.

7. حبوب اللقاح (Pollen) من بعض الأشجار والنباتات اللي بتزهر في الصيف.

8. وبر الحيوانات الأليفة 🐱🐶 اللي بيزيد انتشارهم في البيوت وقت الإجازة.

9. النشاط البدني الزائد في الجو الحار ➡️ بيزود سرعة التنفس وبالتالي يهيّج الصدر.

10. العفن والفطريات اللي ممكن تنمو في الأماكن الرطبة (زي الحمامات والمطابخ والتكييفات).

💡 الخلاصة:
الصيف مش معناه راحة من الحساسية، بالعكس! هو فصل فيه محفزات كتيرة جدًا.
علشان كده المتابعة مع الدكتور، استخدام البخاخ أو العلاج الموصوف بانتظام، وتجنب المحفزات✅✅

14/08/2026

تعتبر الكحه (السعال) من اكثر أعراض الأمراض الصدرية انتشار

🎤منها الكحه الجافه ومنها المصحوبة ببلغم ومنها الحاده ومنها المزمنه
📢مسببات الكحه كثيره ومن أشهرها حساسيه أو التهاب الأنف والجيوب الانفيه أو التهاب وحساسية الشعب الهوائية أو الرئه ..او ارتجاع المرئ او نتيجه بعض ادويه الضغط او التمدد الشعبي أو أمراض اكثر خطوره كسرطان الرئه أو الدرن الرئوي وغيرها
#نصيحه
📢 اي كحه تستمر لأكثر من أسبوعين يجب التعامل معها باهتمام ومن الأخطاء الشائعة استعمال أدوية الكحه والمضادات الحيويه دون استشارة الطبيب المتخصص لعمل الكشف والفحوصات والاشعه اللازمه لمعرفه السبب الحقيقي للكحه وعلاجه بدلا من علاج عرض الكحه فقط
دمتم سالمين وبصحه وعافيه ❤️❤️
⭕لو عندك اي استفسار او سؤال ممكن تكتبلنا في الكومنتات او تبعتلنا علي رسائل الصفحه ❤️❤️
__________________

31/07/2026

🚬 كل نفس من السيجارة الإلكترونية… ثمنه أكبر مما تتخيل.

لا تدع فكرة أنها “أقل ضررًا” تخدعك، فالسجائر الإلكترونية قد تُسبب أضرارًا خطيرة للرئتين وتؤثر على صحتك مع الوقت.

✔️ احمي رئتيك… واتخذ قرار الإقلاع اليوم، فكل نفس لا تدخنه هو خطوة نحو حياة أكثر صحة.

الخط الساخن للمساعدة على الإقلاع عن التدخين: 105


#هنتغير

27/07/2026