25/02/2022
حساسية العين
س . هو ايه مرض الحساسية دا يا دكتور ؟
ج. الحساسية لا تعتبر مرض وانما حالة يستجيب فيها الجسم بطريقة عنيفة عند تعرضه لمواد طبيعية عادية سواء باللمس او الشم او الاكل
****************************
س . طيب ايه سبب حساسية العين يا دكتور ؟
ج . اللي بيحصل هو استجابة عنيفة من انسجة العين ضد مواد منتشرة في الهواء ، كان زمان بتحصل بسبب حبوب اللقاح في موسم الربيع و عشان كدا حساسية العين كانت تسمى بالرمد الربيعي ، لكن حاليا بقت تحصل اى وقت و فيه أسباب كتيرة يصعب حصرها زي وبر او شعر الحيوانات و بعض الادخنة و الروائح و الكيماويات و المنظفات و المكياج و وبر الملابس و غيرها الكتير
************************************
س. طب ايه اعراضها يا دكتور ؟
ج. اهم الاعراض هي:
١- الاحساس بالحكة او الهرش أو أكلان بالعين
٢- تقل بالجفون او الاحساس بجسم غريب داخل العين زي شعرة او حصوة او حبوب رمل
٣- دموع بشكل اكبر من الطبيعي
٤- احمرار العين
٥- احيانا افرازات شفافة و لزجة بالعين
***********************************
س. ايه علاجها ؟
ج. العلاج بشكل اساسي بيكون قطرات كورتيزون مع قطرات مضادات الهيستامين و قطرات مرطبة للعين
مع العلم انه ممنوع أخذ قطرات كورتيزون بدون استشارة طبيب لتجنب الاعراض الجانبية الخطيرة
💥 و من المهم جدا عمل كمادات مياه باردة بانتظام لتخفيف الاعراض
*********************************
س. ازاي اعمل كمادات باردة على عيني ؟
ج. من الممكن وضع قطع ثلج في كيس بلاستك ووضعها علي العين لمدة ٣٠ ثانية و تكرارها عدة مرات
*************************************
س. هل الحساسية خطر على عيني يا دكتور ؟
ج. الحساسية في حد ذاتها مش خطر
⚡ لكن الخطورة كلها في هرش العين بشكل عنيف ومتكرر ممكن ينقل كتير من البكتيريا و الفيروسات من اصابع اليد اخطرها حاليا فيروس كورونا اللي ثبت بالابحاث انه ممكن الاصابة به عن طريق العين.
---- دمتم سالمين 🙏----
# # # # # # # # # # # # # # # # # # # # # # # #
⚡ تابع الصفحة للمزيد من المعلومات عن أمراض العيون
⚡ احرص على الكشف الدوري على عينيك للكشف المبكر عن اي امراض او تغيرات.
⚡ للإستفسار بادر بالتواصل على رسائل الصفحة أو على الواتس آب 01552640585
د. عبدالله حسن
ماجستير طب و جراحة العيون بالقصر العيني
ت. 01552640585
