Shaimaa Ahmed - شيماء احمد

22/08/2026

قررنا فتح العياده النفسيه الهاموريه لاستقبال الحالات من قاع الهامور بخصم خاص
د/ شيماء احمد
استشاري نفسي هاموري

22/08/2026

وصلنا قاع الهامور 🤣

21/08/2026

كان في غابة بعيدة قردٌ مشهور بين الحيوانات بحبه الشديد للنظر في المرآة.

كل صباح كان يقف أمام البحيرة، يتأمل انعكاس صورته ويقول:

“أنا أجمل حيوان في الغابة… وأذكى واحد كمان.”

في يوم، وجد مرآة قديمة معلقة على شجرة.

وقف أمامها، فوجد صورته مشوهة قليلًا بسبب كسر في زجاجها.

غضب وقال:
“المرآة دي بايظة!”

مرّ الأرنب وقال له:
“يمكن لأن الزجاج مكسور.”

فرد القرد:
“لا، المرآة هي اللي بتظلمني.”

جاء الثعلب وقال:
“طب جرّب مرآة تانية.”

ذهب القرد إلى مرآة أخرى، فوجد صورته طبيعية.

ضحك وقال:
“شايف؟ أنا كنت صح.”

لكن بعد أيام، كلما وقف أمام مرآة لا تعجبه صورته، كان يكسرها.

واحدة قال إنها غيورة منه،
وأخرى قال إنها مشوهة،
وثالثة قال إن صاحبها لا يحبه.

حتى أصبحت الغابة مليئة بقطع الزجاج.

وفي يوم، سأله الأسد:

“ليه بتكسر كل مرآة مش بتعجبك؟”

قال القرد:
“لأنها بتطلعني بشكل مش حقيقي.”

اقترب الأسد منه وقال:

“ومين قال إن المشكلة في المرآة؟”

سكت القرد.

قال الأسد:

“أحيانًا الإنسان لا يكره المرآة لأنها تكذب…
بل لأنه لا يحب ما تكشفه.”

ثم نظر إلى قطع الزجاج حوله وقال:

“أنت لم تكن تصلح المرايا…
أنت كنت تكسر كل شيء يخبرك بحقيقة لا تريد رؤيتها.”

ظل القرد صامتًا.

وأكمل الأسد:

“ودي مشكلة أكبر من مجرد الغرور.

في ناس بتعمل نفس الشيء في حياتها…
لما حد ينصحها، تقول: بيغير مني.
لما حد ينتقد تصرفها، تقول: بيكرهني.
لما حد يواجهها بخطئها، تقول: أنت فاهمني غلط.
ولما تتكرر نفس الملاحظة من أكثر من شخص…
بدل ما تسأل نفسها: يمكن في حاجة محتاجة أراجعها؟
تبدأ في كسر كل المرايا من حولها.

تقطع علاقتها بكل شخص صريح.
تكره كل شخص يواجهها.
وتحتفظ فقط بمن يقول لها ما تحب سماعه.

وبعد فترة…
تعيش محاطة بأشخاص يصفقون لها،
فتظن أنها أصبحت بلا عيوب.

بينما الحقيقة أنها لم تصبح أفضل…

هي فقط تخلصت من كل المرايا.”

وهنا قال الأسد:

“احذر من أن تجعل حياتك مليئة بالمرايا التي تعكس لك الصورة التي تحبها فقط.

أحيانًا الشخص الذي يوجعك بحقيقته…
قد يكون أصدق من مائة شخص يريحونك بكذبة.”

الحكاية النفسية:

مش كل نقد هجوم،
ومش كل مواجهة إهانة،
ومش كل شخص بيختلف معاك بيكرهك.

النضج النفسي إنك تعرف تسمع الكلام اللي يوجعك من غير ما تنهار،
وتفحصه من غير ما تدافع عن نفسك فورًا.

لأن الإنسان غير الناضج يسأل:

“مين قال كده عني؟”

أما الإنسان الناضج فيسأل:

“هل في جزء من كلامه ممكن يكون صحيح؟”

وأخطر شيء ممكن يحصل للإنسان…
إنه يقضي عمره كله في كسر المرايا،
ثم يصدق أنه كامل.




لحجز الجلسات التواصل واتس علي 01270574598
01005334517

21/08/2026

20/08/2026

حكاية البئر والحجاره
اتمني تعجبكم
كان في غابة بعيدة بئر قديم، وكل الحيوانات كانت بتشرب منه.

في يوم، وقف الثعلب قدام الحيوانات وقال لهم:
“أنا متأكد إن المية اللي في البئر مالحة.”

استغربوا وقالوا له:
“إزاي؟ إحنا بنشرب منها كل يوم والمية عذبة!”

قال لهم:
“أنا شايفها مالحة، وخلاص.”

مرّ الفيل، وشرب من البئر وقال:
“المية عذبة.”

الثعلب رد:
“إنت غلط.”

وجاء الغزال وشرب وقال:
“أنا كمان شايف إنها عذبة.”

