Ahmed kassem

16/08/2026

دقيقة .......لطفلك

الرضاعه .....🤱🤱
👈افضل تغذية للمولود 👶👶الرضاعه الطبيعيه 💪💪💪 فقط اول اربع شهور👍👍 وعلشان نضيف لبن صناعي ليه شروط 🤔🤔😆 اهمها عدم اكتساب الوزن المطلوب

👈👈بنستعمل رضعه او رضعتين من الصناعي بجانب الرضاعه الطبيعيه والافضل نديها قبل النوم علشان الام ترتاح اكبر فتره كافيه
👈👈👈ممنوع الاعشاب لا كبديل للبن او كمضاد للمغص
👈👈👈👈شرب الماء عند ٤شهور والمياه موجوده في اللبن بنسبة ٧٠٪
👈👈👈👈👈الرضاعه حسب الرغبه ولو نام فتره طويله نصحيه يرضع بعد ٣ساعات
👈👈👈👈👈👈نرفع الرأس ٤٥درجة اثناء الرضاعه وبلاش ننيمه بشكل مستوي تجنبا للشرقان
لازم الام ترضع من الثديين 🤱🤱معا في كل رضعه
اهم علامات الشبع : النوم بعد الرضاعه وزيادة الوزن💪💪💪

11/08/2026

دقيقة......لطفلك
ازاي نتغلب علي رفض الطعام🤔🤔

👈ممنوع الاجبار والاطعام بالقسوه 😡بالعكس نحفزه ونكافأه
👈كثرة عدد مرات العرض مع تقليل الكميات ومنع افراد الاسره من اعطائه المال للشراء من السوبرماركت وسط الوجبات
👈اختيار الوقت المناسب لعرض الطعام فلايكون مثلا اثناء لعبه 😏
👈عرض الاكل بطريقة جذابه وياحبذا لو كان الطفل بيحبها مثال: لو بيحب سبايدر مان نقدمله الاكل في طبق علي شكل سبايدر مان 🤺
👈الاطعام وسط الاطفال وفي لمة العيله ييجيب نتيجه رائعه فالاطفال بيقلدو 👨‍👨‍👦‍👦بعضهم وهنا لازم ناخد بالنا ان تغيير الظروف والمكان بيساعدنا كتييير
👈استبعاد الانيميا بعمل تحليل صورة دم كامله
👈استبعاد الديدان وعسر الهضم بعمل تحليل براز كامل
👈علاج اي مرض عضوي او نفسي
👈استبدال الاكلات المرفوضه بمايوازيها من اكلات اخري
👈التنوع في تقديم الاغذيه وتغيير النكهات ومعرفة مايحبه الطفل لاستغلاله فيما يفيده غذائيا وصحيا بأن نقلل كميته فيطلب الطفل المزيد منه فنقدم له اطباق اخري حتي يحصل علي المزيد ممل يحبه
👈ممنوع اي اكلات محفوظه من السوبر ماركت مثل الشيبسي.......الخ 👻👽وايضا اي عصائر معلبه ولازم نخلي بالنا ان ضررها اكتر بكتييييييير من نفعها
👈 لازم نحاول نفهم سبب الرفض فممكن يكون سبب الرفض جذب للانتباه والرغبه في الاحساس بالاهتمام او قد يكون عقاب للوالدين من الطفل لمعرفته ان عدم اكله سيزعجهم
👈لازم نبعد عن الاساليب والطرق الخاطئه في علاج المشكله وايضا الطرق اللي بتؤدي لحدوثها مثل : أ- التشاجر اثناء الطعام امام الاطفال
ب-النقد المستمر كنوع من الحث علي تناول الطعام
ت-نحاول نبعد عن البيت اليأس والحزن والغضب والاحساس بالوحده وتقييد الحريه
ث- ممنوع القلق المفرط والضبط القاسي فالوسطيه في كل شئ رائعه
👈نصيحه تكتبها كل ام تقرأ البوست ده علشان الكل يستفيد وتشرح ازاي اتغلبت علي مشكلة رفض الطعام؟؟؟

07/08/2026

بلاش ننسي يوميا لاولادنا 🤔🤔
الكلمات المحفزة والتشجيع والثناء
الاحضان والقبلات
تعليم اي شئ في اي شئ حتي لو كان بسيط
الصلاة...... الصلاة..... الصلاة

