TIJAN Dental clinic

18/04/2025

13/04/2025

الجاثوم او شلل النوم او Sleep Paralysis

02/04/2025

*ليه شهر رمضان كل سنة بيجى بدرى حوالى 11 يوم ؟؟؟*

التقويم الإسلامي بيعتمد على الدورة القمريةبناءا على ظهور الهلال واختفائه في بداية الشهر ونهايته وبيتكون من 12 شهرًا و الشهر من 29 أو 30 يومًا، يعنى حوالي ( 12* .29.5 = 354 يومًا ) في السنة.

و فى السنة الشمسية ( السنة الميلادية ) تعتمد في بدايتها ونهايتها على حركة الشمس، وعدد أيامها (365) يوماً.
والفرق بينهما 365-354 = 11 يوم.

و علشان كده يختلف موعد بدء شهر رمضان في كل سنةبالنسبة للتقويم الميلادي، ويتنقل بين الفصول الأربعة. وهتلاقى الدورة بتتعاد كل 33 سنة هجرية تقريبا

وبرضه هيجى رمضانان في سنة ميلادية واحدة كل 33 عامًا تقريبًا ( اخر مرة جه رمضانين فى سنة واحده كان فى سنة 1997 ) و ده معناه ان في عام ٢٠٣٠ ، هيجى رمضان مرتين خلال السنة نفسها - الأولى في يناير والثانية في ديسمبر.

انت ايه رايك رمضان احلى فى الشتاء ولا الصيف ؟!!!

05/03/2025

الفانوس ............. ليه الفانوس بقى مرتبط بشهر رمضان

الفانوس يعتبر من أهم مظاهر الاحتفال بشهر رمضان و خصوصا فى مصر. لان العادة دى فعلا بدأت فى مصر و بعد كده وصلت لدول تانية.

فى اكتر من رواية عن اصل بداية ارتباط الفانوس بشهر رمضان و كلها كانت فى عصر الخلافة الفاطمية.

1️⃣ رواية استقبال الخليفة المعز: يُقال إن المصريين استقبلوا الخليفة المعز لدين الله الفاطمي عند دخوله القاهرة ليلة الأول من رمضان عام 358هـ (969م)، وكان الأطفال شايلين الفوانيس المضاءة لإنارة الطريق، ومن وقتها أصبح الفانوس رمزًا للشهر الكريم.

2️⃣ الإضاءة الليلية في رمضان: خلال العصر الفاطمي، كان يتم إجبار الأهالي على تعليق الفوانيس المضاءة في الشوارع فى الليل ، خاصة عند خروج الناس لأداء صلاة التراويح، و ده خلى الفانوس جزءًا لا يتجزأ من أجواء رمضان.

3️⃣ ليلة روية هلال 🌙 رمضان : يُقال إن الخليفة الفاطمي كان يخرج ليلة رؤية هلال رمضان في موكب رسمي، يرافقه القضاة ووجهاء الدولة، وكانت الشوارع تضاء بالفوانيس التي يحملها الأطفال والمواطنون احتفالًا بقدوم الشهر الكريم.

٤-خروج النساء للشوراع فى شهر رمضان فقط : الرواية دى تُنسب غالبًا إلى الخليفة الحاكم بأمر الله ، و اللى اشتهر بفرض قوانين صارمة وغريبة، منها تقييد خروج النساء من المنازل. يُقال إنه أصدر قرارًا يمنع النساء تمامًا من السير في الشوارع، باستثناء شهر رمضان، وسمح ليهم بالخروج بعد الإفطار بشرط أن يكون أمامهم طفل شايل فانوس علشان ينبه المارة إن فى نساء فى الشارع. و ده برضه ممكن يكون سبب لارتباط الفانوس بالأطفال اكتر من الكبار.

مهما كانت الراوية الصح فيهم، الا إن الاكيد فى الاخر ارتباط الفانوس بالاحتفال بشهر رمضان هو تقليد بدء فى مصر و انتشار بعد كده فى بلاد كتيره.

انت بقا اول فانوس جبته كان شكله ازاى؟

'loomah_plus