23/09/2025
المشهد الاول بين الام و احمد فهمي : معلش ؟ اصرفها منين معلش و ديني لو مكنتش تخلصني هسيب ليك الدنيا كلها ..
المشهد الثاني : اية دة انت وارث الغباء دة منين ؟ قسما بالله انت ولا ابني ولا اعرفك
........
المشهد الاول بين باسم سمرة و ابنه : انت مش بتستوعب ؟ مبتفهمش ؟ انت لو كنت هادي و مش زنان كان زمان امك لسة عايشة معانا
المشهد الثاني : باسم سمرة ' لازم يعرف يعني اية يكلم ابوه و انه مينفعش يكلم ابوه كدة دة غلط مش لسة هنقرب و نطبطب '
......
هيبقي في علاقة بين احمد فهمي و ابن باسم سمرة ، و دة اللي بدء يحصل اكتر بعد عرض الحلقة الثلاثة و الرابعة
احمد فهمي و هو طفل شاف امه بتقتل ابوه ، و ابن باسم سمره عنده اعتقاد بشكل غير مباشر ان ابوه هو السبب في موت امه ..
و هنا اتولد جواهم احساس بالظلم و القهر من الطرف اللي لسة عايش عشان كدة بيحاولوا يضايقوهم بشكل غير مباشر ..
بردو سواء ام السفاح او باسم سمرة محاولوش يقربوا من الاولاد بالعكس زادوا تمسك بالسلطة الابوية و العنف كلها اشكال لإعتماديه مرضيه ابويه نقلت الاعتماديه المرضيه للطفل.. اعتقادا منهم انهم اصلا بيعملوا كل دة عشان خاطر اولادهم !
رمي الاخطاء و اللوم علي الاولاد ' انت اللي بلغت عني للبوليس من ناحية احمد فهمي مش هي اللي غلطت مثلا و هي اللي هرست دماغ أبوه قدام عينه و من ناحية باسم سمرة ' انت السبب في موت امك بسبب زنك و قرفك '
انت السبب وانت كداب وانت غبي وانت وحش كلها رسايل سلبيه بتبني بيها سفاح صغير .
لما احمد فهمي سأل باسم سمرة عن ابنه و قاله سن خطر مبينساش حاجة هنا كان بيعمل اسقاط علي نفسه و فشله في محاوله تخطي اللي حصل زمان .
انا مبسوط بالخط الدرامي دة جدا عشان بيوضح ازاي تعمل سفاح صغير في بيتك عن طريق تربيتك له .
سفاح الجيزه