07/08/2026

06/08/2026

البكاء المتكرر في الرضع

اكتر شكوي بنسمعها ان الرضيع بيعيط والام مش عارفه بيعيط ليه او مش عارفة تتصرف ازاي!!تعالو مع بعض نعرف اسباب البكاء وكيفية التعامل معه ؟؟
اسباب البكاء :
1-الجوع وده علي حسب الطفل راضع امته
والرضعه مشبعه ولا لاه يعني منحسبشي عليه لو مسك
الصدر وسابه طيب ونعرف ازاي انه شبع؟؟
نعرف لما يرضع لحد ماينام مدة لاتقل عن عشر دقايق
رضع من عشر دقايق لنصف ساعه لحد ماشبع ووقف
رضاعه لوحده
رضع الثدي كله وخلصه يبقي ساعتها لو عيط يبقي مش
جعان وندخل علي السبب التاني👇👇👇👇👇
√
2-المغص والانتفاخ وهنلاقي الواد بيفرك وبيحتل ووشه
بيدي الوان الطيف كلها وممكن نلاقي باطنه منفوخه شويه
وبيخرج ريح كتير واللي يهمنا انه يكون مغص طبيعي
نتيجة بلع هواء اثناء الرضاعه مش مغص مرضي زي اللي
بيحصل من حساسية اللبن او نقص اللاكتوز او......الخ اللي
هنتكلم عنهم بالتفاصيل في مقالات قادمة ان شاء الله🙏
المهم نعالجه ازاااااي؟؟🤔🤔🤔
👻👻 اهم حاجه تظبيط اوقات الرضعات او تنظيمها
بوضع حد فاصل ١.٥ساعه علي الاقل بين الرضعات وان
عيط في الفترة دي نعمل اي حاجه غير اننا نرضعه لاننا لو
رضعناه الموضوع هيسوء اكتر واكتر .
👻👻 نطبق الطريقة الصحيحة للرضاعه بحيث الطفل
يكون مرفوع زاويه ٤٥ درجه والحلمه في منتصف الفم
ودقنه تكون ملامسة الثدي علشان ميبلعشي هوا كتير
وهوه بيرضع
👻👻التكريع وسط الرضعه واخرها وان لم يتكرع نسيبه
من ربع لنصف ساعه ونحاول نكرعه ولم متكرعشي نسيبه
في حاله
👻👻 النوم علي الجانبين ويكون الجسم بالراس مرفوع
45درجه علشان يكون ضغط البطن للاسف علي رجليه
فينام مستريح او ننيمه ع بطنه بعد الرضاعه من ربع لنصف
ساعه بشرط نكون جنبه وواخدين بالنا منه ونبعد اي حاجه
حواليه ونعدله قبل مانسيبه ونقوم.
👻👻 الحركه الدائريه حول السره مع تمارين للعجله اللي
بنيم الطفل علي ظهره ونحرك رجليه كلها كأنه بيسوق
عجله وكمان ممكن نثبت الرجل بالفخد ناحية البطن ده
بيساعد علي خروج الغازات وبيقلل من الانتفاخ
٣-👻👻متضايق من حاجه سواء كان جو حار او بارد او
عامل كاكا في البامبرز ومضايقه وعايز يتغير او من لبسه
او عايزه يستحمي ....الخ
👻👻 نفحص ايديه ورجليه لو فيه شعره من الام لفه ع
صباع ولا حاجه لازم ناخد بالنا كويس ونفحص جسمه لو
فيه حاجه مضايقاه لبس خشن حراره حاجه قرصاه ايا كان
نفحصه كويس بعنينا
٤- 👻👻عايز يتشال وتكلميه وتغنيله وتلعبيه وفي الشيل
خلي بالك لازم الراس والطهر تكون ايدك سنداهم كويس
٥- 👻👻 مشكله مرضيه ودي غالبا مبتحصلشي اول
شهرين لان الطفل بيكون واخد مناعه من امه وبيكون
معاها اعراض تانيه زي الاسهال، ترجيع ،سخونيه، امساك رافض
للرضاعة....... الخ .
طيب الخلاصة ايه؟؟
لما النونو يعيط لو جعان نرضعه !! 🤔ولو لسه راضع
وبيفرك ويجيب رجليه علي بطنه ووشه بيدي الوان الطيف
يبقي مغص ونديه دواء المغص ونعمل الخطوات اللي
ذكرناها!! طيب لسه بيعيط🤔🤔 نشيله ونلاعبه ونغنيله!!
!طيب لسه بيعيط 🤔🤔نشوف ايه اللي مضايقه نبص ع
البامبرز وعلي صوابعه ونشوف مضايق مثلا من الحر او
البرد او عايز يستحمي او يغير لبسه!!طيب لسه
بيعط🤔🤔 !!نعمله مساج لجسمه وندلكه!!! طيب لسه
بيعيط 🤔🤔!!نديله سيتال نقط مرة ولا تكرر ونتابع!!!طيب لسه بيعيط🤔🤔 يبقي نفحصه.
# #ربنا يعافي أولادنا كلنا ان شاء الله.
# # يارب العيال كلها تقلل في العياط علشان نخفف علي الامهات

