04/08/2022
بمناسبه الاسعار اللى رفعت
طبعا احنا فى ظروف اقتصاديه صعبه مش على مصر بس عالعالم كله
احنا ياجماعه نفسنا الحاجه تبقى رخيصه بس ده مش بايدينا والله
نقطه تانى الصيدليه فيها اصناف دوا بالذات سعرها اترفع تلات مرات واربع مرات
فوارد جدا انك تجيلى تلاقى نفس الحاجه بكذا سعر
السعر ده من الدوله مش منا احنا
عشان حصل موقف ان حد اشترى دوا بالسعر القديم من عندنا وكان سائل عليه فى صيدليه برا فكان قايله على السعر الجديد فهو كدا افتكر انهم بيضحكو عليه مثلا واحنا فهمناه النقطه ديه
وطبعا اكيد حصل العكس معانا
الصيدليات مش هى اللى بتسعر الدوا واحنا مظلومين فى النص بسبب حاجه زى دى
احنا نتمنى السعر يكون رخيص ونتمنى ان الدوا مايكونش عبئ على حد
وبنتمنى ان المريض حتى ياخد جرعته الكامله
بس للاسف مش بإيدينا حاجه
ربنا يقيكم شر الامراض ويرزق كل محتاج
