DR- AMANY HAKIM

DR- AMANY HAKIM Public figureشخصية عامة
Doctor of Psychological Health and Human Development👩🏻‍⚕️🤍
General Manager Plus Academy Group 🏰♥️

الفيدباك الحقيقي بيبان في فرق الحالة قبل وبعد 😉🫰“شرح طرق المذاكرة وعلاج القلق والتوتر”وصلنا كمّ رسائل طاقة إيجابية تفرّح...
31/05/2026

الفيدباك الحقيقي بيبان في فرق الحالة قبل وبعد 😉🫰
“شرح طرق المذاكرة وعلاج القلق والتوتر”
وصلنا كمّ رسائل طاقة إيجابية تفرّح القلب فعلًا ❤️
بفضل ربنا قدرنا نوصل بطريقة بسيطة، مريحة، ومؤثرة جدًا🍁🤎
شكرًا لكل الي حضر وشاركنا رأيه الجميل نعتز بكم🖇️🩶
راحتكم النفسية ونجاحكم أهم حاجة عندنا 🤍
سعداء جدًا بكل الفيدباك الجميل لم ننسي الباقون❤️
دائما مع بعض أقوي💥
برعاية وتنفيذ المتحدث..
#د/ ♥️
🇾🇪
🤍

العيد السنة دي جاي على ناس كتير وهي تعبانة…ناس بتضحك في الصور، بس ورا الضحكة فيه ضغط…مصاريف، ديون، شغل مش مكفي، بيت محتا...
27/05/2026

العيد السنة دي جاي على ناس كتير وهي تعبانة…

ناس بتضحك في الصور، بس ورا الضحكة فيه ضغط…مصاريف، ديون، شغل مش مكفي، بيت محتاج، عيال مستنية فرحة، وأب أو أم بيحاولوا يعملوا المستحيل عشان اليوم يعدي من غير ما حد يحس إن الدنيا ضاقت عليهم.

في مصر، العيد بقى عند ناس كتير مش مجرد خروجة ولبس جديد. بقى اختبار نفسي صعب. إزاي تفرّح اللي حواليك وإنت نفسك محتاج حد يطمنك؟ إزاي تضحك في وش الناس وإنت دماغك شغالة على الفلوس والإيجار والمدرسة والأكل وبكرة؟

وعشان كده لو العيد جه عليك وإنت مش في أحسن حال، فده مش معناه إنك فاشل. الظروف فعلًا صعبة، والضغط حقيقي، ومش كل الناس عندها نفس البداية ولا نفس الدعم ولا نفس القدرة إنها تتظاهر إن كل حاجة تمام.

بس وسط كل ده، خليك فاكر حاجة واحدة: إنك لسه بتحاول. ولسه واقف. ولسه شايل مسؤولية. ولسه بتدور على باب. وده في حد ذاته مش قليل.

العيد مش لازم يبقى مثالي عشان يبقى عيد. ساعات مكالمة حلوة، قعدة بسيطة، كلمة طيبة، أو إنك تطبطب على حد تعبان زيك… تبقى هي الفرحة الحقيقية.

كل سنة والناس اللي شايلة فوق طاقتها طيبة…
كل سنة واللي بيحاولوا يفرّحوا غيرهم رغم إنهم محتاجين يفرحوا طيبين.
وربنا يجعل اللي جاي أخف وأوسع وأكرم من اللي فات…

أكبر غلطة ممكن تعملها في حق نفسك إنك تتهاون في كرامتك وتسكت على اللي يكسرك بحجة إنك بتحافظ على الناس أو عايز الدنيا تمشي...
20/05/2026

أكبر غلطة ممكن تعملها في حق نفسك إنك تتهاون في كرامتك وتسكت على اللي يكسرك بحجة إنك بتحافظ على الناس أو عايز الدنيا تمشي .. لأن أغلب البشر لما يشوفوك مستحمل فوق طاقتك مش هيقدّروا تعبك ، بالعكس هيزودوا عليك أكتر .

اللي تسامحه كل مرة من غير حدود هيكرر غلطه ، واللي تتنازل قدامه مرة هيفتكر إن التنازل دا حق مكتسب ليه ، ومع الوقت هيعاملوك على قد ما أنت سامح لنفسك تتعامل .