#احمد قاسم

05/08/2026

أم نيازي وفيروس أ الكبدي الوبائي

ام نيازي ( وداخله تجري علي السكرتيره ): الحقوني بسرعة البت هتموت مني البت هتموت استرها يارب استرها يااااارب
وطبعا دخلت علي طول بدون دور بعد ماكل اللي كانو في العيادة هيعيطو علي البنوته الصغيره
أم نيازي وهيه بتبكي :الحقني يادكتور احمد يسترك ربنا البت هتموت مني ؟؟
خير بس ياحاجه فيه ايه؟؟اهدي كده وصلي علي النبي واحكيلي فيه ايه؟؟
👈 البت اللي حيلتنا هتموت مني
البنت زي القمر اهيه ياحاجه كل اللي شايفه انها صفرا حبتين.
👈ايوه صفره صح يعني جالها الكبد وهتموت 😭😭 ياحبيبتي يابنتي😭😭😭.
ياحاجه مين اللي قال انها هتموت بس!! ان شاء الله الموضوع يكون بسيط .
👈 بجد يادكتور ؟؟ ربنا يكرمك ياارب قولي البت مالها؟؟
احكيلي انت ياحاجه ايه اللي حصل؟؟؟
👈من اسبوع جالها دور نزله معويه وكانت بتقول لون البول متغير ياتيته وكنت بطنشها والبراز كان ريحته وحشه وطري وكنا فاكرينه من الاسهال واصفرت زي ماانت شايف كده.

تمام تمام كلامك كله ياحاجه بيدل علي وجود التهاب بالكبد
👈التهاب في الكبد ياسنه حوسه 😭😭
ياحاجه ام توازي وحدي الله واهدي
👈اهدي بس ازاي !!!لا اله الا الله
محمد رسول الله .كل الشكوي دي غالبا بتمثل الالتهاب الكبدي الفيروسي أ اللي بيتحسن تقريبا بعد اسبوعين تلاته وكل المطلوب انها ترتاح راحة تامة في البيت وتغذيه وسوايل جيدة.
👈 بس كده؟؟
ان شاء الله بس نطمن بالتحاليل الاول وبعدين اقولك هنعمل ايه

