Sherif Refaat oncology clinic

08/05/2026

24/03/2026

طيب عشان انا اتهريت اسئله بسبب كومنت كتبته علي فيديو ، وعارف اني هجيب لنفسي وجع الدماغ ، بس ده رأيي الشخصي اللي بقالي ١٥ سنه تقريبا بعمله ، ومحدش تقريبا يعرفه الا الأطباء اللي بيشتغلوا معايا في عيادتي الخاصه ، ايوه بعض ادويه علاج الطفيليات والأدوية المعدله للاستجابه المناعيه ، بس بجرعات عاليه ، مع العلم انها ادويه آمنه الي حد كبير ، وبموافقه المريض بعد شرح الفكره ليه ، انا بستخدمها من زمان بإضافتها الي علاج الاورام المعتمد - مش لوحدها- في علاج بعض انواع السرطان المنتشر -المرحله الرابعه- وده مبني علي خبرتي الشخصيه وايوه انا شايف بوضوح انها بتحسن الاستجابه جدا وبتجيب نتايج هايله بالاضافه الي انها آمنه زي ماقولت ، وحاليا انا مشرف علي رسالتين دكتوراه في كليه الصيدله مبنيين علي اللي بقوله ، بس بأكد انها مش لوحدها لازم مع علاج الاورام المعتمد ومش بالجرعات العاديه لعلاج الطفيليات ، بجرعات اعلي بكتير بس آمنه برده .
ده رأيي اللي انا مقتنع بيه وبعمله وعلي مدي سنين شوفتله نتايج هايله .
ده رأيي الشخصي انا مقولتش لحد يطبقه وبالتالي انا مش هرد علي اي حد يعترض هو حر برده والأهم ان الكلام ده فقط في حالات متقدمه بالذات اذا كانت شبه مفقود الأمل فيها او متستحملش علاج كيماوي بجرعات مكثفه

27/02/2026

المختصر المفيد

30/11/2022

الي كل الزملاء والمهتمين بمجال طب الاورام ، ورشه العمل الثانيه لوحده طب اورام المنصوره MAMO oncoadvance ، عن الجديد في تشخيص وعلاج السرطانات الليمفاويه Non Hodgkin's Lymphoma ، يوم الثلاثاء القادم ٦ / ١٢ بقاعه المؤتمرات بمركز اورام المنصوره، التاسعه صباحا

03/11/2022

فعاليات ورشه العمل الاولي لوحده طب الاورام Oncoadvance عن الجديد في العلاج المناعي للسرطان بحضور ا.د غاده القنيشي وكيل الكليه Ghada El Kanishy و ا.د محمد حجازي Mohamed Abdelfattah Hegazy المدير التنفيذي للمستشفيات الجامعيه و ا.د وليد النحاس Waleed Elnahas مدير مركز الاورام مع نخبه من اساتذه واستشاريي طب الاورام

27/10/2022

شرفت برئاسه احد جلسات مؤتمر مستشفي بهيه لسرطان الثدي بدعوه كريمه من مستشفي بهيه وا.د اماني هلال ، عن الجديد في تشخيص و علاج سرطان الثدي

20/07/2022

حالات البنكرياس تحتاج لتقييم دقيق جدا قبل ان يتخذ فيها قرار صادم بان المريض ملوش علاج ومنتهي ، وبرده كتير بيكون قرار متسرع وانا بما اني هاوي لحالات البنكرياس والثدي وبعالج المئات منهم شهريا وكتير منهم اتقالهم ان مفيش امل ، من فضل الله حالات كتير منهم بتتحسن جدا ، ومنهم حالات انهت علاج وبقالهم سنين متابعه مش اكتر ، او علي علاج وقائي بسيط ، يعني الموضوع مش مستحيل ولا حاجه ، فبعد اذنك اللي يقولك مفيش امل وسيب المريض لمصيره اشكر الطبيب علي مجهوده ودور في مكان تاني ، ده مش قرار سهل اننا نسيب احبائنا يموتوا بدون اخذ فرصتهم كامله في العلاج ، رجاء خد راي اكتر من حد

20/07/2022

هقول تاني وتالت وهفضل اقول ، حالات السرطان المتقدمه بعد اذنك اذا طبيب زميل قالك خلاص مفيش امل والموضوع منتهي ، ارجوك ارجوك خد راي حد تاني وتالت حالات كتير بتبقي منها امل وامل كبير كمان وبيكون الامر سوء تقدير من الزميل اللي قال مفيش امل ، رجاء خد راي تاني وتالت حاليا العلاجات الموجهه والمناعيه الحديثه منها بالذات غيرت قواعد اللعبه وحسنت جدا من فرص الشفاء وده بنشوفه بعنينا يوميا رجاء نشر البوست ونشر الامل بين الحالات

13/06/2022

موضوع التحرش ببنات الجامعه وغيرهم ومن ناس يفترض انهم مؤتمنين علي بناتنا بقي مبالغ فيه جدا ، بيجيلي كميه شكاوي وحكايات كتير فوق الحد بالذات السنه دي ومش عارف ليه بيخافوا يبلغوا رسمي ، وشايف الحل لجنه او مجموعه مننا يتطوعوا لتلقي الشكاوي دي في منتهي السريه والتنسيق مع اداره الجامعه للتحقيق واتخاذ اللازم لانه كده عيب اوي اوي في حقنا كلنا ، استاذنا الدكتور محمد عطيه كان من اوائل اللي اقترحوا الفكره دي عليا وهو متحمس جدا ليها ، فانا هبدا اجمع معايا مجموعه من المشهود ليهم بالامانه وحسن الخلق ورجاء اي بنت تتعرض لحاجه جدا تتواصل معايا انبوكس علطول وهيبقي الموضوع في منتهي السريه والتكتم وهيتم دراسه حاله بحاله علي اد ماوقتنا ومجهودنا يسعفنا وهنكون حلقه الوصل مع اداره الجامعه ، رجاء لكل البنات والولاد شير البوست في كل جروبات الطلبه وخلوهم يبطلوا خوف واحساس بالعار كان البنت هي اللي غلطانه