23/08/2026
هتيجي عليك مرحلة مش هيبقى فارق معاك مين قال إيه من وراك، ولا مين عاب، ولا مين بيستعد عشان يضرك.. اللي هو خلّي اللي عايز يعمل حاجة يعملها.. هتصيبك حالة عظيمة من النزاهة، والزُهد، والترّفع إما لإن الطرف التاني فعلاً مايستاهلش أو لإنك اكتشفت إن قمة السلام النفسي هو إنشغالك بنفسك وبس..
حواديت الناس مابتخلصش، وكسب رضا الكل مستحيل.. اللي حابب يصنفك في خانة الشخص السيء هو مش محتاج حد يعيب فيك، واللي يحب يستفسر عارف طريقك، واللي محبته لك وثقته فيك ماليين قلبه مش هيصدق عنك، ولا هيحتاج توضيح منك وهيبقى هو أول حائط صد يدافع، وينفي، ويحمي.. الأمور بسيطة بس إحنا بنصعبها لما بنقرر نعجب الكل وننول رضا الكل في حين إن الأهم هو رضاك أنت عن نفسك.
