Dr. Wafaa Maysara د/ وفاء ميسرة

Dr. Wafaa Maysara د/ وفاء ميسرة إستشارى أمراض النساء والتوليد والعقم بمستشفى المنصورة

30/10/2023

من المواضيع المهمة لكل سيدة متزوجة هي وسيلة منع الحمل وأنواعها كتير منها اللولب أو أقراص منع الحمل المركبة أو أقراص الحمل الأحاديه اللي بتستخدم مع الرضاعة ومنها الحقن زي حقنة الديبوبروفيرا كل ثلاث شهور أو الحقنة الشهرية المركبة وفيه كمان الغرسه تحت الجلد أو الكبسولة ومنها وسائل موضعيه ومنها وسائل طبيعية زي فترة الأمان .
كل سيده لها وسيلة تبقي مناسبة ليها ومش لازم تناسب كل السيدات لذلك الطبيبة هي اللي تحدد لك أنسب وسيلة لك علي حسب ظروفك الصحية ونظام دورتك وماينفعش تاخدي وسيلة من نفسك زي أختك أو صاحبتك أو جارتك حتي الوسائل الطبيعية وفترة الأمان الطبيبة هي اللي تحدد لك ممكن تنفع معاكي والا ماتنفعش حسب انتظام دورتك
د. وفاء ميسرة
استشاري نسا وتوليد وعقم

30/10/2023

السلام عليكم ورحمة الله وبركاته
مواعيد العياده للتوقيت الشتوي من ٧- ١٠ مساء
السبت - الأحد - الثلاثاء الأربعاء

11/06/2023

السلام عليكم ورحمة الله
ان شاء الله هيبقي فيه كشف مخفض( نصف أجر) لغير المقتدرين يوم الاثنين من كل أسبوع صدقة جارية عن أولادي

08/06/2023

السلام عليكم ورحمة الله وبركاته
النهارده هنتكلم عن الفرق بين تكيس المبيض وأكياس المبيض لأن كتير من السيدات بيخلطوا بين الحالتين
تكيس المبيض دي حاله بيكون المبيض عبارة عن أكياس صغيرة متعدده مع جدار سميك للمبيض وحجم المبيض نفسه ممكن يكون أكبر من الطبيعي وده بيعوق عملية التبويض وبالتالي بتكون الدورة غير منتظمة اما تتأخر عن الموعد المحدد لها أو تبقي منقطعة والحالات دي ممكن يصاحبها زياده في شعر الجسم أو وجوده في أماكن مش طبيعية للمرأة زي الوجه أو الصدر أو يكون فيه حب الشباب ودي أعراض ارتفاع هورمون الذكورة وطبعا هيصاحبها تأخر في الانجاب وتغير في هورمونات الجسم .
طيب أكياس المبيض يعني المبيض عادي لكن فيه كيس وده ممكن يكون كيس ميه أو سائل شفاف وممكن يكون كيس دموي يعني فيه دم وممكن يكون كيس شيكولاتة وده في حالات البطانه المهاجرة وممكن يكون كيس جنيني وده بيكون فيه مواد دهنية وشعر وممكن أسنان وكل اللي ذكرتهم دول أكياس حميده وطبعا فيه أكياس خبيثه وبيكون لها مواصفات تانية .وكيس المية ده بيكون كتير في عمر السيدة في وقت الانجاب وكثيرا مابيختفي لوحده دون علاج أو تدخل جراحي إذا كان حجمه صغير ومش عامل أعراض
لو عندك أي كيس علي المبيض أو تكيس علي المبيض تابعي كويس عشان يتطلب لك التحاليل والأشعات المظبوطة للحاله بتاعتك
Dr. Wafaa Maysara د/ وفاء ميسرة

