Adham Kids Clinic

11/08/2026

😎😀

10/08/2026

فخر بلدنا 🩵😍

#حالةـنادرة 🤗🤗🤗
في اول يوم من عمرها كان المفروض أول لحظة يعيشها تكون في حضن مامتها... ترضع وتطمن 😯

لكن للأسف كان في عائق كبير...😯😯

كيس نادر في اللثة العلوية منع الطفل من الرضاعة وخلى كل محاولة من مامتها تنتهي بقلق ودموع ونزيف.🥲

في حالة زي دي مكانش فيه وقت للتأجيل لان المضاعفات هنا خطيرة جدا نزيف شديد لا قدر الله أو اختناق.🩸🥺

بفضل الله تم التدخل الجراحي واستئصال الكيس بالكامل وأجريت العملية بنجاح والحمد لله مرت بسلام 🤍

وما نقدرش ننسى طبعا دور استشارى التخدير د.أحمد رمضان اللى كانت الحالة تحدى بالنسبه له عشان الكيس ده كان فى طريق مجرى التنفس وكان عائق كبير اثناء التخدير اللى اتعامل معاه بحرفية منقطعة النظير 🌷🌹🌷
Ahmed Ramadan Ibrahim
أما أجمل لحظة، فكانت بعد العملية...🪄🪄🪄

لما رجعت الطفلة لحضن مامتها وقدرت ترضع طبيعي لأول مرة بدون قلق أو خوف 💙

في بعض الحالات كل دقيقة بتفرق والتدخل السريع بعد فضل الله بيكون السبب في إن الطفل يرجع لحياته الطبيعية من أول يوم.⭐🌟🌟✨
الحمد لله على سلامتها وربنا يديم عليها الصحة والعافية 🤍
📌 هدفنا دايمًا:
✔️ تطمّن
✔️ تفهم حالة طفلك
✔️ وتاخد القرار الصح في الوقت الصح

لأن التشخيص الصح هو بداية العلاج.

📩 للحجز والاستفسار:🪄🪄 🪄
011 44636947

العنوان : 🌐🌐🌐

عيادة (1) منيا القمح - موقف التلين - أمام صيدلية دكتورة فاطمة شاهين
المواعيد: سبت تلات اربع خميس من 4️⃣ ل 6️⃣ مساءا
اللوكيشن: https://maps.app.goo.gl/i3hZqQ3Uu8SjC9BJ8?g_st=aw

عيادة( 2 ) الزقازيق ـ كوبرى الصاغة - أعلى صيدلية الوادى
المواعيد: سبت تلات اربع خميس من 7️⃣ ل 9️⃣ مساءا
اللوكيشن: https://maps.app.goo.gl/hGAiEw3S3XA3aZH28?g_st=aw

عيادة( 3) القاهرة ـ المرج ـ شارع محمد نجيب
حد واثنين من 5️⃣ ل 8️⃣مساءا
اللوكيشن: https://maps.app.goo.gl/7HEwAFWY1Na5TmcHA

#دـابراهيمـالجوهرى
مدرس جراحة الأطفال والتشوهات الخلقية والمناظير بكلية الطب م

10/08/2026

صباح الجمال 🩵

الأنسه تالا بتصبح عليكم ☀️🤗

09/08/2026

الايام دي في مجموعه من الفيروسات اسمها

Entero virus

شله كده من الفيروسات ماسكه العيال كلها ضرب في ضرب ،

من اول البيبهات اللي أعمارهم شهور لحد الأطفال ٦ و ٧ سنوات

Enterovirus (الفيروسات المعوية) عند الأطفال، مجموعة كبيرة من الفيروسات ومش فيروس واحد، Coxsackie وEV-A71 وEV-D68 منها

أشهر أعراض التعب

حسب النوع، قد تسبب:

* 🌡️ حرارة وتعب وآلام بالجسم.
* 🤧 رشح، التهاب حلق وكحة.
* 🤢 قيء أو إسهال أحيانًا.
* 👄 Herpangina:
حويصلات/قرح مؤلمة في الحلق والحنك.

* 🖐️🦶 Hand, Foot & Mouth disease: قرح بالفم مع طفح أو حويصلات باليدين والقدمين وحول الفم.
* 👁️ التهاب ملتحمة في بعض الحالات.

العلاج

في أغلب الأطفال تكون العدوى self-limited ولا تحتاج مضادًا حيويًا أو مضادًا فيروسيًا محددًا:

* سوائل جيدة.
* Paracetamol أو Ibuprofen
حسب العمر والوزن عند الحاجة.
* علاج الأعراض ومراقبة تناول التغذيه والسوائل .
* المضاد الحيوي فقط إذا وُجدت عدوى بكتيرية مصاحبة.

08/08/2026

وقل ربي زدني علما 🩵

رحله علم هدفها الحياه 🩵😍🏖️

05/08/2026

علاج فعال لحمو النيل عند الأطفال 🩵

04/08/2026

هتعبك معايا تبصي عالمواعيد دي ♥️

1️⃣الطفل بيتسند لما يطعم تطعيم السادس ..

2️⃣بيقعد لوحده بقا ع حسب التساهيل ..
بس معاكي لحد تطعيم التاسع .. أو لما يتم 9 شهور

3️⃣ الزحف أو الحبو مش معانا ..
الزحف مش معانا (مش مهم خالص)👍🏼

4️⃣الطفل بيشوفك من قريب جدا من أول يوم 😘 .. لكن بيشوفك أوضح عال 3 شهور ..
في ال6 شهور بيشوف زيك بالظبط...

