Dr.Samar Abd ElMoezze

28/07/2026

في فترة من حياتي كنت بعمل حساب لكل الناس إلا نفسي

كنت بستنى التقدير من هنا والرضا من هناك وكأن قيمتي متعلقة برأي حد

لكن الحقيقة اللي اتعلمتها إن اللي يرضي ربنا عمره ما يضيع
وإن راحة البال بتبدأ لما تبطل تجري وراء إرضاء الناس كلها

من النهارده هحط طاقتي في اللي ينفعني
هبني نفسي أكتر
ههتم بمستقبلي أكتر
هطور من نفسي أكتر

واللي كان بيشوفني نسخة عادية
هيشوف النسخة اللي تعبت عليها وسهرت علشانها

اعمل اللي يرضي ربنا وسيب الباقي على الله
أما أنا فبدأت أركز في نفسي
والأيام الجاية بإذن الله هتتكلم عني أكتر ما أنا هتكلم عن نفسي ✨

28/07/2026

https://69540884350159.sarhne.com

ارسل لي رسالة سرية دون أن أعرف من انت , انقر هنا وادخل الصندوق السري الخاص بي , كن صادقاُ معي

25/07/2026

" فوض امرك لربنا و متندمش "

متندمش علي خير عملته ل ناس متعرفش معني الخير..

متندمش علي مشاعر طيبة وحلوة قدمتها ل ناس متستهلش..

متندمش علي طيبتك وحنيتك اللي مبيعرفهاش شوية جاحدين..

متندمش علي احترامك اللي رديت بيه علي ناس متربتش علي الاحترام..

متندمش علي تربية أهلك وتعبهم معاك علشان خاطر ناس متعبوش في تربية ولادهم..

متندمش علي سكوتك وتمالك أعصابك اللي رديت بيه علي غليظي اللسان ومتربوش صح..

متندمش علي جدعنتك و أمانتك وإخلاصك ل ناس خانتك وغدرت بيك..

متندمش علي نواياك السليمة ل ناس نواياها كلها خبث وشيطنة..

متندمش علي كل ده .. لأنه كله متحوش ف صندوق كبير هتحتاجه لما كلنا هنقف قدام ربنا " الله العادل "

18/07/2026

واحده بعتت سؤال لمصطفى حسني بتقوله : هل لين القلب يؤخذ عليه أجر ؟ إن عيني تدمّع أو قلبي يوجعني على شخص أو حيوان أو موقف حصل ؟

رد عليها رد جميل أوي قالها "دي صفات أهل الجنة ، يدخلون الجنة بغير حساب قلوبهم مثل أفئدة الطير ، الناس اللي قلبها حنيّن ودمعتها قريبة ، سيدنا عُثمان في غزوة بدر كل الجيش طلع وهو فضل جنب السيدة رُقية زوجته لأنها كانت تعبانه فَقعد يخدمها ويطببها فَدعاله النبي ﷺ لأنه إنسان حنيّن ، فَالقلب الرقيق ده إن شاء الله يدخل الجنة بغير حساب"

الطيّب مش عبيط واللي دمعته قريبة مش ضعيف ، إنك تكون إنسان حسّاس وحنيّن وقلبك رقيق دي أعظم حاجه ممكن تبقى عند إنسان في الدنيا ، أه ممكن تتعب شوية بسبب تصرفات بعض البشر لكن كفاية إنك تكون ضمن اللي وصفهم سيدنا النبي ﷺ وقال (قلوبهم مثل أفئدة الطير) وتدخل الجنة بغير حساب والسبب بس رِقة قلبك دي 🤍.

27/06/2026

لا اله الا انت سبحانك اني كنت من الظالمين 💞

27/06/2026

( جزي الله عنا محمدا ماهو أهله )
من قالها فقد أتعب ٧٠ من كتبة الملائكة
يكتبون له ثوابهاألف صباح
(جزي الله عنا سيدنا محمدا ماهو اهله )

20/04/2026

ابن صاحبتي "معاذ" عنده 7 سنين، بيقولي:
إنتي مختفية ليه ومش بتتكلمي؟

قولتله: أصل مش طايقة أتكلم مع بشر دلوقتي.

رد عليا وقال:
طب اعتبريني كائن فضائي وكلميني، بس ما تختفيش كده… ممكن؟

قولتله بهزار:
وإحنا هنتفاهم إزاي بقى يا عم الفضائي؟

قاللي:
ممكن ما نفهمش بعض… بس على الأقل مش هتكوني لوحدك، وهتبقي كويسة ❤️

أنا اتفاجئت جدًا من كلامه… أكبر من سنه بكتير.

لما حكيت لصاحبتي، ضحكت وقالتلي إن الكلام ده بيسمعه من باباه، كل ما يلاقيها زعلانة بيقولها نفس الكلام.

أولادكم نسخة منكم… بيطلعوا زي ما بيشوفوا، وبيتعلموا منكم كل حاجة.

اختياراتكم وطريقتكم هي اللي بتكمل فيهم بعدكم.

فاختاروا صح… علشانهم ❤️

17/04/2026

‏جميل أن تتجاهل حزناً عميقاً بداخلك
‏وتقول: قدر الله وما شاء فعل.

12/04/2026

مش عارف ليه حاسس إن في ناس كتير تعبانة دلوقتي..
الدنيا مبقتش سهلة على حد

بس عايز أقولكم حاجة..
ربنا مش ناسينا ولا غافل عننا سبحانه

كل اللي بيحصلنا ده ليه حكمة
حتى لو مش شايفينها دلوقتي

افتكروا كام مرة كنا في ضيقة وربنا فرجها؟
هو قادر يفرجها تاني وتاني

خلوا أملكم في الله كبير
وثقوا إن الفرج قريب

ادعولي وادعوا لنفسكم
ربنا يفرحنا كلنا قريب يارب

08/04/2026

كثرة الصفع لا يجعلك تعتاد عليه،
بل يزيد فزعك من الأيدي الممدودة،
ولو لعناقك!