هاجر ربيع - Hagar rabie

هاجر ربيع - Hagar rabie صفحة للتوعية عن الاضطرابات النفسية والعلاج النفسي . إذا كنت في حاجه للمساعدة لا تتردد

05/11/2025

🎥 وده الجزء اللي اتعرض من رسالتي على
شكرًا جدًا لأستاذي العزيز على دعمه وتشجيعه المستمر 🙏🌸
وفخورة جدًا بالرحلة دي وبجدتي الغالية ❣️
وبكل الحب والدعم اللي خلاني أوصل للحظة دي ❤️🙏

08/10/2025

🏅 جائزة نوبل في الطب 2025 راحت لثلاثة علماء كبار: اتنين أمريكان وياباني، ومن بينهم – لحسن الحظ – عالِمة 👩‍🔬.

الـ3 اشتغلوا على فكرة غيرت مفهومنا عن جهاز المناعة تمامًا… حاجة اسمها "فرامل المناعة".
القصة مش مجرد اكتشاف واحد، لكن رحلة طويلة لفهم إزاي الجسم يعرف يهاجم الخطر… من غير ما يهاجم نفسه.
بمعنى تاني: إزاي المناعة تفرّق بين "الذات" و"الآخر".

زمان، العلماء كانوا فاكرين إن المناعة لازم تفضل قوية طول الوقت علشان تحمينا.
لكن اللي ما كانوش يعرفوه إن القوة الزايدة دي ممكن تقلب ضدنا…
تبقى زي جيش بيهاجم شعبه، وده اللي بيحصل في أمراض المناعة الذاتية زي الروماتويد والذئبة والتصلب المتعدد.

🔬 العالِمة ماري برانكو كانت أول من لاحظ إن جهاز المناعة عنده "فرامل"، خلايا بتمنعه من الانفلات والهجوم على الجسم.
الخلايا دي اسمها الخلايا التائية التنظيمية (T-regs)، ووظيفتها تقول لباقي خلايا المناعة:
"اهدوا يا جماعة… دي خلية مننا مش عدو."

بعدها جه فريد رامزدل، اللي كرّس سنين علشان يفك شفرة عمل الخلايا دي.
واكتشف الجين اللي بيخليها منظمة، وسمّاه FOXP3.
لما الجين ده بيبوظ، المناعة بتفقد السيطرة وتبدأ تهاجم الجسم زي قنبلة انفجرت من جوه.

أما الياباني شيمون ساكاغوتشي، فكان أول من أثبت وجود الخلايا دي فعليًا في التجارب، ووصفها بدقة خلت العالم كله يعترف إن "فرامل المناعة" دي حقيقة مش نظرية.

🧩 برانكو شافت الظاهرة،
ساكاغوتشي أثبتها،
ورامزدل فسّرها جينيًا.

النتيجة؟ فتح باب علاجات جديدة لأمراض زي السكري المناعي والروماتويد والتصلب وحتى السرطان.
لأن العلماء بيلعبوا دلوقتي بنفس المبدأ:

لما عايزين المناعة تهاجم السرطان بقوة → يشيلوا الفرامل.

ولما المناعة تهاجم الجسم بالغلط → يرجعوا يشدوا الفرامل.

💡 ببساطة، الثلاثة علمونا فن التوازن المناعي:
إزاي الجسم يحارب… من غير ما يدمّر نفسه.
وده مش إنجاز عادي، ده تغيير جذري في فهمنا للمناعة والطب الحديث.

مبروك لثلاثي نوبل، وخاصة الدكتورة ماري برانكو،
السيدة رقم ٢٧ اللي تحصل على نوبل في العلوم،
ورقم ٦٨ في تاريخ كل جوائز نوبل. 👏

#نوبل2025 #الطب #المناعة

08/10/2025

‏الشعور بالوحدة لا ياتي بسبب عدم وجود أشخاص من حولك، ولكن من عدم قدرتك على التواصل مع الآخرين عن أشياء تبدو لك مهمة.
كارل يونغ

05/10/2025

"السعادة لا تُوجد في الخارج، بل في عمق ذاتك. كل ما تحتاجه لتكون سعيدًا هو أن تلتفت إلى الداخل🤍

04/10/2025

في هدوء الليل… بتظهر الأصوات اللي بنهرب منها طول النهار.
أفكارك بتعلى، وذكرياتك القديمة بتخبط على الباب،
وتبدأ تراجع تفاصيل يومك بطريقة تستهلك طاقتك وتثقل مزاجك.

علشان كده…
خد لحظة، اتنفس بعمق، واكتب اللي جواك بدل ما تكتمه.
الليل مش عدوك، هو مساحة مراجعة وشفاء.
أو ببساطة… ادخل تنام، وارحم عقلك من التفكير الزيادة.

#نفسية #الليل #راحة

04/10/2025

اللي بيعانوا من اضطرابات الطعام مش مشكلتهم الأكل ولا الجسم…
هما عندهم جوع عاطفي.
جواهم طفل ما اتشافش، ففضل طول عمره يدور على اللي يحتويه.
بيعانوا من غضب اتحوّل لذنب… ووجع اتحوّل لصمت ... وأحياناً يطبطبوا علي نفسهم بالأكل العاطفي.
وكتير منهم عاشوا إساءة نفسية أو عاطفية أو حتى جسدية، ففضلوا شايلين سؤال واحد:
"هو أنا أستحق؟"

والإجابة: أيوه، أنت تستحق.
تستحق إنك تتشاف، وتتحب، وتلاقي أمانك. ❤️


Address

Mansoura

Website

Alerts

Be the first to know and let us send you an email when هاجر ربيع - Hagar rabie posts news and promotions. Your email address will not be used for any other purpose, and you can unsubscribe at any time.

Shortcuts

Share

Category