ساعة لقلبك د/مريم عبد القادر

ساعة لقلبك د/مريم عبد القادر Contact information, map and directions, contact form, opening hours, services, ratings, photos, videos and announcements from ساعة لقلبك د/مريم عبد القادر, Therapist, شربين, Mansoura.

مستشار أسري وتربوي/معالج نفسي شعوري عميق
مدرب معتمد لممارسي تقنيات الPEAT
مدربة منهج بي يونيك معتمدة
معالج معرفي سلوكى
معالج جدلي سلوكى
اخصائية نفسيه اكلنيكي
اخصائية نفسية مدرسية
دكتوراه فى الصحة النفسية

وحشتونى خالص يا قمرات وجيالكم بخبر جميل جدا بفضل الله تم افتتاح فرع ؟؟فرع اى؟حذّروا فذّروا 🥰🥰ساعة لقلبك جااااية لقمرات د...
22/08/2026

وحشتونى خالص يا قمرات
وجيالكم بخبر جميل جدا
بفضل الله تم افتتاح فرع ؟؟
فرع اى؟

حذّروا فذّروا 🥰🥰

ساعة لقلبك
جااااية لقمرات دمياط

🌟💥🌟💥🌟💥🌟💥
ساعة لقلبك للاستشارات والتدريب
دمياط
شربين
المنصورة
عقباااال ما الاسم يلف مصر كلها
💖💖💖💖💖💖💖💖

اللهم لك كل الحمد والشكر

اللهم استعملنى ولا تستبدلنى

محبتكم من كل قلبى
د/ مريم عبد القادر

خيانه XL الكورس الاول والفريد والوحيد على مستوى العالم الل هيتكلم عن الخيانه من الرجل ومن الست طول الوقت كنت بسمع خيانات...
18/08/2026

خيانه XL
الكورس الاول والفريد والوحيد على مستوى العالم الل هيتكلم عن الخيانه من الرجل ومن الست

طول الوقت كنت بسمع خيانات كتير جدا جدا جدا من الراجل .. لغايه ما جيه الوقت اسمع خيانات كتير من الست

وفي الغالب بيكونوا كانوا ناس بعيدين كل البعد عن الخيانه .. ولكن وقعوا فيها

تفاصيل .. مُلابسات .. علاجات .. وقايات .. حكايات

كل ده واكتر جاي في خبايا الكورس الفريد عشان كده بقول لاول مره

اية الل هيتغير فى حياتى لما ادخل الكورس دا ؟؟

ترتيب افكارك بشكل جديد
تعافي من خيانه من طرفك او من طرف حد تاني
حمايه نفسيه تشتري بيها نفسك تاني
تعيدي تقديرك تستردي ثقتك وتتعافى تماما من الصدمه
هتعيشي حاله حريه عاطفيه
هتفكى ارتباطك بالبني ادمين الل حواليكى
هتحرري قلبك ومشاعرك من الال.م والخ.ذلان والانك.سار والق.هر
هتبقي عارفه ازاى تحطي حدود ذكيه تحميكي انك تتخاني او تقعي في فخ خيانه مره ثانيه
هتبقي فاهمه المخادع من اول نظره

〰️〰️〰️〰️〰️〰️〰️〰️
الحجز والتفاصيل واتساب👇🏻👇🏻
https://wa.me/201069715474

دول العيادة❤️❤️❤️اللهم استعملنى ولا تستبدلنى ساعة لقلبك بتعمل عظمممة بفضل الله
17/08/2026

دول العيادة

❤️❤️❤️
اللهم استعملنى ولا تستبدلنى

ساعة لقلبك بتعمل عظمممة بفضل الله

دى اونلاين من شوية❤️❤️❤️
17/08/2026

دى اونلاين من شوية

❤️❤️❤️

"وان يوما عند ربك كالف سنه مما تعدون"كلنا بلا استثناء بنبقى عايزين لو عملنا تغيير نلاقي النتيجه فورا لو دعينا دعوه نلاقي...
17/08/2026

"وان يوما عند ربك كالف سنه مما تعدون"

كلنا بلا استثناء بنبقى عايزين لو عملنا تغيير نلاقي النتيجه فورا
لو دعينا دعوه نلاقي الاستجابه فورا
لو زرعنا زرعه نلاقي الثمره فورا
لو ذاكرنا حاجه نلاقي نفسنا حفظناها فورا
لو بنراجع قران نلاقيه يثبت فورا
ف الل هو مبدا الاستعجال

" ان الانسان كان عجولا " اتوصفنا بالاستعجال في القران لعِلم الله الاسبق ان احنا متسرعين

وكل متسرع في سرعته بيجد الندامه
وكل متأنى او متزن او منتظر بحسن ظن بيلاقي الصلاح والفلاح

كل ما تلاقي نفسك مستعجله فكري نفسك بالايه دي ..
متستعجليش ده اليوم بالف سنه عِدي بقى