👈تحاليل ليه بس يادكترة طالما عارفين السبب والموضوع بسيط وهتخف متكلفناش انا هخدها وادبحلها دكر بط احسن من التحاليل دي وان شاء الله هتبقي فلة شمعة منوره.
دكر بط ايه 😬😬متتعبنيش ياحاجه ام جوازي بالله عليكي واعملي التحليل ومتفتيش وانتم في البيت واللي هقولك تعمليه تعمليه واللي هقولك تأكليه تأكليه
👈انت عارف الدنيا غاليه وابوها غلبان(ابوها مليونير🤗 ربنا يزيد ويبارك).
ياحاجه والله ماينفع لازم نعمل التحاليل ونتأكد ان الفيروس ده فيروس أ ونطمن .
👈شكلك عايز تكلفنا
حضرتك ده اجباري عليه وعليكي اعملي التحليل وهاتيه علي طول
👈وكمان لازم نعمله النهارده😖
ايوه لازم وبعدين مش دي البت اللي مفيش غيرها
👈علي قولك يلا قومي يابنت.......دا انتي صرفتي بوزنك فلوس قرفتينا وبهدلتينا.
🕵راحت فين الحنيه ياام حجازي والدموع اللي كانت من شويه
👈 يادكتور مااطمنت منك خلاص وبعدين كله نصيب هنعمل ايه يعني نموت نفسنا هعملك التحاليل وامري لله
وراحت ام نيازي تعمل التحليل وكل حالة تدخل تسأل عنها وتقول كانت داخله شيلاها وبتعيط وخارجه بتشتمها وتقرصها وتزعقلها وكل حاله طبعا عايزه تعرف كل حاجه عن فيروس أ وانا اقول منك لله ياام نيازي.
👈ازاي بتتنقل العدوي؟؟🤔🤔
عن طريق الايدي الملوثه او عن طريق الاكل والشراب اللي بيحضره حد مصاب
👈 الطفل هيكون معدي من امته؟؟🤔🤔
اسبوع قبل ظهور المرض و٢-٣اسابيع بعد ظهور الاعراض ونخلي بالنا ان البراز بيكون مصدر لانتشار العدوي غالبا لمدة ٣شهور
👈 ايه العلاج اللي الطفل بياخده؟؟🤔🤔

ولا اي حاجه اتباع التعليمات
ممكن نستخدم منشطات للكبد زي هيباتيكم شراب وساعات بنضيف دواء ابيكوزيم او اورسوجول وطبعا بنعالج الاعراض زي الحراره العاليه

👈 وايه التعليما ت اللي لازم ننفذها؟؟🤔🤔
*الراحه التامه في السرير
* غسل الايدي باستمرار والحفاظ علي النظافة بصفه عامه في المنزل وبصفه خاصة الحمام
* التغذيه الجيده مع التنوع والاكثار من الفاكهه بانواعها
*تقليل اللحوم والبروتينات قدر المستطاع والبعد عن الدهون والمسبكات
* السوائل الجيده من ماء وعصائر و مشروبات دافيه والإكثارمن إعطائه سكريات مثل العسل الأبيض
*: الابتعاد عن تناول الطعام المكشوف والمياه الملوثة
*عدم تناول اللحوم غير المطهية جيدا.
*إعطاء الطفل وجبات متعددة بكميات صغيرة وتكون خالية من الدهون لتتفادى تعرض الكبد لأضرار.
👈 عايزين نعرف كل الاعراض؟؟🤔🤔
حرارة *همدان *ترجيع *دوخه *ارتفاع في درجة الحرارة *بول لونه داكن *براز لونه فاتح *تضخم بالكبد والطحال اللي طبعا بيصاحبه بطن كبيره *تضخم في الخلايا الليمفاويه *حبوب في الجسم *اصفرار العين والجلد
👈 ليه اسباب تانيه غير الفيروس أ؟؟!🤔🤔
طبعا الالتهاب الكبدي ليه اسباب كتيره والالتهاب الفيروسي أ بيمثل غالبا ٢٠-٢٥٪ فقط وباقي الاسباب زي :
*الفيروسات الكبديه B وC وD وE
*الفيروسات الغير كبديه زي فيروس الحصبه measles والحصبه الالماني rubella.....الخ
* سبب بكتيري زي البروسيلا والتيفود
*سبب طفيلي زي مرض القطط توكسوبلازما ،البلهارسيا.....الخ
👈امته اقلق من الالتهاب الكبدي أ؟؟🤔🤔
نقلق لو حصل مضاعفات زي
الفشل الكبدي *استمرار الصفراء غير الطبيعيالتهاب كبدي متكررلو سبب مشكله بالجهاز العصبي مثل متلازمة جوليان باريالتهاب بالبنكرياس *سبب مشكله بالدم زي تكسير الخلايا
👈بنتأكد منه ازاي؟؟🤔🤔
بالتحليل طبعا
* الصفراء بتكون عاليه ع المباشره او الغير مباشره
*انزيمات الكبد بتكون عاليه وللعلم لاتوجد علاقه بين نسبة الصفراء والانزيمات ودرجة خطورة المرض
*بنتأكد بالاجسام المضاده لفيروس أ

