عيادات د. احمد نعمت الله للنساء والتوليد والحقن المجهري

  • Home
  • Egypt
  • Mansoura
  • عيادات د. احمد نعمت الله للنساء والتوليد والحقن المجهري

عيادات د. احمد نعمت الله للنساء والتوليد والحقن المجهري د/ أحمد نعمت الله استشاري النساء والتوليد وعلاج تأخر الحمل

يا دكتور أنا مباكلش حلويات خالص.. إزاي جالي سكر حمل؟!” 😮السؤال ده بنسمعه كتير في العيادة من حوامل بيتصدموا لما يلاقوا أر...
24/08/2026

يا دكتور أنا مباكلش حلويات خالص.. إزاي جالي سكر حمل؟!” 😮

السؤال ده بنسمعه كتير في العيادة من حوامل بيتصدموا لما يلاقوا أرقام السكر عالية في التحاليل، وبيبقوا فاكرين إن سكر الحمل بيجي بس للستات اللي بتاكل سكريات كتير.

الحقيقة الطبية مختلفة تمامًا، والسر مش في اللي بتاكليه السر في المشيمة!

أثناء الحمل، المشيمة بتفرز هرمونات مهمة جدًا لنمو البيبي، لكن الهرمونات دي أحيانًا بتزود مقاومة الجسم للأنسولين يعني الأنسولين الطبيعي اللي في جسمك بيبقى أقل كفاءة في تنظيم مستوى السكر في الدم، فيبدأ السكر يعلى ويظهر سكر الحمل، حتى لو كنتِ ملتزمة بأكل صحي ومبتاكليش حلويات.

وليه سكر الحمل بيتسمى الخفي؟

لأنه في أغلب الحالات مبيعملش أي أعراض واضحة، ومبنكتشفوش إلا من خلال اختبار سكر الحمل (اختبار تحمل الجلوكوز أو منحنى السكر)، واللي بنطلبه عادةً بين الأسبوع 24 و28 من الحمل، أو بدري لو فيه عوامل خطورة تستدعي كده.

الخبر اللي يطمنك.. ❤️

إن سكر الحمل في أغلب الحالات بيختفي بعد الولادة، لكن مهم جدًا نتابع مستوى السكر بعدها كمان، لأن بعض السيدات بيكون عندهم قابلية للإصابة بالسكري مستقبلًا

لو أنتِ في منتصف الحمل، متفوتيش مواعيد المتابعة الدورية شرفينا في العيادة لحد ما توصلي لولادة آمنة بإذن الله. ❤️

للحجز والاستفسار مع د. أحمد نعمت الله:
📞 01067618050
📞 01069656200

📍 العنوان:
المنصورة - شارع الترعة (من ناحية شارع جيهان) - أعلى مطعم أهل الشام

شكل بطنك مدور يبقى بنت ... وشك منور يبقى ولد! 🔮🤰الجملة دي وأخواتها تقريباً بتسمعيهم من أول يوم حمل في التجمعات العائلية ...
20/08/2026

شكل بطنك مدور يبقى بنت ... وشك منور يبقى ولد! 🔮🤰

الجملة دي وأخواتها تقريباً بتسمعيهم من أول يوم حمل في التجمعات العائلية وجروبات الماميز، وتلاقي الكل فجأة تحولوا لـ خبراء أجنة لتحديد نوع البيبي قبل ما تعملي السونار حتى!

عشان نقفل باب التخمينات ده وننام مطمنين، تعالي نمسك أشهر 3 خرافات ونشوف رأي الطب والعلم فيهم إيه :
❌ الخرافة الأولى: حرقان المعدة الشديد يعني البيبي هيتولد بشعر كثيف!
* الحقيقة الطبية: حرقان المعدة ملوش أي علاقة بشعر البيبي السبب الحقيقي هو هرمون البروجسترون اللي بيرخي صمام المعدة، بالإضافة لضغط حجم الرحم على المعدة فوق.

❌ الخرافة الثانية: شكل بطنك (لو عالية ولد ولو عريضة بنت)!
* الحقيقة الطبية: شكل بطن الحامل بيتحدد بناءً على طبيعة عضلات بطنك، وزنك قبل الحمل، ووضعية الجنين جوة الرحم والبطن ملهاش أي علاقة بنوع الجنين.

❌ الخرافة الثالثة: لو وشك منور وحلوة تبقي حامل في ولد ولو وشك تعبان ومجهد تبقى بنت أخدت من جمالك!
* الحقيقة الطبية: التغيير اللي بيحصل في بشرتك وشكلك سببه لخبطة الهرمونات، وطبيعة تغذيتك، ونسبة الحديد في دمك البيبي بريء تماماً من القصة دي!