26/05/2023

النهاردة هنتكلم عن حقن الرئة وفايدتها وامتي لازم تاخدها الحامل وامتي ماتاخدهاش
- حقنة الرئة بتتاخد للحامل لو هتولد قبل اكتمال الرئة فقط .
- الرئة بتكتمل عند ٣٧ أسبوع
طيب امتي الطبيب ينصح بحقن الرئة ؟ لو كان فيه أعراض ولادة مبكرة سواء طلق مبكر أو نزول مية الجنين فتاخد المريضة حقن الرئة اللي هي عبارة عن كورتيزون سواء ديكساميثازون أو بيتاميثازون ٣ حقن تركيز ٨ مجم مقسمة علي جرعات .
- طيب بنشوف أطباء كتير بيكتبوها روتين لأي حامل في الشهر التامن ده صح ؟؟ لا طبعا مش صح لانها هتاخد أضرار الدواء بس دون فائدته لأنها مش هتولد في خلال الأسبوع اللي أخدت فيه الحقن .
طيب فيه سبب تاني آخد فيه الحقن دي لسبب تاني غير اكتمال الرئه ؟ أيوة ممكن نعطيها للي هتولد قيصري قبل ٣٩ أسبوع عشان أمنع حاجة تاتية ممكن يتعرض لها الطفل اللي بيتولد قيصري بس
طيب يبقي الخلاصة اللي نتعلمها من البوست ده ان حقن الرئة مش كل حامل بتحتاج لها وان زي ماليها فوايد ليها أضرار وكمان نستفيد ان الولادة وقتها الطبيعي ٣٩ أسبوع إلا إذا كان فيه ضرر علي الطفل بسبب ضغط عالي او سكر عالي أو أي سبب مرضي يستدعي الولادة قبل الموعد ده
دمتن سالمات

28/11/2021

السلام عليكم ورحمة الله
النهاردة هنتكلم عن موضوع مهم ومعظم السيدات والبنات بيسألوا عنه وبيعانوا منه وهو الافرازات المهبلية
١- أولا هل كل الافرازات مرضية ولازم تتعالج ؟؟ لافيه افرازات طبيعية وفيه افرازات مرضية .
٢- ثانيا امتي أعرف ان الافرازات دي مرضية ولازم أراجع الطبيبة بتاعتي ؟ لو ليها لون أو ريحة مش مستحبة أو عاملة أعراض زي الهرش أو الحكة أو حرقة أو ألم مع العلاقة الزوجية .
٣- ثالثا طيب فيه نصايح لتقليل الالتهابات المهبلية ؟ *أيوة النظافة الشخصية ودي مش لازم أبدا أستخدم غسول مطهر عمال علي بطال لانها بتقلل البكتريا النافعة وبالتالي يظهر فطريات
*التنشيف مهم جدا لتقليل الالتهابات ويبقي بفوطة قطنية
* استخدام ملابس قطنية والبعد عن الملابس الصناعي ولبس الملابس الضيقة زي الجينز .
* مراجعة الطبيب لتحديد نوع الالتهاب واعطاء العلاج المناسب وطبعا بلاش وصفات الصيدلية لانه مايعرفش يحدد عندك أي نوع من الميكروبات .
* تحليل سكر الدم في حالات الالتهابات الفطرية المتكررة
٤- إيه أنواع الافرازات اللي غالبا بتيجي للسيدات ؟ * افرازات الفطريات المجبنة وتسبب حكة شديدة واحمرار وتورم
* افرازات صفراء ولها رائحة مزفرة ودايما تحصل بعد الدورة والولادة .
* افرازات سائلة وبيضاء ولها رائحة كريهة ودي بسبب بكتريا
* افرازات مخاطية ودي نوعين : طبيعية بتحصل قبل الدورة باسبوعين بسبب التبويض وأحيانا تبقي مخلوطة بدم بسيط .
ومنها مرضية بسبب التهاب عنق الرحم المعروف باسم قرحة الرحم ولازم علاج .
استشري الطبيب في أي افرازات مش طبيعية
مع خالص التمنيات بصحة دائمة

للجهاز المناعي علاقة كبيرة بالحمل ومترابطان جدًا حيث يمر جهاز المناعة ببعض التغييرات المكثفة عندما تكونين حاملاً، علاقة ...
05/07/2020

