عيادة تغذية الأطفال والرضاعة الطبيعية - دكتورة رقية عبدالعزيز شحات

27/03/2026

هل الشفاط بديل عن الرضاعه المباشرة ؟ لاااا

🚫هل الشفاط بينزل كل لبن الثدي ؟ لا

🚫هل الشفاط مقياس لكمية اللبن اللي في الثدي ؟ لا

الشفاط مش هوا الحل ❌

امهات كتير أطفالها بيرفضوا الرضاعه الطبيعية بسبب استسهال الببرونة وحدوث التباس الحلمات بتقرر ساعتها انها تشتري شفاط عشان تشفط اللبن وتدبله بالببرونة لبن طبيعي بدل الصناعي وهنا الصدمة الشفاط مش بيطلع غير نقط لبن ولو زودت الوقت مش بيكمل اكتر من ٣٠ ملل ‼️‼️

الرضاعة المباشرة بيحصل فيه تلامس الجلد للجلد وده لوحده يخلي اللبن يتدفق وينزل لوحده لكن الشفاط ده مكنة بدون مشاعر

استخدام الشفاط لوحده مش بينزل اللبن بكثره لازم يصاحبه رضاعه مباشره من الطفل سواء قبل التشفيط او بعده حسب كل حالة

قبل ما تدفعي فلوس كتير في شراء شفاط كهربائي او عادي اسألي الاول هينفع معاكي او لا ✅

احكيلنا تجربتك في الكومنتات عن الشفاط واستخدمتيه ازاي واي استفسار بخصوص الرضاعه الطبيعيه تحت امركم

عيادة تغذية الأطفال والرضاعة الطبيعية - دكتورة رقية عبدالعزيز شحات

د/رقية عبدالعزيز شحات

أخصائي الأطفال وحديثي الولادة

أخصائي تغذية علاجية للأطفال واستشاري رضاعة طبيعية

الأقصر / شارع التلفزيون مركز الشروق الطبي امام خير زمان وصيدلية العزبي 📞 ٠١٠٠١٠٠٣٧١٤@

01/08/2025

سؤال بيتسأل كتييير من الأمهات الجديدة
عندي تششقات في الح**ة والم اثناء الرضاعه واحيانا كتييير دم ⁉️⁉️⁉️⁉️⁉️

والكومنتات معظمها وصف لكريمات مرطبة❌❌❌❌

وتجرب كريم واتنين وعشرة ومفيش نتيجة🤦‍♀️🤦‍♀️🤦‍♀️🤦‍♀️🤦‍♀️

تششقات ح**ة يعني التقام خاطئ يعني الطفل ماسك الح**ة مش الهالة يبقي العلاج هوا انه يمسك صح يمسك الهالة وهتخف التشققات لوحدها بدون اي كريمات وهترضعي بدوووون ألم🧡💛🧡

وده اللي بتتعلميه في عيادة الرضاعة الطبيعية وهوا طريقة الالتقام الصحيح✅✅✅✅

د/رقية عبدالعزيز شحات
أخصائي الأطفال وحديثي الولادة
أخصائي تغذية علاجية أطفال واستشاري دولي رضاعة طبيعية

عيادة تغذية الأطفال والرضاعة الطبيعية - دكتورة رقية عبدالعزيز شحات

الأقصر شارع التلفزيون مركز الشروق الطبي امام خير زمان وصيدليه العزبي

للحجز / ٠١٠٠١٠٠٣٧١٤

23/06/2025

13/06/2025

من حوالي ٧ سنوات ولد عنده ٩سنوات وحيد علي اخوات بنات جاي المستشفي بغيبوبة وبعد السؤال اتضح انه عضه كلب من ٩ شهور واخد جرعتين فقط من مصل الكلب وابوه لقاه كويس ما كملش باقي الجرعات وللاسف طالما ظهرت اعراض السعار ملوش اي علاج خالص في الدنيا لا جوا ولا برا مصر الاب سافر بيه اسيوط علي امل يلاقي علاج هناك وتوفي بعد ايام هناك ربنا يجعله شفيع لوالديه
⛔️اي عضة حيوان لازم مصل الكلب وياخد ٥ جرعات. كاملة
⛔️ لو الحيوان متربي في البيت وواخد كل الامصال واتعضيت منه لازم تاخد المصل برضه
⛔️اي حد اتعض من اي حيوان حتي لو عدي شهور او سنوات لازم ياخد مصل الكلب حالا طالما ما ظهرتش اي اعراض سعار لحد دلوقتي لان السعار ممكن يحصل بعد سنوات من العضة حتي لو هتشتريه علي حسابك لان المستشفي مش هتوافق تديه لعضة قديمة
الا لو الحيوان ده متربي في البيت وعايش لحد دلوقتي تاخدش المصل انما لو الحيوان ده برا البيت لازم لازم تاخد المصل دلوقتي ٥ جرعات حتي لو عدي سنين طالما لسه ما ظهرتش اعراض السعار

