05/08/2026
#الدعامه بتشكني يا دكتور
أنا خايف أنام علي جمبي الشمال #الدعامه تتطبق
يا دكتور هو أنا كدا بقيت مريض قلب و خلاص حياتي انتهت🥺
أسئله كتير و مفاهيم خطأ كتير‼️ عند الناس محتاجين نوضحها
👨⚕️أول حاجه لازم نبقى عارفينها إن #الدعامه دي لا بتتحرك ولا بتشك ولا بتوجع
👨⚕️ #الدعامه دي عباره عن معدن و متطبقه علي بالون 🎈أول ما أنفخ البالون المعدن ده يتمدد و ياخد القطر الداخلي بتاع الشريان وتبقي جزء من جدار الشريان اللي بيغطيها بعد كدا و بعد ما نفخت البالون بثانيه خلاص لا يمكن تتحرك الدعامه من مكانها إطلاقا 🤚
👨⚕️كمان لازم نعرف ان الشرايين بتاعه القلب من جوا مفيهاش أعصاب فمش ممكن تشكك أو توجعك أو تحس بيها خالص يعني كح و اعطس و اضحك و اعمل كل حاجه متخافش و نام ع الجمب اللي يريحك متقلقش #الدعامه مش هتتطبق ولا حاجه غريبه الجسم هيلفظها ❌
👨⚕️ كل مريض دخل أوضه القسطره و ركب #دعامه 🧬 لازم يبقي فاهم حاجات كتير
👨⚕️احنا عارفين ان احنا بنعمل #الدعامات و #القسطره من الايد في الرسغ أو من الرجل في الفخذ و مكان دخول القسطره ده شيء طبيعي جدا إنه نقطه دم تهرب تحت الجلد و خاصه احنا بنبقى واخدين أدويه سيوله🩸 فلما تلاقي مكان القسطره فيه زرقان في الجلد أو تحت الجلد منتشر دي حاجه طبيعيه جدا و متوقعه
و لما تبقي عامل القسطره من الفخذ و تلاقي مكان دخول القسطره ندبه في حجم الزتونه 🫒 و تحسها بايدك توجعك مش معناه ابدا ان القسطره عملت لك حاجه غلط ده شيء طبيعي جدا و اسبوع 10 ايام و هتختفي
طيب أنا ركبت #دعامه🧬 هعيش إزاي❓ و هاكل و اشرب ايه❓ و مجهودي هيبقى عامل ازاي🤔
👨⚕️الحقيقه هنا لازم نفرق بين مجموعتين ✌️
#لأولى اللي ركبوا دعامه نتيجه آلام #ذبحه صدريه
و المجموعه #التانيه اللي ركبوا دعامه بعد #جلطه حاده❤️🩹
و خلينا في البوست ده نبدأ بالمجموعه الأولى و دول ناس عندهم آلام #ذبحه صدريه و بياخدوا العلاج 💊و بعدين الدكتور المعالج قرر ان الأفضل نركب دعامه🧬 دول محصلهمش جلطه
يقدر ياكل و يشرب امتى❓
بعد ما يخرج ب 10 دقايق كقاعده عامه ما لم يقرر الطبيب المعالج غير ذلك
يتحرك عادي❓ آه يقدر يعني أروح شغلي امتى ❓
لو شغلك مكتبي بعد 48 ساعه لو شغل عضلي يبقى استريح اسبوع عشان رجلك متوجعكش مش عشان القلب
حتي العلاقات الزوجيه تقدر تمارس حياتك بصورة طبيعيه بعد اسبوع
#الدعامه اذا اتركبت في عضله سليمه🫀 بتخليك أكثر قدرة علي بذل مجهود و نمط حياه افضل من قبل الدعامه🤌 بس مش معنى كدا انك تقول هو كان شريان واحد و اتحط فيه الدعامه و اتوسع و تعمل ما بدالك❌