طبعا الاستجابه الل ربنا بيديها لنا بتكون اسرع من كده لكن احنا بنكون عايزين لو دعينا دلوقتي نلاقي الاستجابه بعد ساعه

ف فين هنا الصبر وحسن الظن بالله وانتظار الخير من رب الخير

حاولي تدربي نفسك كتير وكتير وكتير على الانتظار البطيء .. الانتظار والرضا

صدقي ان ربنا هيعطيكِ وانتظري يديكي .. لكن امتى وازاي .. بقدرته سبحانه وتعالى.. مش بترتيبك .. مش بتفاصيلك .. مش بالخريطه الل انتى راسماها

علشان تندهشي بعطائه وتفرحي بالحاجه لما تجيلك

كان عندي اوراق مهمه كنت مستنياها بتاريخ معين وبعدين كان في يوم اجازه ففضلت متوتره ومتعصبه وازاي واليوم ده هيفرق وعايزة اروح قبل ما اروح مكان كذا وتواريخ وورق حكومي وقصص..

ف كنت عامله حسابي ان هي خلاص هتوصلني بكره بس الساعه 2:00 الظهر فمن كتر ما قاعده ادعي ادعي ادعي وطبعا عايزه الدعوه تيجي فورا .. ربنا كرمني وفاجئني بالمندوب جايبها الساعه 9:00 ص .. مندوب البريد فقعدت اشكر ربنا واتكسفت اوي من نفسي ان انتى يا مريومه مش صابره

اعرفى ان طالما ربنا خلاكي تدعي بحاجه .. اكيد مش عشان يخليكي تتحرمي منها
لا
هتجيلك بس الصبر الكلام ده ليا وليكم .. ليا قوي وليكو انتو كمان

ساعة لقلبك للاستشارات والتدريب
د/ مريم عبد القادر

https://whatsapp.com/channel/0029Vb7aLHVGehEG6ehsIH2A

القهوه بردت الاكل مش موجود وقت ما احنا جعانين اوى .. وجية وقت تانى ما بيبقاش له لازمةالاحتياج الشديد للمواساة لما يكون ا...
15/08/2026

القهوه بردت

الاكل مش موجود وقت ما احنا جعانين اوى .. وجية وقت تانى ما بيبقاش له لازمة

الاحتياج الشديد للمواساة لما يكون الشخص المواسى مش موجود ..بيفقد اهميته

الدكتور مش موجود وقت الألم الشديد .. بردو لما يتواجد خلاص راحت الشدة والألم

كل ضغطة هتمر بيها ومتلاقيش الل كان ممكن يفك الضغطة دى .. مش هقول مالوش لازمة ولا فات الاوان

لكن هقول بتقووووى اكتر
والله كل وجع بيكون جاى يقوينا

لكن احنا بطبعنا كأنثوات بنخاف او بنقلق او بنهرب ونرفض الوجع حسب كل شخصية

كل باب بيتقفل فى وشك اعرفى ان ربنا قفله عشان ترجعيله .. عشان تعرفي معنى كلمة "أنا الملك"

لو عرفتيها هتفرحى لقفل الباب عشان فاهمة انه بيرجعك له مش بيوجعك

المعنى عميق اوى
ارجعى اقرأى تانى بقلللللبك

ساعة لقلبك للاستشارات والتدريب
د/مريم عبد القادر

https://whatsapp.com/channel/0029Vb7aLHVGehEG6ehsIH2A

في بدايه حياتنا واحنا صغيرينكان بيتقالنا كلام كتير مش لينا هو بس كل القصه ان دي عقد نقص عند الناس الل حوالينا الل شايفين...
11/08/2026

في بدايه حياتنا واحنا صغيرين
كان بيتقالنا كلام كتير مش لينا
هو بس كل القصه ان دي عقد نقص عند الناس الل حوالينا الل شايفين مشكلتهم جوانا

فبيقعدوا يوصفونا اننا وحشين او مش كويسين او واخدين طبع احد الطرفين الاب او الام واهاليهم

وللاسف ميعرفوش مع الايام ان ده بيعمل قناعات سوداء ومنيله ب 60 نيله في حياتنا لما بنكبر

حبايبي القمرات الل عاشوا قناعات مش بتاعتهم من فضلكم ارموها في الزباله

دي وجهه نظر الناس المرضى الناقصه الل حواليكم ومضطرين يكونوا في حياتكم

الناس الل جواهم نقص وغيرَه منكم
سواء لانكم شبه ناس بيكرهوها او لانهم هما مكانوش عايزينكم تبقوا اصلا موجودين عند بابا وماما

كل واحده فيكم تقدر تكتب قناعتها وتدور على حقيقتها وتعرف ان كلامي ده صح 100%

ولو مش قادره تغيري القناعات دي وعاده هتكوني محتاجه مساعده لو انتى على فطرتك وشايفه الدنيا كلها خير وجميله وعايشه في المدينه الفاضله