👈كيفية الوقاية من الالتهاب الكبدي الوبائي أ؟؟🤔🤔
عن طريق التطعيم اللي بيتاخد عن عمر سنه
وطبعا فيه الاجسام المضاده اللي بتاخد قبل عمر عام وممكن نديها من ٢-٣اسابيع بعد التعرض للعدوي وبتدي مناعه ٦شهور وبتكون مؤثرة ان شاء الله.
ورجعت ام حجازي بالتحليل وطبعا مستاءة جدا بعد مااتاكدنا انه الالتهاب الكبدي أ وشايفه ان التحاليل دي في كانت في الفاضي وبعد تعب ولوم علي التحاليل وبعد ماعرفت كل حاجه وهيه مروحه قالت
انا بكره الصبح رايحه المدرسه اولع فيها باللي فيها تعبو البت وجابو اللي عمرنا مشفناه.
ربنا يعينك(يخربيتك )نورتينا ياأم نيازي

ربنا يسترها علي البنوته🙏🙏
ام نيازي ستايل...........😂😂

04/08/2026

دقيقة......لطفلك
كله بيسأل هنأكل النونو امته؟؟🤔🤔🤔
وايه؟!🤔🤔
نركز سوا
لو مفيش حساسية البان او مشكله بالمولود هنأكل عند عمر اربع شهور💁شرط صلب الرأس
هنبتدي بنوع واحد ونزوده تدريجي خلال اسبوع ونضيف نوع جديد الاسبوع التالي واللي يرفضه نسيبه فتره ونرجع نعرضه تاني✌
الاكل المسموح به
👈٤-٦شهور (مسلوق او مهروس) بطاطس ،جزر،تفاح،كمثري،موز،كوسه،بسله، سيريلاك قمح او ارز بدون لبن
👈٦-٨شهور هنضيف للي فات زبادي قليل الدسم حتي ٧شهور وكامل الدسم بعد كده ،صفار بيض ،خضار مسلوق او مهروس،بطاطا مسلوقه او مشويه وسيريلاك مرحله تانيه و الشوفان
👈٨-١٠شهور هنضيف ظهر سمك ،فراخ او لحمه منزوعة الجلد والدهن مضروبه بالخلاط،كبده مسلوقه
👈١٠-١٢شهر ممكن ندي اكل صلب الي حد ما وبعد سنه نأكل كل حاجه
من عمر عام ممكن نشرب لبن جاموسي ويفضل اللبن البقري بعد عامين، بياض بيض،عسل
ممنوع 👊👊 الملح والسكر في العام الاول
👊👊 العسل والالبان الحيوانيه بالعام الاول
👊👊اي اكل صلب قبل ١٠شهور او اي طعام قبل عمر اربع شهور
😍😍عايزك تبتدعي في اكل اولادك وتنوعلهم وتعرضي بطرق جذابه واستغلال اللي يحبوه في اكل اللي يرفضوه
تحيه لكل ام تعبت وبتتعب وهتتعب علشان الاولاد😘دمتم لنا سالمين باذن رب العالمين

03/08/2026

في الهدوء الذي يسبق العاصفة.... 🙏🙏 ..
واليوم لطيف وجميل وكله مبسوط ورايق واجمل مصاصات لأجمل أطفال في الدنيا كلها وفجأة وبدون مقدمات حد ضرب كرسي في الكلوب 😢😢
يادكتور.... يادكتور..... الحقنا يادكضور....
الصوت تقريبا جاي من اول الشارع وانا سامعه جوه وبكدب نفسي الصوت ده انا عارفه وجوايا بيقول ويدعي ياااااااااارب خيب ظني يارب
وفجأه الباب اتفتح (حسيته اتكسر 😔) وللأسف طلع اللي في بالي 😩😩😭😭
ام نيازي ☹️☹️
ام نيازي تاااااني (مين فاكرها؟؟ 🤔)
إلحق الواد ياضكتور كل مايقوم يقع ومش موزون خالص
ابص للواد الاقيه زي الفل ماشاء الله تبارك الله مش عايز غير يخس مرتين تلاته بس 👌

