عيادة د.إسراء السعدني للنساء والتوليد

31/07/2026

أحلى تيم نسائى دة ولا اية 🌹🤩

مليون مبروك للحاج المحترم / صبرى المسيرى لقدوم حفيدته الجميله بالسلامة ربنا يبارك فيها ويجعلها بارة بأهلها ويكمل نفاس والدتها على خير 🌹

وشكرا لكل التيم الجميل اللى بحب احتفظ بصورى معاه أثناء الشغل للذكرى الجميلة 🤍🩷🤩

دكتورة شيماء اخصائي التخدير
دكتوره مى طبيب مقيم النسا والتوليد
مس رانيا ومس ثناء تمريض عمليات وقسم النسا
ام احمد الغالية اللي قافشة الطفلة دى لتهرب 😅

31/07/2026

تجيبى ٩٥٪ تجيبى ٦٠٪
الشاطرة اللى هتتجوز وتحمل وتيجي تتابع الحمل وتولد مع دكتورة اسراء السعدنى 🌹👌🤩😅

مبروك لكل طلبة الثانوية العامة ربنا يوفقكم فى حياتكم اللى جاية🤲❤️
وفى أى مجال تختاروه اتقنوه كويس واتقوا ربنا فيه وربنا فعلا هيكرمكم فيه ويوفقكم فيه 🤩👌🌹

29/07/2026

بعد يوم عمل صعب وطويل وتطبيق ايام ورا بعضها من غير نوم عشان ولادات طبيعية 😔
تيجي رسالة حلوة من شخصية جميلة تهون كل التعب دة ❤️🌹

الحاله الجميلة اللى جتلنا من #بلبيس فى اخر ايام فى التاسع وعلى الرغم أنه اول حمل لها وأنها لسة اول مرة تتعامل معانا بس وثقت فينا وسمعت كل كلامنا ❤️🙏🏿

فهمناها كل المعلومات عن الولادة الطبيعية والاعراض اللى هتمر بيها وازاى تتعامل مع نفسها فى الوقت دة👌

وبفضل الله ولدت معانا ولادة طبيعية وبرضو الفجر 😅😁

حمد لله على سلامتك يا جميلة وسلامة صوفيا ❤️🌹

شكرا على رسالتك الحلوة وهديتكم الحلوة وزوقكم فى التعامل والكلام انتى ودكتور زياد زوجك 🌹❤️

22/07/2026

ألف مبروك للبطلة شيماء 🏆❤️ اللى عماتها الاتنين الحلوين سبق لهم الولادة معانا 🌹❤️

مش بس إسبانيا اللي فرحت بالكأس.🏆.. عندنا بطلة أكبر!
بعد صبر طويل وتحمل كبير، وولادة طبيعية ناجحة، ربنا كرّم المدام الحلوة شيماء بالجائزة الأغلى من الكاس
💙 👶ياسين 👶💙

زي ما المنتخب الإسباني صبر ولعب بهدوء ولعبة ذكية وفي الآخر رفع الكأس، شيماء صبرت واتحملت وكسبت أحلى وأغلى "كأس" في الدنيا.. طفلها الغالي ياسين👶✨

الولادة الطبيعية مش سهلة، لكن لما الأم تكون قوية ومصممة وبتثق في ربنا ثم فى جسمها وفي الفريق الطبي حواليها، بيحصل المعجزة.
مبروك من القلب للأم البطلة شيماء، ولياسين اللي جاء بالسلامة والصحة، ولكل أم بتخوض التجربة دي بصبر وإيمان.
ألف مبروك يامدام شيماء .. أنتِ البطلة الحقيقية النهاردة ❤️👶

19/07/2026

❤️❤️🌹🌹

18/07/2026

18/07/2026

شكرا بجد للناس المحترمة اللى بتقدر غيرها وبتعرف تقول كلمة حلوة تسعد بيها غيرها 🌹❤️

