10/10/2023
📌 من ضروريات الحفاظ على سلامتك النفسية والعقلية إنك تتعايش مع فكرة إن فيه ناس هتكرهك من الباب للطاق مهما كنت في نظر الأغلب إنسان كويس...
وفيه ناس تانية هيفضل حبك في قلبهم مهما كان ليك بعض الزلات والأخطاء.. أنت لا هتقدر ولا مطلوب منك تجبر كل الناس إنها تحبك...
*السعى إنك تنول رضا الكل*
مستحيل مش صعب حتى لأ مستحيل....
من أول الأنبياء لـ حد العلماء ومروراً بـ لعيبة الكورة، وغيرهم؛ مفيش بني آدم مهما وصلت درجة تميزه في الحتة بتاعته أو جدعنته أو بساطته أو نقاءه أو حتى ضحكته الحلوة ماطلعلوش حد بيكرهه!.. والسبب؟
غيرة، نفسنة، شايف نفسه أقل، مستكتر عليك اللي شايفك فيه... مليون سبب، وكلهم مايستحقوش تشغل بالك أنهي فيهم اللي
ملي قلب فلان تجاهك...
الحاجة الوحيدة اللي تستحق التركيز و الامتنان وتضييع الوقت عليها حلال هما النفرين تلاتة أو حتى النفر الواحد اللي بيحبك بصدق ومن قلبه...
*حبايبنا واللي إحنا حبايبهم هما الأحق بالمقاعد الأولى في عقولنا وقلوبنا وعيونا كمان* 🥰
كل سنة واحنا بنعيش ب أفضل صحية نفسية وقادرين نتخطي ونستمتع بحياتنا بقدر المستطاع ❤️
🎗️
❤️ 10/10 ❤️
ودي صورة من اهدي مكان في العالم *العباسية* 🥰