كل الحكايات دي مسلية لطيفة للدردشة
لكن علمياً وطبياً، تحديد النوع بيطلع من شاشة السونار في العيادة، وتحديداً من بعد الأسبوع الـ 16 (الشهر الرابع) لما الأعضاء التناسلية للبيبي تتكون وتظهر بوضوح.

شرفينا في العيادة ونشوف السونار بدقة، ونطمن على صحته ونقولك الخبر الأكيد اللي يخليكي تبدأي تجهزي لبسه وأنتِ مطمنة! ❤️

للحجز والاستفسار مع د. أحمد نعمت الله كلمينا على: 📞
* 01067618050
* 01069656200
عنوان العيادة: 📍
المنصورة - شارع الترعة (من ناحية شارع جيهان) - أعلى مطعم أهل الشام

17/08/2026

أنا عندي تكيس مبايض يعني مستحيل أحمل غير لما أوصل للوزن المثالي ❌

الجملة دي بنسمعها كتير في العيادة، وبتعكس خوف وإحباط عند بنات وسيدات كتير مصابين بتكيس المبايض لكن الحقيقة إن الموضوع مش بيتقاس بالرقم اللي على الميزان!

في حالات كتير من تكيس المبايض، بيكون فيه مقاومة للأنسولين، ودي بتخلي الجسم يخزن الدهون بسهولة، وتلخبط الهرمونات، وتضعف أو توقف التبويض.

طيب هل لازم أوصل للوزن المثالي عشان يحصل حمل؟

الإجابة: لأ مش شرط.

نزول 5% إلى 10% من وزنك الحالي ممكن يحسن استجابة الجسم للأنسولين، ويساعد على انتظام التبويض، ويزود فرص الحمل بشكل ملحوظ.

وده بيخلينا نركز في العيادة على علاج السبب، مش مجرد الرقم على الميزان.

والخطة العلاجية بتعتمد على 3 خطوات:
1️⃣ تحسين نمط الحياة، ومعاه علاج مقاومة الأنسولين إذا كانت الحالة محتاجة.

2️⃣ اختيار بروتوكول تنشيط مناسب لطبيعة المبيض، بجرعات مدروسة تحقق أفضل استجابة.

3️⃣ متابعة التبويض بالسونار، عشان نحدد أفضل توقيت لزيادة فرص الحمل.

تكيس المبايض مش معناه إن الحمل مستحيل، لكنه من أكثر أسباب اضطراب التبويض، ومع التشخيص الصحيح والخطة المناسبة، كتير جدًا من السيدات ربنا بيرزقهم بالحمل بإذن الله.

لو بتعاني من تكيس المبايض أو لخبطة في الدورة شرفينا في العيادة، نطمن على حالتك، ونحط خطة علاج تناسب جسمك وتساعدك توصلي لهدفك بأمان.

للحجز والاستفسار مع د. أحمد نعمت الله:
📞 01067618050
📞 01069656200

📍 العنوان:
المنصورة - شارع الترعة (من ناحية شارع جيهان) - أعلى مطعم أهل الشام

كل اللي حواليكي قالولك اشربي مية كتير عشان مية البيبي تزيد؟🤔الحقيقة إن شرب المية مهم، لكنه مش دايمًا هو الحل، والأهم إنن...
13/08/2026

كل اللي حواليكي قالولك اشربي مية كتير عشان مية البيبي تزيد؟🤔

الحقيقة إن شرب المية مهم، لكنه مش دايمًا هو الحل، والأهم إننا نعرف سبب قلة مية الجنين الأول

في الشهور الأولى من الحمل، السائل الأمنيوسي بيكون معظمه من جسم الأم، لكن بعد منتصف الحمل، المصدر الأساسي ليه بيكون بول الجنين، وده بيعتمد على وصول الدم والغذاء للجنين من خلال المشيمة

طيب لما المياه تقل، ده ممكن يكون معناه إيه؟
فيه أسباب مختلفة، من أشهرها:

1️⃣ وجود مشكلة في كفاءة المشيمة، فتأثر وصول الدم والأكسجين للجنين، وده ممكن يقلل كمية البول اللي بينتجها.

2️⃣ تسريب بسيط في كيس الحمل، وأحيانًا بيكون خفيف لدرجة إن الأم متلاحظوش.

3️⃣ بعض المشكلات الخاصة بالجنين أو الحمل، وعلشان كده لازم نحدد السبب بدقة، ومينفعش نعتمد على التخمين.