حقيقي انتوا الدافع اللى بيخلينا نقدر نكمل ونتحمل كل تعب بنشوفه فى مهنتنا ❤️🌹

شكرا لهديتكم الجميلة اللى حقيقي اسعدوتنى بيها 🌹🌹

وحمد لله على سلامتك يا مس سماح انتى والنونة الحلوة بنوتك وشكرا لزوقك وزوق زوجك 🌹❤️

ربنا يبارك في أولادكم ويرزقكم برهم اللهم امين 🌹🌹

16/07/2026

يوميات ست بكرية بتولد
يوم السبت : دكتورة ولديني قيصرى وخلصيني
روحى يا حبيبتي امورك حلوة وهتولدى طبيعي

يوم الاحد...دكتوره انا مش بتاعت طبيعي بقولك ولديني قيصري
روحى يا حبيبتي انهاردة معايا ولادات كتير مش فضيالك اصلا 😂 وبعدين امورك حلوة للطبيعي خسارة فى القيصرية

يوم الاتنين دخول الحالة بتضحك بسخرية دكتورة مبولدش اهو شفتى صبرك معايا هيجي فى الفاضى 😂😂 وهولد قيصرى فى الاخر وبكرة تشوفى 😅

حيث كدة هتقعدى لغايت اخر التاسع ونشوف مدام لميضة اوى كدة 😅

يوم الاربع وقبل الفجر بساعة بعد ولادة بكريتين تانين طبيعي وجاية أنام 🫣🫠😑
اتصال الحقيني يا دكتورة بووووولد

ملقتيش غير الفجر يا شيخه وانا جاية انام 🫪

منا قلتلك يا دكتورة ولديني قيصري من الاول انتى اللى مرضتيش أحسن تستاهلى 😂🙃

صح عندك حق 😩 يالا مفيش نوم يالا نجرى🏃🏃‍♂️

وولدت البكرية طبيعى بدون ألم باستخدام تقنية #الابيديورال وخلت التخدير منمش هو كمان

بس انتصرنا على البكرية وعقبال باقى البكريات 💪💪

بس سؤال البكريات بيعملوا فينا كدة لية ها بيعملوا فينا كدة لية 😅

دكتور النسا مبيصعبش عليهم خالص لية كدة 🤔😅

ـــــــــــــــــــــــــــــــــــــــــ
عنوان العيادة
منيا القمح ـ موقف التلين اعلى هايبر ماركت بيم

ـــــــــــــــــــــــــــــــــــ

مواعيد العيادة

يوميا ماعدا الثلاثاء والجمعة
من الساعة ٢ ظهرا للساعة ٦ مساء

رجاء الاتصال بأى رقم من أرقام التالية قبل الحضور لتنظيم المواعيد وتقليل الازدحام

‏‪+20 10 61884343‬‏

‏‪0110 296 0608‬‏

‏‪+20 10 08896519‬‏

16/07/2026

متابعين صفحتنا من الأطفال بجد أحلى واجمل متابعين بيتابعونا من قلوبهم بجد ❤️

اللى جم مع مامى الولادة مخصوص عشان يتصوروا مع الدكتورة واخواتهم الحلوين وصورتهم تنزل على الصفحة ❤️

التوأم الجميل 🌹 أسماء 🌹 وأسيل 🌹 أغلى الاسامى

ربنا يبارك فيهم ويجعلهم ذرية صالحة ويعين اهلهم على حسن تربيتهم

__________
العنوان
منيا القمح -محافظة الشرقيه -موقف التلين اعلى هايبر ماركت بيم
______________
مواعيد العيادة

يوميا ماعدا الثلاثاء والجمعة
من الساعة ٢ ظهرا للساعة ٦ مساء

رجاء الاتصال بأى رقم من أرقام التالية قبل الحضور لتنظيم المواعيد وتقليل الازدحام

‏‪+20 10 61884343‬‏

‏‪0110 296 0608‬‏

‏‪+20 10 08896519‬‏

19/06/2026

ولية تخلى مراتك الحامل تسيب دكتورها الراجل وتروح لدكتورة نسا ست لما ممكن تتعلم تولدها فى البيت وترتاح من حوارات دكاترة النسا اللى كتيرة اليومين دول 😅😬


😅