ف انتي هتحتاجي مساعده منى انا او غيري متسكتيش على تغيير قناعاتك الل اتصدرتلك من ناس مريضه كانت بتاذيكي عشان شايفاكى احسن منها او من عيالها

كفايه قناعات سوداء
كفايه اذى بعمق
كفايه تشويه للصوره الداخليه عشان وجهت نظرهم بس

ساعة لقلبك للاستشارات والتدريب
د/مريم عبد القادر

https://whatsapp.com/channel/0029Vb7aLHVGehEG6ehsIH2A

مضمنش رد فعلهم مش عارفه ممكن يكون تصرفهم ايه ساعتها استني اتاكد ان الباب مقفول استني اطمن ان الخط اتقفل فعلاممكن يستغنوا...
10/08/2026

مضمنش رد فعلهم
مش عارفه ممكن يكون تصرفهم ايه ساعتها
استني اتاكد ان الباب مقفول
استني اطمن ان الخط اتقفل فعلا
ممكن يستغنوا وقتها عشان يوجعونى بس
هاتي الاله الحاسبه نراجع مره واثنين وثلاثه وعشره

كل دي امثله لجمل بتتقال من شخص فقد الامان مرات كتيرة جدا

من كتر ما اتخان وآمن واتخان وآمن واتخان .. خلاص بقى عنده قناعة

وعود نفسه انه لازم يتاكد اكثر من مره من الشيء الل هيعمله .. لانه للاسف ادمن الخيانه

وصدق من قال

من ادمن الخيانه ظن ان الطمانينه كمين

ساعة لقلبك للاستشارات والتدريب
د/مريم عبد القادر

https://whatsapp.com/channel/0029Vb7aLHVGehEG6ehsIH2A

فى ناس كتير عندها نظرة سوداوية بشعةكل ما تتكلم معاهم فى حوار يجيبولك اسوأ سيناريوواحدة عايزة تطلق .. يقولوا اووعى هيحصلك...
09/08/2026

فى ناس كتير عندها نظرة سوداوية بشعة

كل ما تتكلم معاهم فى حوار يجيبولك اسوأ سيناريو

واحدة عايزة تطلق .. يقولوا اووعى هيحصلك ويجرالك وفلانة حصلها وجرالها ويسمعوك قصص بائسة ترعبك

كأن الدنيا كلها فى كفة الألم والعذاب ومفيش رحمة خالص

تكلمهم فى مشروع عايز تعمله .. يقولولك البلد مش ناقصة .. والبلد فيها كتير منه ويقفلك الدنيا بشكل فظيع

كأن مفيش ليك مساحة فى الأرض ولا الرزق

تكلمهم عن اى خير .. يطلعولك منه أسوأ سيناريو .. وتلاقيهم بينصحوك عشان خايفين عليك😇😇

كأن مفيش خير فى الدنيا خالص

معندهم العشم فى ربنا
ورب الخير لا يأتى الا بخير
وعوض ربنا الجميل
وكل انسان له مساحة رزق فى الأرض
وجرب واسعى وربنا هيوفقك

بعيييييد الشر مفيش الكلام دا

الانسان الل كدة اوعى تكللللمه فى حاجة

لا وحشة ولا حلوة

اتعامل معاه كأنه شخص موجود له احترامه وبس

متاخدش رأيه فى حاجة الا لو قلقان منها وعايز تقفلها هوا هيساعدك اوى فى اللقطة دى

ساعة لقلبك للاستشارات والتدريب
د/مريم عبد القادر

https://whatsapp.com/channel/0029Vb7aLHVGehEG6ehsIH2A

محدش بيزعل من الحدود الجديده .. الا الل كان مستفيد منها .. وغالبا ودايما بيقلل منها ومش حاسس بقيمتها فلما بتزول عنه يبدا...
08/08/2026

محدش بيزعل من الحدود الجديده .. الا الل كان مستفيد منها .. وغالبا ودايما بيقلل منها ومش حاسس بقيمتها

فلما بتزول عنه يبدا يحس ان هو كان مرتاح بعدم الحدود دي وفعلا بتفرق معاه ازاي تحط حدود معايا

ما هو سعادتك مقدرتش المجهود الل كان بيُبذل قبل الحدود وماعترفتش بيه

ف ليه مستنيين ان احنا نفضل متاحين للكل بدون حدود
وبتزعلوا لما نحط حدود
احنا كده كده متشافين مبنعملش صح ولا ايه😉😉

ساعة لقلبك
د/مريم عبد القادر ساعة لقلبك د/مريم عبد القادر

Address

شربين
Mansoura

Telephone

+201069715474

Website

Alerts

Be the first to know and let us send you an email when ساعة لقلبك د/مريم عبد القادر posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ساعة لقلبك د/مريم عبد القادر:

Shortcuts

Share

Category