طيب التصرف الصح بيكون إيه؟
إحنا مش بنركز على شرب المية وبس، لكن بنقيّم الحالة كاملة،

وده بيشمل:
🔹 سونار دوبلر (Doppler): للاطمئنان على تدفق الدم في المشيمة والحبل السري.

🔹 قياس كمية السائل الأمنيوسي (AFI): ومتابعة الرقم بشكل دوري لمعرفة هل الحالة مستقرة ولا محتاجة تدخل.

🔹 تحديد خطة العلاج والمتابعة حسب سبب قلة المياه، وقد ننصح بزيادة شرب السوائل إذا كانت مناسبة للحالة، مع المتابعة المستمرة لحالة الجنين

شرفينا في العيادة عشان نطمن على كفاءة المشيمة، ونطمن على البيبي، ونحط الخطة الأنسب ليكي ولحملك.

للحجز والاستفسار مع د. أحمد نعمت الله: 📞
• 01067618050
• 01069656200

عنوان العيادة: 📍
المنصورة - شارع الترعة (من ناحية شارع جيهان) - أعلى مطعم أهل الشام

"يا دكتور جالي مغص، أروح المستشفى ولا لسه؟!" 🏃‍♀️⏰ده من أكتر الأسئلة اللي بنسمعها خصوصًا بالليل، من الحوامل في الشهر الت...
10/08/2026

"يا دكتور جالي مغص، أروح المستشفى ولا لسه؟!" 🏃‍♀️⏰

ده من أكتر الأسئلة اللي بنسمعها خصوصًا بالليل، من الحوامل في الشهر التاسع اللي بيخافوا يكون بدأ الطلق فعلًا.

وعشان تبقي مطمنة، تعالي نعرف مع بعض الفرق بين الطلق الحقيقي والطلق الكاذب.

🟢 أولًا: الطلق الحقيقي

1️⃣ منتظم:
الانقباضات بتيجي على فترات ثابتة، ومع الوقت بتقرب من بعضها وتبقى أقوى.

2️⃣ بيزيد مع الوقت:
حتى لو غيرتي وضعيتك أو ارتحتي، الانقباضات بتفضل مستمرة وبتزيد في الشدة والمدة.

3️⃣ الألم بينتشر:
غالبًا بيبدأ من أسفل الظهر ويمتد للبطن والحوض، وبيكون واضح ومتكرر.

🔴 ثانيًا: الطلق الكاذب

1️⃣ غير منتظم:
ممكن ييجي مرة ويختفي، ومفيش نمط ثابت للانقباضات.

2️⃣ بيخف مع الراحة أو تغيير الوضعية:
وفي أوقات كتير يختفي بعد شرب سوائل أو مع الراحة.

3️⃣ أخف في الشدة:
وغالبًا بيكون أشبه بمغص الدورة أو شد في أسفل البطن.

⚠️ إمتى تروحي المستشفى فورًا؟

* لو الانقباضات بقت منتظمة، قوية، وبتتكرر كل 5 دقائق تقريبًا.

* لو نزلت مياه الحمل، حتى لو مفيش انقباضات.

* لو حصل نزيف ، أو لاحظتي قلة في حركة الجنين.

مش كل مغص في الشهر التاسع معناه إن الولادة بدأت، لكن معرفة الفرق بين الطلق الحقيقي والطلق الكاذب هتساعدك تتصرفي بهدوء وفي الوقت المناسب.

ولو حسيتي بأي علامة مش مطمنة، أو مش قادرة تفرقي بين الاتنين، متتردديش في التواصل مع طبيبك أو التوجه للمستشفى.

للحجز والاستفسار مع د. أحمد نعمت الله: 📞
* 01067618050
* 01069656200

📍 العنوان:
المنصورة - شارع الترعة (من ناحية شارع جيهان)-أعلى مطعم أهل الشام

"أنا مرعوبة من وجع القيصرية، هو بجد ممكن يبقى أخف من زمان؟" 😰🤍ده من أكتر الأسئلة اللي بنسمعها من الحوامل قبل الولادة، لأ...
05/08/2026

"أنا مرعوبة من وجع القيصرية، هو بجد ممكن يبقى أخف من زمان؟" 😰🤍

ده من أكتر الأسئلة اللي بنسمعها من الحوامل قبل الولادة، لأن الخوف من الألم بعد القيصرية بيكون مسيطر على تفكيرهم.

والحقيقة إن الطب اتطور جدًا، والنهارده بقينا نقدر نقلل الألم بعد القيصرية بشكل كبير،
والسر في خطة تسكين متكاملة بتتحدد حسب حالة كل أم.

