د. ندى الشافعي Dr. Nada Elshafie

د. ندى الشافعي Dr. Nada Elshafie Contact information, map and directions, contact form, opening hours, services, ratings, photos, videos and announcements from د. ندى الشافعي Dr. Nada Elshafie, Mental Health Service, المنصوره/ش جيهان/بجوار الفيومى/أعلى محل فلافى للاكسسوارات/الدور الثالث, Mansoura.

اخصائي العلاج النفسي و اضطرابات اللغه و التخاطب
ماجستير العلاج النفسي
ب دكتوراه فى اضطرابات اللغة والتخاطب
للاستفسار و حجز الجلسات التواصل على:
📞 01061005068
ش جيهان بجوار حلوانى الفيومي أعلي محل فلافي للاكسسوارات

07/06/2026

“كل مرة بتقول فيها نعم للناس على حساب نفسك، ممكن تكون بتقول لا لاحتياجاتك أنت.”

05/06/2026

مش كل أب أو أم بيصرفوا على أولادهم يبقوا ربّوهم.
الرعاية بتوفر احتياجات الطفل، لكن التربية هي اللي بتبني شخصيته وتعلمه إزاي يعيش ويتعامل مع الحياة.

04/06/2026

“أصل أخوكي ولد… وإنتِ بنت!”🤔

من أكتر الجمل اللي بنسمعها في بيوت كتير، لكن للأسف ممكن تسيب أثر نفسي كبير عند الأولاد.

💔 التفرقة في التربية ممكن تعمل:

▪️ غيرة ومشاكل مستمرة بين الإخوات.

▪️ ضعف ثقة الطفل بنفسه وإحساسه إنه أقل قيمة.

▪️ زعل وكتمان ومشاعر سلبية تجاه الأهل.

▪️ عناد وتمرد أو انسحاب وصمت مع الوقت.

▪️ صعوبة في بناء علاقات صحية لما يكبر.

▪️ إحساس دائم إن الحب والتقدير لازم يتقاسوا بالمقارنة.

📌 المشكلة مش في وجود قواعد أو مسؤوليات مختلفة حسب السن أو الظروف…

المشكلة لما يكون السبب الوحيد:
“عشان ده ولد” أو “عشان دي بنت”.

🌱 كل طفل محتاج يحس إنه محبوب ومقدَّر ومسموع، بغض النظر عن كونه ولد أو بنت.

العدل بين الأبناء مش رفاهية…
العدل هو اللي بيبني علاقة صحية بينهم وبين أهلهم، وبيخلي البيت مكان آمن لكل واحد فيهم. ❤️


21/05/2026

جُمل بنقولها بنية التربية… لكنها ممكن تهدّ ثقة الطفل بنفسه 💔

الطفل بيصدق الكلام اللي بيسمعه عن نفسه، خصوصًا لما ييجي من أهله.
ومع التكرار، الجملة بتتحول لصوت داخلي بيكبر معاه.

من الجُمل اللي ممكن تضر ثقته بنفسه:

• “أنت فاشل”
بدلها: “المرة دي ما نجحتش… نجرب بطريقة تانية.”

• “شوف أخوك أشطر منك”
المقارنة بتخلي الطفل يحس إنه أقل، مش إنه يتحفّز.

• “أنت دايمًا بتغلط”
الطفل يبدأ يشوف نفسه كشخص سيئ، مش كشخص بيتعلم.

• “اسكت… أنت ما بتفهمش”
بتوصله إن رأيه غير مهم.

• “أنت سبب تعبي ومشاكلي”
جملة ممكن تزرع شعور بالذنب لفترة طويلة.

• “عيب تعيط… أنت كبير”
بتعلمه يكبت مشاعره بدل ما يفهمها.

• “عمرك ما هتتغير”
بتخليه يفقد الأمل في نفسه.

