27/07/2026
🎬 "دكتور... الميزان ثابت من أسبوعين، نزود الجرعة؟"
ده أكتر سؤال أسبوعي بيتردد في العيادة، والرد السريع اللي بيصدم حالة كتير: "لا.. مش هنزود دلوقتي، ومش هنغيّر، وإحنا مش في سباق!" 🛑
لما الميزان يقف، مش معناه أبداً إن #الويجوفي _(Wegovy) بطل يشتغل.. معناه إن جسمك بياخد نفسه، أو في حلقة مفقودة محتاجين ندور عليها الأول.
قبل ما نمد إيدنا على القلم ونعلي الجرعة، في 8 أسئلة لازم نجاوب عليهم بكل صراحة:
1️⃣ ملتزمة بالدايت صح ولا في "نقنقة" مستخبية؟
2️⃣ بتاكلي بروتين كفاية يحمي عضلاتك؟
3️⃣ بتشربي مياه كفاية، ولا شربك كله كافيين؟
4️⃣ بتتحركي وبتعملي أي نشاط رياضي؟
5️⃣ بتنامي عدد ساعات كافي وبشكل منتظم؟
6️⃣ عندك إمساك أو توتر ومشاكل في الهضم؟
7️⃣ إيه الأخبار مع الأعراض الجانبية؟
8️⃣ (والسؤال الأهم).. حكيتي لمين إنك بتخسي وحسدك؟ 😅🙈
الأصل في مدرستنا العلاجية واضح:
إحنا مش بنجري علشان نوصل لأعلى جرعة.. إحنا بندور على أقل جرعة تحقق أفضل نتيجة، بأقل أعراض جانبية، وأعلى درجة أمان لكِ على المدى الطويل. ✨
#الويجوفي علاج طبّي متكامل بيساعدك تخرجي من سجن السمنة، مش مجرد "حقنة سحرية" بنزودها بمزاجنا.
⚠️ عشان كده: بلاش تتصرفي من نفسك، وسيب القرار للدكتور المتابع لرحلتك.
#ويچوڤي
#مونچارو
#اوزمبيك
#منوف