5️⃣التسنين مش هنفكر فيه غير لما يتم سنه وشهر
أااه في أطفال بتسنن من 6 شهور .. بس انتي ف الطبيعي لحد سنه وشهر

6️⃣الوقوف لوحده ويتسند عالاثاث طبيعي لحد سنه وشهرين

7️⃣المشي لحد سنه ونص

8️⃣مش هيلبس شوز ويمشي بيه معاكي في الشارع غير بعد سنه .. أو أما يتمكن من المشي كويس

9️⃣ الحصيلة اللغويه .. بتختلف بس عند 6 شهور هيقول بعض الحروف

⏪عند سنه هيقول ماما وبابا وحروف مجمعه مش مفهومه

⏪عند سنه ونص حوالي 8 كلمات ( هات .. قطه .. امبو ...

⏪عند سنتين .. هيبدأ يقول جمله من كلمتين
وهنزلكوا في أول كومنت تدريبات لتقوية عضلات الفم عشان يتكلم معاكي أسرع ♥️

04/08/2026

🩵🩵

👶❤️ الأمهات الجدد.. ركزوا معايا دقيقه 🤗

أول سنة في عمر البيبي مليانة أسئلة وحيرة وخوف…

تعالي أقولك أهم الحاجات اللي لازم تعرفيها 👇

🔺 هتقوليلي: أبني لسه مولود!

🔻 هقولك:

✔️ حقنة فيتامين K بعد الولادة مهمة جداً.
✔️ جرعة الالتهاب الكبدي B عند الولادة مهمة جداً.
✔️ ابدئي الرضاعة الطبيعية بدري قدر الإمكان.

🔺 هتقوليلي: أبني عنده 5 أيام !

🔻 هقولك:
✔️ ماتنسيش فحص عينة الكعب.
✔️ تابعي الوزن والرضاعة وعدد الحفاضات.

🔺 هتقوليلي: الصفرا ظهرت!

🔻 هقولك:

✔️ زودي الرضعات.
✔️ تابعي مع طبيب الأطفال.
❌ بلاش أعشاب أو جلوكوز أو وصفات شعبية.

🔺 هتقوليلي: أنا برضع طبيعي.

🔻 هقولك:
✔️ اهتمي بأكلك.
✔️ تناولي مصادر البروتين والأسماك بانتظام.
✔️ اشربي سوائل كفاية.

🔺 هتقوليلي: أدي البيبي فيتامينات إيه؟

🔻 هقولك:
✔️ فيتامين د يومياً من أول أيام الحياة حسب الجرعة التي يحددها طبيب الأطفال.
✔️ الحديد لبعض الأطفال حسب العمر والحالة الصحية ونوع التغذية.

🔺 هتقوليلي: المغص مبهدلنا!

🔻 هقولك:
✔️ تأكدي من الرضاعة الصحيحة.
✔️ كرعي البيبي بعد الرضعة.
✔️ متكثريش الرضعات المتقاربة جداً.
✔️ معظم المغص بيتحسن تدريجياً مع النمو.

🔺 هتقوليلي: أبني مش بيعمل حمام!

🔻 هقولك:
✔️ مش كل تأخير حمام يبقى إمساك.
✔️ المهم شكل البراز وراحة الطفل.
✔️ بلاش لبوس أو أي تدخل من نفسك إلا بعد استشارة.

🔺 هتقوليلي: مناخيره مسدودة طول الوقت!

🔻 هقولك:
✔️ محلول الملح صديق الأمهات الأول.
✔️ الحفاظ على ترطيب الجو والرضاعة بيساعدوا كتير.

🔺 هتقوليلي: هو متأخر في الحركة؟

🔻 هقولك:
✔️ كل طفل له سرعته.
✔️ المهم نتابع التطور الحركي واللغوي بشكل عام مع طبيبه.

🔺 هتقوليلي: جاله إسهال!

🔻 هقولك:
✔️ أهم حاجة السوائل ومحلول الجفاف.
✔️ راقبي علامات الجفاف.
✔️ لو فيه خمول أو رفض شرب أو دم بالبراز لازم كشف.

🔺 هتقوليلي: عنده تسلخات!

🔻 هقولك:
✔️ تغيير الحفاض باستمرار.
✔️ كريمات الزنك بعد التنظيف والتجفيف.

🔺 هتقوليلي: أسيبه قدام الموبايل؟

🔻 هقولك:
❌ كل ما بدأنا الشاشات بدري زادت المشاكل.
✔️ اللعب والتفاعل والكلام مع الطفل أهم بكتير من أي شاشة.

🔺 هتقوليلي: أزود ذكاءه إزاي؟

🔻 هقولك:
❤️ كلميه كتير.
📚 احكي له.
🎨 العبوا مع بعض.
🎵 غني له.
👶 اقضي وقت حقيقي معاه.

دي الحاجات اللي بتبني المخ بجد… مش الموبايل ولا الكرتون.

💬 قوليلي…
إيه أكتر حاجة محيراك في أول سنة مع البيبي؟

03/08/2026

من أكثر الشكاوي اللي بنشوفها كل يوم في العياده

هي وجع البطن ، بالذات وجع البطن المزمن

بيعمل قلق للام وللأسره كلها ،

في البوست ده هحاول اشرح اهم واكتر الاسباب شيوعا اللي بنقابلها يوميا

وطريقه تشخيصها وعلاجها 👌🏼

01/08/2026

الالتهاب الكبدي A

توعيه هامه لأني شفت حالتين اليوم .