علشان كدا خليك واضح في حدودك ، وعِز نفسك بنفسك ، وحافظ على كرامتك قبل أي شغل وقبل أي علاقة وقبل أي مصلحة ..
لأن اللي بيرخص نفسه للناس ، الناس عمرها ما هتغليه💌

📌في ناس ممكن تلاقي منها عداوة من غير أي سبب واضح، لا إساءة حصلت ولا موقف يستاهل…بس الحقيقة إن النوع ده من العداوة غالبًا...
14/05/2026

📌في ناس ممكن تلاقي منها عداوة من غير أي سبب واضح، لا إساءة حصلت ولا موقف يستاهل…

بس الحقيقة إن النوع ده من العداوة غالبًا مش بيكون له علاقة بيك أنت، قد ما هو راجع للي جوا الشخص نفسه… حقد، حسد، أو ضيق من النعم اللي شايفها عند غيره…

فمش كل كره تقابله لازم تدور له على مبرر عندك، أحيانًا المبرر بيكون موجود في قلب اللي قدامك مش في أفعالك.

نسأل الله السلامة من شرور النفوس، وأن يرزقنا قلوبًا نقية لا تحمل غلًّا ولا حقدًا، ويعافينا وإياكم من الحسد وشره .❤️

نعمة كبيرة لما ربنا يرزقك حسن التصرف .. كل حسن تصرف هو توفيق من الله عز وجل .. وكل توفيق هو فضل من ربنا .. وفوق كل فضل ه...
07/05/2026

نعمة كبيرة لما ربنا يرزقك حسن التصرف .. كل حسن تصرف هو توفيق من الله عز وجل .. وكل توفيق هو فضل من ربنا .. وفوق كل فضل هو إدراكك إن حسن تصرفك من الله بدون حول لك ولا قوة.. لكن لو سهيت أو انشغلت تنسب الفضل لصاحبه فأنت في وهم وغفلة .. قررت تعيش ضيق الأفق قليل البصيرة في عالم متسع .. !!

التوفيق كله من الله.. وسره بسيط تشتغل بالمتاح فتتوفق بكرمه فيفتح لك كل الأبواب المقفولة .. ولو وقفت شغل و بدأت تكبر على قلة المتاح يتحجب المتاح ومفيش باب وراه يتفتح وتدخل نفق مظلم بإيدك .. !!

وإياك تنسى إن من شرط التوفيق أنك تتوفق كل مرة.. الحياة محطات محطة منح ومحطة منع.. والمنع عطاء لو فطنت .. !!
الحمد لله

يا صديقي إذا أردت التوقف عن القلق والبدء بالحياة…ابدأ بقاعدة بسيطة جدًا: عدِّد نعمك… مش متاعبك.لأنك كل ما تركّز على اللي...
30/04/2026

يا صديقي إذا أردت التوقف عن القلق والبدء بالحياة…
ابدأ بقاعدة بسيطة جدًا: عدِّد نعمك… مش متاعبك.

لأنك كل ما تركّز على اللي ناقص… هتحس إنك محروم، حتى لو عندك كتير… وكل ما تبص للي معاك… هتكتشف إنك أغنى مما كنت فاكر.

في ناس عندها صحة وبتشتكي… وناس تانية تتمنى بس تقوم من سريرها… في ناس عندها أهل وبتتذمر…
وغيرهم نفسه يسمع صوت حد بيطمن عليه…

الموضوع مش إن حياتك كاملة… لكن إنك شايف الجانب اللي فيها نور.

عود نفسك كل يوم تسأل: “إيه الحاجات الحلوة اللي عندي؟”
حتى لو صغيرة… ابتسامة، راحة، ستر، حد بيحبك، أو حتى يوم عادي من غير مشاكل…

هتتفاجئ إن البسيط ده هو اللي بيصنع السلام جواك.
القلق بيكبر لما تديه مساحة… والراحة بتكبر لما تديها انتباهك.

مش معنى إن عندك نعم إنك مش هتزعل أو تتعب…
بس معناه إنك هتعرف توازن… وما تخليش هم واحد ينسيك كل النعم اللي عندك.

الحياة مش محتاجة تتغيّر كلها عشان ترتاح… محتاجة بس زاوية نظرك تتغيّر.

وفي الآخر…
الرضا مش إن كل حاجة تبقى مثالية… الرضا إنك شايف نعم ربنا وسط أي حاجة.