للجهاز المناعي علاقة كبيرة بالحمل ومترابطان جدًا حيث يمر جهاز المناعة ببعض التغييرات المكثفة عندما تكونين حاملاً، علاقة تكافلية مدهشة تساعدك على الحمل والبقاء حاملاً وإنجاب طفلك ، وفي نفس الوقت تجعلك أكثر عرضة للإصابة بالمرض.
فإليك ما تحتاجي إلى معرفته:

عندما يكون نظام المناعة في حالة متغيرة ، فأنت أكثر عرضة للإصابة بأمراض معينة مثل نزلات البرد والإنفلونزا والتسمم الغذائي والتهابات المسالك البولية. ووفقًا للدكتور لجيمس بيتوني الخبير المعتمد من مجلس الطب في طب الجنين الأمومي
"التغيرات في جهاز المناعة تؤدي إلى زيادة القابلية للإصابة بعدوى فيروسية وبكتيرية وطفيلية معينة".حيث معظم الأطفال لا يتعرضون للأذى إذا مرضت الأم أثناء الحمل. ولكن يمكن أن تنتقل بعض العدوى إلى الأطفال من خلال المشيمة أو أثناء الولادة ، وعندما يحدث ذلك ، فقد يكون لها عواقب وخيمة على الطفل.

- كيفية تجنب المرض أثناء الحمل:
لا يمكنك تجنب جميع مصادر المرض أثناء الحمل ولكن يمكنك اتخاذ خطوات معينة لتقليل احتمالية إصابتك بالمرض وتقليل خطر حدوث مشاكل خطيرة لك أو لطفلك:

1- ابق على اطلاع على التطعيمات وأهمية التأكد من أنك على اطلاع دائم على جميع اللقاحات قبل الحمل وأثناء الحمل تأكدي من الحصول على لقاح الإنفلونزا خلال موسم الإنفلونزا ولقاحات (الكزاز ، الخناق ، السعال الديكي) في لتمرير الحصانة إلى طفلك.

2- تناولي فيتامينات ما قبل الولادة وتابعي حمية متوازنة.فوفقا للدكتور بيتوني "الوقاية هي الحل حيث يمكن لفيتامين ج وفيتامين ب6 تعزيز مناعة الجسم عن طريق زيادة إنتاج الجسم الطبيعي للإنترفيرون. ويوصي بالحصول على هذه الفيتامينات من مصادر طبيعية على سبيل المثال ، الخضار الخضراء والحمص عالية في B6.

3- اتخذي الاحتياطات المناسبةمثل غسل يديك وعدم مشاركة الأواني والابتعاد عن المرضى للوقاية من خطر الإصابة بمرض.

4- راجعي طبيبك إذا مرضت أثناء الحمل ، وتحدبد موعدًا مع طبيبك للتأكد من صحتك أنت وطفلك،

5- للجهاز المناعي والحمل علاقة أكثر مما تعتقد. تحقق من بعض النصائح حول التعامل مع الالتهابات أثناء الحمل.

صحتك إستثمار.. دمتم سالميين

ودمتم سالمين..
15/04/2020

ودمتم سالمين..

طبعا كلنا عارفين شارع بنك مصر في المنصورة أو ممكن تقولي عليه مجمع عيادات بنك مصر، وهو شارع عادي بس حصل فيه طفرة في عدد ع...
26/03/2020

طبعا كلنا عارفين شارع بنك مصر في المنصورة أو ممكن تقولي عليه مجمع عيادات بنك مصر، وهو شارع عادي بس حصل فيه طفرة في عدد عيادات الدكاترة،
لو زهقانة طلعي مكان العيادة وقوليلنا done في الكومنتات وابعتي في مسج رقمين المربع اللي فيه اسم الدكتورة في الصورة وليكي خصم ٢٥% علي أول كشف.

Address

الايمان
Mansoura
35511

Opening Hours

Monday 4pm - 9pm
Tuesday 4pm - 9pm
Wednesday 4pm - 9pm
Saturday 4pm - 9pm
Sunday 4pm - 9pm

Telephone

+201005279223

Website

Alerts

Be the first to know and let us send you an email when Dr. Wafaa Maysara د/ وفاء ميسرة posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Wafaa Maysara د/ وفاء ميسرة:

Shortcuts

Share

Category