إزاي؟

1️⃣ تقنية الـ TAP Block:
دكتور التخدير بيحقن مخدر موضعي حول الأعصاب المغذية لجدار البطن باستخدام السونار، وده بيساعد على تقليل ألم الجرح خلال أول 24 إلى 48 ساعة بعد العملية.

2️⃣ خطة تسكين مناسبة لكل حالة:
في بعض الحالات بنستخدم مضخة تسكين الألم (PCA)، أو وسائل أخرى يحددها طبيب التخدير حسب احتياج كل مريضة.

3️⃣ متابعة بعد العملية وبروتوكول مسكنات مناسب:
علشان تقدري تتحركي، وترضعي البيبي، وتبدئي تتعافي بشكل مريح وآمن.

الخوف من القيصرية طبيعي، لكن الألم بعد العملية مبقاش زي زمان. وفي وجود أحدث وسائل التخدير وتسكين الألم، تقدر أغلب الأمهات يقضوا أول أيام بعد الولادة براحة أكبر، ويستمتعوا بأول لحظاتهم مع البيبي.

لو ولادتك قربت، وعايزة تعرفي إيه أفضل خطة تناسب حالتك، شرفينا في العيادة، وهنشرحلك كل التفاصيل ونطمنك خطوة بخطوة.

للحجز والاستفسار مع د. أحمد نعمت الله: 📞
* 01067618050
* 01069656200

📍 العنوان:
المنصورة - شارع الترعة (من ناحية شارع جيهان) - أعلى مطعم أهل الشام

كشفك قبل الجواز أهم من فستان فرحك!👰🏻‍♀️للأسف ناس كتير بتتعامل مع فحوصات قبل الجواز على إنها مجرد "ورقة رسمية" بنخلص بيها...
25/07/2026

كشفك قبل الجواز أهم من فستان فرحك!👰🏻‍♀️

للأسف ناس كتير بتتعامل مع فحوصات قبل الجواز على إنها مجرد "ورقة رسمية" بنخلص بيها الإجراءات، مع إنها في الحقيقة خطوة أمان أساسية لمستقبلكم

الكشف ده مش معناه إن في مشكلة لكن بيساعدنا نكتشف حاجات كتير ونعالجها من بدري:
1️⃣ الاطمئنان على القدرة الإنجابية: بنطمن على تحاليل الزوج، ومخزون المبايض والتبويض للزوجة، ولو في أي لخبطة هرمونات بنعالجها.
2️⃣ علاج الالتهابات الخفية: ساعات بيكون في التهابات بسيطة وبدون أعراض، لكن علاجها من بدري بيحمي من مشاكل زي انسداد الأنابيب وتأخر الحمل.
3️⃣ تجنب الأمراض الوراثية: بنطمن على توافق الدم (عامل الـ Rh) وجينات الأمراض الوراثية عشان نأمن صحة أطفالكم.

البداية الصح بتوفر وقت ومجهود كبير وبتضمن لكم حياة زوجية مستقرة ابدأي حياتك الجديدة وأنتِ مطمنة على صحتك🤍

للحجز والاستفسار مع د. أحمد نعمت الله:
📞 01067618050
📞 01069656200

📍 المنصورة - شارع الترعة (من ناحية شارع جيهان) - أعلى مطعم أهل الشام

مناخيرك كبرت؟ أكيد حامل في ولد!👶الحقيقة إن مفيش أي علاقة علمية بين شكل الأنف أو ملامح الوجه وبين نوع الجنينالتغيرات اللي...
19/07/2026

مناخيرك كبرت؟ أكيد حامل في ولد!👶

الحقيقة إن مفيش أي علاقة علمية بين شكل الأنف أو ملامح الوجه وبين نوع الجنين

التغيرات اللي بتحصل أثناء الحمل ليها أسباب طبية واضحة، أهمها:

🔹 ارتفاع هرمونات الحمل، وخصوصًا هرمون الاستروجين، اللي بيزود تدفق الدم وبيسبب انتفاخ بسيط في بعض مناطق الجسم.

🔹 احتباس السوائل، وده ممكن يخلي الوجه أو الأنف يبانوا أكبر شوية خلال فترة الحمل.

✅ التغيرات دي طبيعية ومؤقتة، وغالبًا بتختفي بعد الولادة.

