24/08/2026
ممكن سكر الدم عندك طبيعي… والمشكلة لسه موجودة! ⚠️
"إزاي يعني؟ أنا قست السكر صايم وفاطر والنتيجة ممتازة!" 🤔
لكن هل قراءة السكر الطبيعية معناها إن جسمك بيتعامل مع الإنسولين بكفاءة؟ . . مش بالضرورة
📌 إيه اللي ممكن يحصل؟
في مقاومة الإنسولين، خلايا الجسم بتستجيب للإنسولين بشكل أقل كفاءة.
في البداية، الجسم ممكن يعوّض ده بزيادة إفراز الإنسولين من البنكرياس، وبالتالي يفضل مستوى السكر في الدم طبيعي لفترة من الوقت
يعني ببساطة:
السكر طبيعي ✅
لكن مقاومة الإنسولين ممكن تكون موجودة ⚠️
ومع استمرار المشكلة، البنكرياس بيفقد قدرته على التعويض بشكل كافٍ، وهنا يبدأ مستوى السكر في الارتفاع، والحالة بتتطور بعد كدا لمقدمات السكري أو السكري من النوع الثاني.
🚩 طيب امته تحتاج تطمن علي نفسك كل فترة ؟
لو عندك عوامل خطر زي:
• زيادة الوزن أو السمنة، خصوصًا دهون البطن
• تاريخ عائلي للإصابة بالسكري
• قلة النشاط البدني
• ارتفاع ضغط الدم أو اضطراب الدهون
• تاريخ سابق لارتفاع السكر
دايماً الاكتشاف المبكر بيصنع فرق كبير . . . دمتم بخير وصحة ❤️
#السكري #سكر #صحة