عدِّد نعمك… هتلاقي قلبك بيهدى لوحده 🤍🤍

أخشى أن ينقضي عمري في مطاردة إنجازاتٍ يراها الناس عظيمة،وهي عند الله لا وزن لها… مجرد أرقامٍ وصورٍ بلا روح.اللهم لا تجعل...
22/04/2026

أخشى أن ينقضي عمري في مطاردة إنجازاتٍ يراها الناس عظيمة،
وهي عند الله لا وزن لها… مجرد أرقامٍ وصورٍ بلا روح.

اللهم لا تجعل سعيي هباءً، ولا عملي رياءً،
وارزقني إخلاصًا يطهّر النية، وبصيرةً تهديني الطريق،
حتى يكون كل ما أفعله خالصًا لوجهك،
مقبولًا عندك، مباركًا في أثره قبل أن يُمدَح بين الناس اللهم لا تؤاخذني بما يقولون واعف عني مالا يعلمون واجعلني خيرا مما يظنون..🩵

إنت بسيط ومتواضع في نظر ناس ورخم ومغرور في نظر ناس تانية، جدع ومُضحّي في نظر ناس وأناني وما بتحبّش غير نفسك في نظر ناس ت...
16/04/2026

إنت بسيط ومتواضع في نظر ناس ورخم ومغرور في نظر ناس تانية، جدع ومُضحّي في نظر ناس وأناني وما بتحبّش غير نفسك في نظر ناس تانية، وإنتَ أصلا نفس الشخص! بس القصة كلها في المحبة، العين اللي بتحبك هتشوفك أجمل حد ومَفيش منك حتى لو كُلك عيوب، والعين اللي ما بتحبّكش عُمرها ما هتشوف فيك حاجة حلوة حتى لو عندك كُل الصِفات الجميلة اللي في الدُنيا🩵

في قانون ثابت في الحياة… مفيش حاجة بتعدّي وخلاص.كل حاجة بتتسجل… وبتترد.اللي بتعمله النهاردة—خير أو شر—هيرجعلك في وقت يمك...
09/04/2026

في قانون ثابت في الحياة… مفيش حاجة بتعدّي وخلاص.
كل حاجة بتتسجل… وبتترد.

اللي بتعمله النهاردة—خير أو شر—هيرجعلك في وقت يمكن ما تتوقعوش، وبطريقة يمكن ما تخطرش على بالك.
صدقة بسيطة؟ ممكن ترجعلك عافية.
وقفة جنب حد غريب؟ تلاقي اللي يقف جنبك وانت محتاج.
كلمة طيبة؟ تتحول لستر في وقت كان ممكن تتفضح فيه.

ونفس الحكاية في الأذى…
الوجع اللي بتسببه لغيرك، بيلف ويرجع… مش لازم بنفس الشكل، بس بنفس الإحساس.

الدنيا مش عشوائية…
في ميزان شغال بدقة، حتى لو إحنا مش شايفينه.

فاللي تزرعه… هتحصده.
مش دلوقتي؟ عادي… بس أكيد في يوم من الأيام❤️‍🩹🤍

‏كل يوم أذكِّر نفسي بأنَّ قدري كانَ قبل أن أكونَ أنا،وأنَّه سيجري عليَّ مهما حاولت،سيجري رضيت أو سخطتأذكِّر نفسي أنَّ رز...
04/04/2026

‏كل يوم أذكِّر نفسي بأنَّ قدري كانَ قبل أن أكونَ أنا،
وأنَّه سيجري عليَّ مهما حاولت،
سيجري رضيت أو سخطت
أذكِّر نفسي أنَّ رزقي سيأتيني ولو وقفَ العالم أمامي فيه
وما ليس رزقي لن يأتيني مهما حاربت عليه.
وأنَّ الزمن من خلق الله
فيقدِّم لنا نصيبنا بمشيئته، ويؤخره عنَّا بحوله وقوَّته💡🤍

Address

#كفرالشيخ_المستشفي_العام_أمام_باب_الإدارة Https://maps. Google. Com/?q=31. 117632, 30. 942957
Kafr El Sheikh
11763

Website

Alerts

Be the first to know and let us send you an email when DR- AMANY HAKIM posts news and promotions. Your email address will not be used for any other purpose, and you can unsubscribe at any time.

Shortcuts

Share

Category