29/04/2025

فى حاجة اسمها التربية الجنسية للاطفال .. دي قواعد عامة لو الأم اتبعتها بتفرق جدااااا مع الطفل....
لازم تأهلوا أولادكم إزي يتعملوا مع العالم الخارجي.....
١- الطفل من وهو بيبي الأم بس اللي تغيرله....
٢- التغيير في باب مقفول حتي لو مافيش حد....
٣- ممنوع تغير قدام حد او مكان مفتوح ..
٤- لو الأم مش موجودة الجدة اللي تغير اكبر حد سن فالأصغر والأصغر .. وبردك مكان مقفول ..
٥- من سن سنة ونص الطفل يبداء يشطف نفسة الام تعلمة يشطف نفسة وينظف منطقة العورة ازي ..وتقلل وضع يديها علي منطقة العورة في تنظيف الطفل ..
٦- مرحلة البوتي ترينج لازم باب التوالت يبقي مقفول او مردود عليهم مش تحط البوتي في الرسبشن والاوض غلط جداا
٧- تبداء تقول عيب لما يجي الطفل يرفع هدومة او يغير او يستحمي ولازم يتعود يرد الباب عليه ...
٨- ممنوع التقبيل من الفم منعا باتا الام والاب من الخد فقط او وباقي الافراد من اليد او الجبهه فقط ..
٩- مافيش حاجة اسمها طفل يقعد علي رجل حد ..ولو لازم يقعد يبقي يقعد بالجنب ظهرة للهواء مينفعش يقعد ظهرة في وش اللي قاعد غلي رجله ..
١٠- اول ما الطفل يبداء يتكلم ويدرك هنعيد عليه يوميا من السرة للركبة دي منطقة خاصة بيك انت بس مينفعش حد يشوفها ولا حتي ماما وبابا ..الدكتور بس اللي يشوفها لو انت عيان وماما وبابا يكونوا معاك ..ومينفعش خالص نشوفها عند حد نغمض عنينا عيب نشوف اي حد من السرة للركبة ...
١١- نربي عند الطفل ان لو حد بيرفع هدومة او عاوز يلمس المنطقة دي يقوله لاء عيب بصوت عالي جدا ..ولو مسمعش الكلام نصرخ ونقول عيب لاء لاااااء ونزعق جدا .ونقول بسرعة لأي حد كبير موجود ماما بابا المدرسة الدادا ..
١٣- لو الطفل في حضانة دادة وحدة بس المسؤلة عن دخوله التوالت او تغيرله مش كل يوم دادة شكل ..
١٤- يتنبه غلي الحضانة او المدرسة تأكد عليه من السرة للركبة منطقة خاصة بيا مينفعش حد يشوفها او يلمسها مينفعش حد من اصحابي يدخل معايا التوالت مينفعش الاطفال يعملوا قدام بعض او يلبسوا قدام بعض حتي لو نفس النوع ...
١٥- ممنوع منعا باتا الاخوات يستحموا مع بعض من غير مايوه حتي لو نفس النوع...
١٦-مينفعش اسبهم في البانيو من غير مايوه لو الاب والام هيفضلوا داخلين خارجين علي الطفل ..
١٧- مافيش حاجة اسمها اجبر ابني او بنتي يبوس فلان عشان ضيف اواغصبة ان حد يبوسة قدامي .. السلام اساسا بالايد مافيش حاجة اسمها بوس وبالعافية ...
١٨- طبعا التفريق في المضاجع لازم يبقي للطفل سرير من وهو صغير مينمش مع الاب والام... وطبعا مينفعش اخوات يناموا جنب بعض ..ايان كان عمرهم حتي لو نفس النوع ..ولو كان ضيق الحال ولازم يناموا علي نفس السرير يبقي لكل واحد الغطا الخاص به ...
١٩- اهم نقطة اللي هي الاساس اي ام واب بيجبروا اولادهم علي الطاعة العمياء.. ويجبرهم علي انهم يسمعوا الكلام من غير مايفهموا الاسباب او يضربوهم ويجبروهم علي سماع الكلام ولو اعترض الطفل واتكلم بيزودوا الضرب او العقاب ..مع الاسف انتوا كدا بتسلموا ابنكوا او بنتكوا لاي متحرش بتسلبة كرامته وحريته فبيبقي مباح اي حد يتعدي عليه ومش هيقدر يقاوم ولا حتي يشتكي لانه لو اشتكي هيتعاقب زيادة زي ما عودتوه ..دا غير انه اصلا فاقد الثقة فيكم وفاقد الامان منكم فمش هيجي يحكلكم اتعمل فيه ايه ..ادو مساحة ليهم عشان يعترضوا ويدفعوا عن حقهم ادوا مساحة ليهم امان يشتكوا وتنصفوهم .
تعود الطفل من الصغر بيربي حياء وبيعرف الطفل حقوقة وانه مش مباح لاي حد غريب او قريب او حتي الاب والام وانه كيان ليه حرية الاعتراض ..
ابحثوا عن التربية الجنسية للاطفال هتلاقوا معلومات كتيرة مفيدة بسيطة جدا بس بتفرق جداا في التربية ...
يا رب تكون الرسالة وصلت ...

30/10/2024

مواعيد العمل الشتوية من الشهر القادم باذن الله من الساعه ٤ حتي ٦ مساءا
مواعيد العمل. السبت والاتنين والاربعاء
للحجز / ٠١٠٠١٠٠٣٧١٤

30/10/2024

https://www.facebook.com/reel/ يوم الاحد من كل اسبوع في عيادات ليدي كير
شارع التلفزيون بجوار غبور للسيارات ومركز دكتور هشام الشاعر
412784691865857/

26/04/2024

✔️
⭐️دلوقتي لو عندك اي مشكلة في الرضاعة الطبيعية تقدري تلاقي العلاج عندنا في عيادة د/رقية عبدالعزيز شحات استشاري دولي رضاعة طبيعية. ✨✨✨

🔆مواعيد العمل السبت والاتنين والاربعاء من ٧ ل ٩ مساءا
🔆العنوان / الأقصر مركز الشروق الطبي امام خير زمان وصيدليه العزبي

🔆للحجز /٠١٠٠١٠٠٣٧١٤



✳️✳️✳️✳️✳️✳️✳️✳️✳️

د/رقية عبدالعزيز شحات

أخصائي الاطفال وحديثي الولادة
أخصائي تغذية علاجية للأطفال
استشاري دولي رضاعة طبيعية