أما معرفة نوع الجنين بشكل دقيق فبتكون من خلال السونار في الوقت المناسب من الحمل🤰

الخلاصة:
كبر حجم الأنف أثناء الحمل علامة على تغيرات هرمونية طبيعية، مش دليل على إن الجنين ولد أو بنت❌

إيه أغرب خرافة سمعتيها عن تحديد نوع الجنين؟💬

للحجز والاستفسار مع د. أحمد نعمت الله:
📞 01067618050
📞 01069656200

📍 المنصورة - شارع الترعة (من ناحية شارع جيهان) - أعلى مطعم أهل الشام

سؤال بيتكرر كتير من الأزواج"ليه زوجتي قبل الدورة الشهرية أو أثناء الحمل بتبقى متضايقة وبتعيط من غير سبب واضح؟" 🤔الحقيقة ...
16/07/2026

سؤال بيتكرر كتير من الأزواج
"ليه زوجتي قبل الدورة الشهرية أو أثناء الحمل بتبقى متضايقة وبتعيط من غير سبب واضح؟" 🤔

الحقيقة إن الموضوع مش دلع ولا مبالغة...

في الفترات دي الجسم بيمر بتغيرات هرمونية كبيرة، خصوصًا في هرمون الاستروجين والبروجسترون، والتغيرات دي بتأثر بشكل مباشر على مراكز تنظيم المزاج والمشاعر في المخ.

عشان كده هتلاحظوا:
🔹 تقلبات مزاجية سريعة
🔹 توتر أو قلق من أمور بسيطة
🔹 إرهاق ورغبة في النوم أو العكس صعوبة في النوم
🔹 حساسية زايدة تجاه المواقف والكلام
🔹 شعور بالحزن أو البكاء من غير سبب واضح

ودا رد فعل طبيعي للتغيرات اللي بيمر بيها جسمها في المرحلة دي

وعشان كده دور الزوج والأسرة مهم جدًا
الدعم النفسي في الفترات دي مش نوع من الرفاهية، بل هو جزء أساسي ومكمل للرعاية الطبية للمرأة، وله تأثير مباشر على استقرار الحمل وصحة الجنين🤍

للحجز والاستفسار مع د. أحمد نعمت الله:
📞 01067618050
📞 01069656200

📍 المنصورة - شارع الترعة (من ناحية شارع جيهان) - أعلى مطعم أهل الشام

خلفنا أول مرة بسهولة ليه الحمل التاني متأخر؟🤔سؤال بنسمعه كتير وناس كتير بتستغرب وتقول إحنا مخلفين بالفعل إزاي يبقى عندنا...
13/07/2026

خلفنا أول مرة بسهولة ليه الحمل التاني متأخر؟🤔

سؤال بنسمعه كتير وناس كتير بتستغرب وتقول إحنا مخلفين بالفعل إزاي يبقى عندنا مشكلة تمنع الحمل دلوقتي؟

الحقيقة إن تأخر الحمل بعد الإنجاب الأول حالة معروفة طبيًا، وليها أسباب مختلفة ممكن تظهر مع الوقت

وأشهر الأسباب:
🔹 مشاكل ظهرت بعد الولادة الأولى زي وجود أثر للقيصرية، التهابات بالحوض، أو مشاكل بقنوات فالوب أثرت على حدوث حمل جديد.

🔹 انخفاض مخزون أو جودة البويضات كل ما العمر بيزيد بتقل فرص الحمل بشكل طبيعي، وممكن تظهر مشاكل جديدة زي تكيس المبايض أو اضطرابات الغدة الدرقية.

🔹 ارتفاع هرمون اللبن بعض الحالات بيفضل مرتفع حتى بعد الفطام، وده ممكن يأثر على التبويض ويأخر الحمل.

🔹 تغيرات في خصوبة الزوج مش شرط تحليل السائل المنوي يفضل طبيعي طول العمر ،زيادة الوزن، التدخين، دوالي الخصية، أو بعض الأمراض المزمنة ممكن تأثر على الخصوبة مع الوقت

لو بقالكم فترة بتحاولوا يحصل حمل تاني ومفيش نتيجة متسيبوش الموضوع للحيرة والتخمين

التشخيص الصح بيوفر وقت ومجهود كبير وبيساعدنا نوصل لأفضل خطة علاج مناسبة لكل حالة 🤍

للحجز والاستفسار مع د. أحمد نعمت الله:
📞 01067618050
📞 01069656200

📍 المنصورة - شارع الترعة (من ناحية شارع جيهان) - أعلى مطعم أهل الشام.

Address

اول شارع الترعة أعلى مطعم أهل الشام
Mansoura

Opening Hours

Monday 4pm - 10pm
Tuesday 4pm - 10pm
Wednesday 4pm - 5pm
Saturday 4pm - 10pm
Sunday 4pm - 10pm

Telephone

+201069656200

Website

Alerts

Be the first to know and let us send you an email when عيادات د. احمد نعمت الله للنساء والتوليد والحقن المجهري posts news and promotions. Your email address will not be used for any other purpose, and you can unsubscribe at any time.

Shortcuts

Share

Category