31/08/2026
**** هل شفت لوز لونها أصفر برتقالي قبل كده؟ 🤔................................................
** مش كل لوز صفراء معناها صديد أو التهاب مزمن !
*** الطفلة جت لنا بالعيادة وكانت دائما بتشتكي من التهاب متكرر باللوزتين وان في صديد متكرر مابيخفش خالص على الرغم من كم المضادات الحيوية اللي ماشية عليها ... الغريب بقى أن اللون الاصفر ماطلعش صديد دا طلع صبغة جوه نسيج اللوزتين و نتيجة للإلتهابات المتكرر قمنا باستئصال اللوزتين و اللحمية و الغريب جدا أن حتى نسيج اللحمية لونه متغير اصفر برتقالي فبعتها تتحلل و طلعت النتيجة أن الخلايا المناعية مليانة دهون متراكمة جواها ... Foamy histiocyte ... بمراجعة الحالة و مراجعة المراجع طلعت تشخيصها مرض تانجير - Tangier disease ..... و ده مرض وراثي نادر جداً بيحصل فيه خلل في جين اسمه ABCA1 المسؤول عن الكوليسترول الجيد HDL...الجسم مش بيعرف يتخلص من الكوليسترول، فيتراكم داخل اللوز ويخلي لونها أصفر مميز زي البرتقال 🟡🟠
** أهم علاماته:
1- لوز كبيرة ولونها أصفر برتقالي
2- تضخم في الكبد أو الطحال
3- تنميل متكرر في الأطراف
4- تحليل HDL منعدم تقريباً
** الحالة دي تشخيصها مهم لأن شكل اللوز هو اللي بيدل عليها.
لو عندك تضخم لوز بلون غريب أو متكرر، الكشف المبكر بيفرق جداً.
++++ بالمناسبة متسجل في العالم كله من الستينات لحد دلوقتي أقل من 100 حالة
-----------------------------
د. جمال سكر
أستشاري الأنف والأذن والحنجرة
