دكتور عيالك عبدالسلام الغريب

25/03/2026

اعتذار وتقدير لمتابعينا الأفاضل ❤️
السلام عليكم ورحمة الله وبركاته
في البداية، حابب أشكركم جداً على تفاعلكم الرائع مع المنشورات الأخيرة
نظراً لرغبتنا في تقديم محتوى طبي متخصص وأكثر تنظيماً
دون تشتت بين أكثر من صفحة
نود إعلامكم بأننا سنغلق هذه الصفحة قريباً، وسننتقل لمتابعة كافة المنشورات، الفيديوهات الجديدة، ومواعيد العيادة على صفحتنا الأساسية (الأخرى):

https://www.facebook.com/share/1B5zMxMNws/

عيادة الكترونية في طب الأطفال وحديثي الولادة

24/03/2026

إزاي أعرف افرق طفلي عنده امساك ولا طبيعي

23/03/2026

حرارة الطفل 40… مش معناها خطر!
الأهم مش الرقم…
الأهم حالة الطفل وسبب السخونية 👶
✔️ طفل بيلعب وبيشرب → غالبًا مطمئن
❌ طفل خامل أو مش راضي يشرب → هنا نقلق

✔️ملحوظة اي طفل أقل من ٣ اشهر حرارتة مرتفعة لازم تقييم حتي لو كانت حالته العامة جيدة

23/03/2026

انتبهي !
٣ علامات خطر مع سخونية الأطفال

22/03/2026

السلام عليكم ورحمه الله وبركاته

مواعيد العيادة ابتداء من غدا :
يومياً من الساعة 12:00 ظهراً وحتى الساعة 7:00 مساءً.
ماعدا الخميس من ٣ عصرا وحتي ٧ مساء
📝​ ملاحظة هامة:
يستمر العمل بالعيادة بعد الساعة ٧ مساء "حتى الانتهاء من كافة الكشوفات والحالات الموجودة"

21/03/2026

المضاد الحيوي مش وقاية…
هو علاج
في بعض الأمراض محتاجين مضاد حيوي،
وفي بعض الأمراض مش محتاجينه خالص.

20/03/2026

اللبن الكتير بيقفل شهية الطفل… وبيقلل امتصاص الحديد، فخليه باعتدال مش طول اليوم
الاعتدال" هو السر عشان طفلك يستفيد من اللبن من غير ما نضر صحته. الإفراط في اللبن ممكن يسبب "أنيميا نقص الحديد" لأنه بيسد شهية الطفل عن الأكل المفيد وكمان بيعطل امتصاص الحديد في الجسم.
💡 إيه هي الكمية المناسبة لطفلك يومياً؟
من عمر سنة إلى سنتين: يحتاج الطفل من سنتين إلى 3 أكواب بحد أقصى (حوالي 500 مل) من اللبن كامل الدسم.
من عمر سنتين إلى 5 سنوات: يحتاج الطفل من 2 كوب إلى 2 كوب ونصف يومياً.
أقل من سنة: ممنوع تماماً إدخال اللبن البقري أو الجاموسي كشرب، والاعتماد يكون على الرضاعة فقط.
⚠️ تنبيهات غاية في الأهمية:
مش بديل للأكل: اللبن وسيلة مساعدة مش وجبة أساسية وحيدة، لازم طفلك ياخد حديده من البروتينات والخضروات.
بعد الوجبات: يفضل تقديم اللبن بعيداً عن الوجبات اللي فيها حديد (مثل اللحوم أو السبانخ) عشان نضمن أفضل امتصاص.
نوع اللبن: بعد عمر السنة، اللبن المبستر أو المغلي جيداً هو الأفضل، ولا ينصح بزيادة الكمية عن المذكور مهما كان الطفل بيحبه.
صحة الأسنان: بلاش شرب اللبن قبل النوم مباشرة بدون غسل الأسنان لتجنب "تسوس الرضاعة".
د. عبد السلام - Abd El Salam Kids Clinic 🏥

19/03/2026

الإسهال مش دايمًا محتاج مضاد حيوي!
في أغلب الحالات بيكون فيروس،
وأهم حاجة في العلاج هي تعويض السوائل
باستخدام محلول معالجة الجفاف (ORS)

18/03/2026

الكحة مش مرض… دي عرض
الأهم نعرف سببها ايه ونعالجه

17/03/2026

📌 السناكس بتبوّظ شهية الطفل!
كتير من الأمهات تدي طفلها:
بسكويت
عصير
حاجات خفيفة بين الوجبات
وبعدين تشتكي إنه مش عايز ياكل
الحقيقة 👇
السناكس دي بتملى بطن الطفل
فيوصل لميعاد الأكل وهو مش جعان أصلاً.
💡 الحل: ✔️ قللي السناكس بين الوجبات
✔️ خليه يجوع شوية
✔️ قدمي الأكل في مواعيد ثابتة

17/03/2026

الجديري المائي عند الأطفال (العنقز)

كتير من الأمهات بتقلق أول ما تشوف حبوب في جسم الطفل…
وطبعًا أول سؤال: هو ده خطير؟

خليني أقولك باختصار 👇

إيه هو الجديري المائي؟
ده مرض فيروسي بيعمل:

حرارة خفيفة

حبوب/فقاقيع فيها سائل على الجلد

هرش شديد

---

⚠️ أعراضه بتبقى إيه؟

حرارة قبل الحبوب بيوم أو اتنين

حبوب بتظهر في الجسم كله (وش + بطن + ظهر)

الحبوب بتبقى مراحل (حبة صغيرة → فقاعة → تقشر)

---

هل هو خطير؟ في أغلب الحالات:مرض بسيط وبيخف لوحده خلال 7–10 أيام خصوصا في الأطفال

لكن ⚠️ لازم تتابعي لو في:

حرارة عالية مستمرة

الطفل تعبان جدًا أو مش بيشرب

صديد في الحبوب

كحة شديدة أو صعوبة تنفس

---

🏠 نعمل إيه في البيت؟

نقلل الهرش

نقص أظافر الطفل

ممكن نستخدم لوشن مهدئ

خافض حرارة لو في سخونية

💉 هل له تطعيم؟ أيوه، فيه تطعيم بيحمي من المرض أو يقلل شدته.

📢 مهم جدًا:
الطفل بيعدي غيره بسهولة، عن طريق اللمس والنفس
فالأفضل يقعد في البيت لحد ما الحبوب تنشف.

08/03/2026

اسباب واعراض التهابات اللوز المتكررة
ومتي نلجأ الي الجراحة

يعاني طفلك من التهابات اللوزتين بشكل متكرر؟ هل أنتِ محتارة بين العلاج بالمضادات الحيوية أو اللجوء للجراحة؟​في هذا الفيديو، نناقش واحدة من أكثر المشاكل الصحية...