قال الثعلب:
“إنتوا مش فاهمين.”

وبدأت الحيوانات تتجمع، وكل واحد يقول رأيه، لحد ما بقت المسألة مش عن المية أصلًا… بقت عن مين هيكسب النقاش.

في النهاية، قرروا يروحوا للأسد ملك الغابة.

سمع الأسد كلامهم، وبص للثعلب وقال:
“إنت شربت من البئر؟”

قال:
“أيوه.”

قال الأسد:
“وشربت كام مرة؟”

قال:
“مرة.”

ابتسم الأسد وقال:
“طيب، اشرب تاني.”

شرب الثعلب.

قال الأسد:
“لسه شايفها مالحة؟”

قال:
“أيوه.”

فأمر الأسد بإحضار وعاء، وملأه من البئر، ثم قال للحيوانات:
“مين مستعد يشرب ويقول الحقيقة بدون ما يكون هدفه يثبت إنه صح؟”

شربوا جميعًا، وأكدوا أن الماء عذب.

فنظر الأسد إلى الثعلب وقال:

“مشكلتك مش إنك مش عارف طعم المية…
مشكلتك إنك قررت من البداية إنها مالحة، وبعدها بقيت تدور على أي حاجة تثبت كلامك.”

سكت الثعلب.

وأكمل الأسد:

“في ناس مش بتدور على الحقيقة…
هي بتدور على انتصار.

لو قلت لها: أنت غلط، تعتبرك عدو.
ولو جبت لها دليل، تقول الدليل ناقص.
ولو جبت لها عشرة أدلة، تغيّر الموضوع.
ولو أثبتت لها الحقيقة، تتمسك برأيها أكتر.

لأن هدفها مش إنها تعرف الصح…
هدفها إنها ما تطلعش غلط.”

ثم قال:

“وعشان كده، مش كل نقاش يستحق إنك تدخله.
في فرق بين شخص مختلف معاك لأنه شايف الصورة بشكل تاني،
وشخص قرر إنه لازم يكسب مهما كانت الحقيقة.

الأول ممكن تتكلم معاه…
أما الثاني، فأحيانًا أفضل رد عليه هو إنك تسيبه يتكلم وحده.”

خرجت الحيوانات من عند الأسد، وسأله الفيل:

“بس يا ملك الغابة، ليه ما أقنعتهوش بالحقيقة؟”

ضحك الأسد وقال:

“لأن اللي بيدور على الحقيقة… دليل واحد يكفيه.

أما اللي بيدور على الانتصار…
مليون دليل مش هيكفوه.”

وأحيانًا أكبر انتصار ليك…
إنك تعرف إمتى تتكلم،
وإمتى تسكت،
وإمتى تفهم إن الشخص اللي قدامك مش محتاج دليل…
هو محتاج يفضل مقتنع إنه صح.

16/08/2026

اللي حصل علي نسخته من كتاب العلاقات حين نلتقي بانفسنا يقولنا رأيه في الكتاب واختباراته واستفاد منه ازاي
الكتاب صادر من يناير ٢٠٢٦ معرض القاهره الدولي يكتب تعليقه

16/08/2026

اللي حصل علي نسخته من كتاب تشوهات الحب يقولنا رأيه في الكتاب والمقاييس النفسيه اللي فيه
واستفاد منه ازاي
الكتاب صادر من يناير ٢٠٢٦ معرض القاهره الدولي يكتب تعليقه

16/08/2026

حين نلتقي بانفسنا تبدءالحكايه
نورتونا

15/08/2026

منتظراكم اليوم الساعه ٤ عصرا
الكتب متاحه في دار الكتابه تجمعنا اون لاين ايضا
كتب معرض القاهره الدولي ٢٠٢٦
هتنوروني
ولو كنت اشتريت الكتب في يناير من معرض الكتاب اقدر تنورنا في ساقيه الصاوي ونتصور سوا
ويهمني اسمع رايكم

14/08/2026

غدًا موعدنا مع لقاء مميز مع د. شيماء أحمد ✨📚

هكون معاكم غدا في معرض ساقيه الصاوي حتي لو اشتريت الكتاب اون لاين تعالوا اشوفكم ونتصور سوا واوقع ليكم عليه نصنع ذكريات بايدينا يسعدني مشاركتي يوم مميز بوجودنا سوا

في حفل توقيع كتابيها:
❤️ العلاقات: حين نلتقي بأنفسنا
📕 تشوهات الحب

رحلة بين الوعي بالنفس، وفهم العلاقات، واكتشاف ما يحدث بداخلنا حين نحب ونتعلق.

📅 غدًا السبت 14 أغسطس 2026
📍 جناح دار الكتابة تجمعنا للنشر والتوزيع
ضمن فعاليات معرض ساقية الصاوي للكتاب
🏛️ قاعة النهر – جناح 17

من 11 إلى 17 أغسطس 2026
هكون معاكم من ٤ عصرا

كونوا على الموعد… ونلتقي بكِ في أجواء مليئة بالكتب والحب والوعي ❤️📖

#كتب #قراءة