💡 الطفل محتاج يسمع:
“أنا شايف مجهودك”
“الغلط طبيعي”
“أنت مهم”
“تعالى نفهم المشكلة سوا”

الكلمات مش بتعدّي…
الطفل بيبني صورته عن نفسه من طريقة كلامنا معاه

#أطفالنا

12/05/2026

“هو لسه صغير… لما يكبر هيتكلم.”
جملة بنسمعها كتير، لكن أحيانًا تأخر الكلام بيكون محتاج تدخل بدري بدل الانتظار.

🚩 إمتى تأخر الكلام يبقى مقلق؟

• لو الطفل عند عمر سنة
مش بيصدر أصوات تواصل أو ما بيستجيبش لاسمه.

• لو عند عمر سنة ونصف
ما بيقولش كلمات بسيطة زي: ماما / بابا.

• لو عند عمر سنتين
عدد الكلمات قليل جدًا أو مش بيكوّن جملة من كلمتين .
أو الأهل بس هما اللي بيفهموا كلامه.

• لو الطفل مش بيطلب احتياجاته بالكلام أو الإشارة
وبيميل للصراخ أو البكاء بدل التواصل.

• لو التواصل البصري ضعيف
أو الطفل بيبان منعزل ومش بيتفاعل مع اللي حواليه.

• لو حصل فقدان للكلام بعد ما كان بيتكلم
ودي علامة مهمة جدًا محتاجة تقييم سريع.

• لو فيه صعوبة واضحة في فهم الكلام أو تنفيذ التعليمات المناسبة لعمره.

الأهم من الكلام نفسه… هو “التواصل”.
كل ما التدخل كان بدري، فرص التحسن بتكون أفضل بشكل كبير 🤍

ومتنسوش:
المقارنة بين الأطفال مش مقياس دقيق،
لكن متابعة التطور الطبيعي للغة والتواصل مهمة جدا

الجلسات متاحة في العيادة أو أونلاين حسب راحتك!
📍 العنوان: المنصورة - ش. جيهان - بجوار الفيومي - أعلى محل فلافى للاكسسوارات - الدور الثالث
📞 للحجز والتواصل: 01061005068

11/05/2026

في ناس كتير بتتعامل مع الاكتئاب على إنه “دلع” أو “كسل”
مع إن صاحبه غالبًا بيكون بيحارب معركة محدش شايفها…

علامات الاكتئاب مش دايمًا بتكون عياط وحزن واضح، أحيانًا بتظهر بشكل مختلف تمامًا:

• نوم كتير أو إرهاق مستمر
• فقدان الشغف بأي حاجة حتى الحاجات اللي كان بيحبها
• عصبية وانفعال على أتفه الأسباب
• انعزال وقلة كلام
• صعوبة في التركيز أو إنجاز المهام
• إهمال النفس أو الدراسة أو الشغل
• إحساس دائم بالفراغ أو انعدام القيمة
• تغيرات في الأكل والنوم
• شكوى جسدية متكررة بدون سبب واضح
• جمل زي:
“مش قادر”
“ماليش نفس لأي حاجة”
“حاسس إني تقيل على الكل”

المشكلة إن الشخص بدل ما يسمع:
“إنت محتاج مساعدة؟”
بيسمع:
“قوم بطل كسل”
“إنت بس مدلّع”
“كلنا عندنا ضغوط”

الدعم النفسي مش رفاهية…
وكلمة بسيطة باحتواء ممكن تفرق أكتر مما نتخيل.

29/04/2026

✨ “الطفل اللي جواك بيظهر في ردود أفعالك.”

كتير من انفعالاتنا دلوقتي ليها جذور في تجارب الطفولة، خصوصًا لو كانت مؤلمة

Address

المنصوره/ش جيهان/بجوار الفيومى/أعلى محل فلافى للاكسسوارات/الدور الثالث
Mansoura

Opening Hours

Tuesday 3pm - 9pm
Thursday 3pm - 9pm
Sunday 3pm - 9pm

Telephone

+201061005068

Website

, , htt

Alerts

Be the first to know and let us send you an email when د. ندى الشافعي Dr. Nada Elshafie posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د. ندى الشافعي Dr. Nada Elshafie:

Shortcuts

Share

Category