12/07/2026
الحمد لله رب العالمين علي ثقة السيدات الحوامل في عيادة طب الجنين 💚💚
اكتر انجاز انا بشوف اني حققته ان السيدات الحوامل بييجو العيادة وهما مطمنين 🤍🤍...شعور الاطمئنان ده مش بيجي للحامل بالساهل ده محتاج مجهود كبير جدا من أول كشف والطبيب بياخد التاريخ المرضي لحد السونار المفصل والاهتمام بأدق التفاصيل...
الحامل بتحس اد اي اطمنت علي حملها والبيبي بتاعها لحد ما توصل لمرحلة الولادة وهي مطمنة اننا جنبها وبتاخد أفضل رعاية ممكنة 🙏
مش هخبي عليكم في ولادات ممكن تكون صعبة في ولادات ممكن تطول في ولادات بتقعد ٢٤ ساعة أو اكتر في ولادات ممكن تنتهي بقيصرية😔 لكن في النهاية الأم بتبقي مطمنة علي نفسها وعلي البيبي بتاعها وعلي ثقة اننا بنقدر نتعامل مع أصعب ظروف الولادة 🥹وده اللي بيفرقنا عن غيرنا 😌 وشايفة اننا قدرنا ندعمها في اختياراتها وتفضيلاتها في الولادة واتخاذ القرار الطبي السليم وده اللي مش بنتنازل عنه وده يمكن السبب اللي بيخلي معظم السيدات تيجي عيادة طب الجنين❤️❤️
احنا بنشتغل بناء عن علم وضمير وأمانة وشطارة وخبرات اكتسبناها علي مدار سنين...فرق كبير انك تولدي بين ايدين فاهمة ومتمرسة وعارفة بتعمل اي…ده بس كفيل ان يديكي شعور بالطمأنينة والراحة النفسية😊
نيجي بقي لحكاية انهاردة والصورة الجميلة دي اللي هتفضل أيقونة لرسالة عيادة طب الجنين💚💚
الأم فقدت البيبي الأول أثناء الولادة وانتهت بقيصرية وكان عندها من الشجاعة انها تخوض التجربة مرة تانية بس المرة دي هتبقي فيباك 🧐 بعد مرور سنة و٣ شهور بالظبط ⏱️
طفل عزيز زي ما بيقولو في الماركت😅... وقت قليل بعد القيصرية الأولي لا تتتعدي سنة ونصف🥺...تجربة ولادة سابقة مش لطيفة تماما بدون الخوض في تفاصيل 🥺...
يا تري هيبقي اي القرار الطبي ؟!🤔
هل هندعمها في قرار الولادة الفيباك ؟!🤔
أول سؤال سألته للأم في العيادة هل هتقدري تخوضي تجربة الولادة الطبيعية نفسيا ؟!...هل تكرار الأحداث ممكن يسببلك أي أذي نفسي؟!
وكانت اجابة الأم هقدر 👌
وهنا كان القرار الطبي العلمي لا يوجد ما يمنع من محاولة الولادة الطبيعية بعد قيصرية 👌
الوقت ليس عامل حاسم في نجاح الولادة من عدمها
نقدر نحاول وناخد الفرصة بعد سنة و٣ شهور💪
بدأنا في شرح كل ما يخص الفيباك وديما وانا بشرح تفاصيل الفيباك بأكد علي الحامل أن ممنوع التحفيز الهرموني في الفيباك وانا اما بقول كدة انا مش بقول حاجة خاصة بيا ابدا انا بتكلم بناء علي علم وتوصيات الكلية الملكية في انجلترا
التحفيز الهرموني ممنوع في الفيباك ❌️❗️لارتفاع نسبة الخطورة هو ده العلم اللي بنتكلم فيه مش بقول حاجة بناء علي توجهاتي الشخصية
تابعنا الحمل وعملنا السونارات التفصيلية واطمنا علي البيبي وبدأنا نعمل التمارين وحطينا birth plan ودي حاجة بنتكلم فيها في الشهر التاسع والحوامل بتوعي عارفين انا بقول اي 😅
نوصل للأسبوع ٣٨ وتبدأ السدادة المخاطية في النزول مع وجود انقباضات شبه منتظمة واشوفها في العيادة ونعمل الفحص التحفيزي ونكرره بعد ٣ ساعات خلال توقيت العيادة عشان يبقي في انقباضات منتظمة ونتوجه للمستشفي للحجز ومتابعة الولادة ونبض البيبي
نولد في خلال ٦ ساعات من حجز المستشفي الحمد لله بدون شق عجان ويشرف البيبي الجميل ده سليم معافي❤️
حمد الله علي سلامتكم وشكرا علي ثقتك في عيادة طب الجنين وكل القرارات الطبية 💚💚وديما بنأكد اننا ديما هندعم اختياراتك وتفضيلاتك في الولادة دي رسالتنا وعنوان عيادتنا ❤️❤️