انت طالما ركبت دعامه 🫵 يعني شرايينك عرضه أكتر من أي حد لتكوين تضيقات تحتاج لدعامات⚠️
يعني اللي كنت بتعمله زمان و وصلك لتركيب دعامه متعملوش دلوقتي
🚫و أول حاجه لابد الاقلاع عن #التدخين دائما و أبد و فورا بعد تركيب الدعامه الكلام ده مفهوش فصال اصل انا هقلل طب هاخد نفسين و ارميها ده كلام معناه انك مش مدرك خطورة الموقف اللي كنت فيه ☠️
🚫تاني حاجه #السكر أكبر خطر بيأثر على شراين القلب و يهدد حياتك ☠️لازم تعمل تحاليلك بصفه دوريه و تتابع مع الدكتور حتي لو مش بتشتكي من أي أعراض
🚫كمان #الكوليسترول لازم يعالج و باهتمام و تعمل تحاليلك🔬 عشان تحدد مستوي الكوليسترول 🧑🔬 و تبتدي تاخد العلاج لحد ما توصل لمستوى مع صحتي العامه كشخص سبق و ركب دعامه💯
🚫 #الضغط كمان زي #السكر لازم تحافظ عليه في مستوي طبيعي✅ و تاخد علاجه مدي الحياه مش بمجرد ما يتظبط توقف علاج❌
و أهم حاجه لازم تتعود انك تمارس أي نوع #رياضه فورا تالت يوم رابع يوم ابدأ علطول و زود تدريجي🤏 لحد ما توصل انك تمشي 3 كيلو في تلت ساعه و تعمل كدا 3 مرات في الاسبوع👌
انت لما هتعمل رياضه هتوسع الشرايين التاجيه و كمان هتخلي فيه تخليق شرايين جديده دقيقه بين الشريان المصاب و السليم♻️ و تكمل الشبكه من تحت و دي حاجه مفيده جدا جدا💯
#الرياضه هتقلل #الوزن ✅هتقلل #الضغط ✅هتظبط #السكر ✅هتحرق #الكوليسترول✅
دايما بقولها لكل مريض أيوة فرصه انك تغير نمط حياتك تعيد ترتيب اولولياتك و تسأل نفسك🤔
هو أنا كنت بتوتر و اتعصب على حاجات متستاهلش 🤷♂️هو أنا كنت قلقان ع الرزق اكتر من اللازم 🙇هو انا بشتغل كتير و مباكلش كويس🤔 انا باخد ورديات كتير و مبنامش كويس🙆 إعاده ترتيب نمط حياتك مهم جدا و هيخليك تكمل حياتك بنشاط أكبر💪 و سعاده أكتر 😍
🤲
✋متستناش لحظات الخطر 🚨 و اطمن على 💝 في مركز دكتور أحمد يوسف استشاري أمراض القلب و قسطرة الشرايين التاجية 🧑⚕️بأحدث الاجهزة و الامكانيات للكشف المبكر عن أمراض القلب و اللي بيساعد في نجاح العلاج بنسبة كبيرة وبيقلل من خطر المضاعفات👌
🔰 رسم قلب✅
🔰 رسم قلب بالمجهود✅
🔰 موجات صوتيه علي القلب ( ECHO )✅
🔰قسطره تشخيصيه وعلاجيه✅
🔰 جهاز رسم القلب المستمر ( HOTLER )✅
🔰 جهاز ضغط الدم المستمر ( AmbulatoryBP )✅
باشراف #الدكتور 🧑⚕️
💚د .دكتوراه و استشاري أمراض القلب و قسطرة الشرايين التاجية
💚عضو الجمعية الامريكيه و الاوروبيه لأمراض القلب
👈 للحجز و الاستعلام 👇👇
📲 01550842166
☎️ 0453682100
🤝شرفونا بالزياره في 👇👇
📌 - ش التحرير - بجوار 👌
POWERED BY TREND Marketing Solutions ™️