كشفت علي الولد كشف سريع واتطمنت انه كويس وطمنتها وقولتلها نطلع نستني الدور
وهنا كانت القاضيه
ام نيازي : يادكتور بقالي كتير مسافره ورحماك مني كنت في السعوديه ودعيالك شوف الوله والنبي
🧑‍⚕️ : استأذنت اللي بره والناس كانت محترمه جدا جدا جدا وده لحسن حظهم انهم هيخلصو منها ☺️
ايه المشكله ياحاجه؟؟
ام نيازي :
الواد كان زي الحمار وجاله برد وشوية حرارة والصيدلية ادتنا بروفين وكان بقي تمام
النهارده بيقول دايخ والدنيا بتلف بيه وكل ما يقوم يقع طمنا الله يكرمك ماله؟؟
🧑‍⚕️ المسئول عن التوازن غالبا مابيكون
👈 المخ🔥
👈 الأذن🔥
👈 العيون🔥
وبناء على الفحص الطبي والتاريخ المرضي ابنكم عنده التهاب أذن وسطي وده السبب بإذن الله تعالى

ام نيازي : أذن ايه ياضكتور اللي تعمل كده بقولك بيدوخ ويقع شكل دماغه فيها حاجه؟ شكل الواد العجل ابن الجيران ضربه ع دماغه او شربوه حاجه والله ما سيباهم 😡
🧑‍⚕️ ان شاء الله لا شارب (💊 No drugs🔥 ) ولا مضروب( no trauma🔥 ) وسيبي جيرانك في حالهم ربنا يصبرهم عليكي يارب
ابنكم ودانه جايبه صديد اهه شايفاه؟؟
ام نيازي : ده شمع يادكتور صديد ايه ده؟
🧑‍⚕️ ده صديد من الالتهاب وفيه كمان خرم في الطبله منه
ابنكم بيشتكي من أمته من ودانه؟؟
ام نيازي : من شهر وكنا فاكرينه بيدلع وغليت زيت وحطيته في ودانه
🧑‍⚕️👊😡( سكت الصراحه)
ام نيازي : يبقي الصيدليه السبب وعلاجهم البايظ
😔🧑‍⚕️ لاه مش الدوا السبب
ده بسبب البرد غالبا
🪂 ع قد ما البرد بيخف لوحده خلال اايام ومش بيحتاج غير راحه وسوائل ع قد ما ممكن يسبب نزله شعبيه، التهاب رئوي، التهاب أذن وسطي...... الخ🪂 وحاجات كتيره
علشان كده لو البرد طول او ظهور أغراض مرضيه جديده غير الرشح والدفيان لازم فحص نطمن
...
إلتهاب الأذن الوسطي من أشهر المشاكل اللي بتقابلنا في الاطفال خاصة الرضع وبييجي في أشكال كتيره :
االرضع: بكاء بدون سبب، رفض الرضاعه، حرارة، افرازات من الأذن.....
وممكن ييجي في الاطفال والكبار بصداع، دوخه ، عدم اتزان....... الخ
ولازم نعالجه علشان نخلص من كل المشاكل دي

ام نيازي : يعني هيتعالج؟؟
🧑‍⚕️ ان شاء الله يتعالج وكل الأمور تكون تمام
وعلاجه حسب درجة الالتهاب والأعراض والعمر وده بيحدده الدكتور المعالج بإذن الله تعالى
ام نيازي : طمنتني قوم ياابن....... خضتني
( وخبطته كف ع راسه جابته أرض أرض🙆 وبعد الكف ده بدأت في تشخيصي والواد بسبب ضربها جاله ارتجاج 😂)
انا كنت شاكه برضه في ودانه بس قولت اطمن واهو انفعك بقالي كتييييييير غايبه عنك
🧑‍⚕️ ياربي انا عملت ايه غلط النهارده 🤔
ام نيازي : بتقول ايه ياضكتور
🧑‍⚕️ بقول نورتينا وسلامة حفيدك الف سلامه ومشت في سلام الحمد لله وربنا يسترها يااارب في الاعادة ..... ولسه مكملين😘❤️

03/08/2026

ام نيازي رجعت تاني 😭😭😢😢
باين عليه الفرحه ولا ابينها اكتر 😥😥
بوست الليلة بإذن الله تعالى...... ام نيازي وتوازن الاطفال 😔