Dr. Azza Youssef أد. عزة يوسف

28/03/2026

https://www.facebook.com/share/p/18cFwVTjV4/?mibextid=wwXIfr

🌟 تعالوا اقضوا وقت ممتع و مختلف و مفيد مع استشاريين من كل التخصصات!

هتقدروا تسألوا كل الاستفسارات عن صحة طفلكم، التربية، التغذية، النوم، والتطور ... و حنرد عليكم علي طول ❤️❤️
ده غير مفاجآت للأطفال. 🎊 🎁

اعمل منشن لكل أب وأم تعرفهم وقولهم "اليوم ده ميتفوتش!" 👇

📍 المكان: مول UMC – التجمع الخامس (بين مسجد الشرطة ومسجد حسن الشربتلي)
⏰ الموعد: الخميس 2 أبريل - من الساعة 2 ظهرًا
الاستفسار: 01111377164 / 01111377264

🌟 Come and bring your little ones for a fun day with pediatric consultants from all specialties!

You can ask all your questions about your child's health, parenting, nutrition, sleep, and development... and we'll answer you right away! ❤️❤️
Wait for surprises for the children! 🎊🎁

Tag every parent you know and tell them, "This day is not to be missed!" 👇

#ايفنت #ماميز #فرصة

21/09/2025

📌 التدريب السلوكي دون اشراف طبي مستمر لا يُهذّب التوحد... للاسف يؤخر من شفاءه

لا تكمن الكارثة في أن نتائج مراكز التدريب (التخريب بمختلف مسمياتها) صفرية...
ولا في أن التحسّنات الشكلية التي يُوهم بها الأهل لا تتعدّى سراب الماء في صحراء الألم…

بل تكمن المصيبة الحقيقية في شيءٍ أعظم بكثير:
أنَّ هذا التدريب يزرع عقبات صامتة داخل الطفل…
عقبات لا تظهر إلا عندما يُقرر الوالدان أخيراً الخروج من الغيبوبة وسلوك الطريق الحقيقي نحو الشفاء.

ــــــــــــــــــــــــــــــــــــــــــــــــــــــــ

📌عندما يستفيق الأهل ويبدأون فعلياً بعلاج جذور التوحد عبر طب الدماغ الوظيفي يصطدمون بجدار سميك:

🔻 طفلٌ كان يمكن أن يُشفى خلال سنة…
يحتاج الآن ثلاث سنوات أو أكثر!
ـــــــــــــــــــــــــــــ
🔻 حالة كان من الممكن اقتلاع التوحد منها بالكامل…
تتحول إلى حالة لا يُرجى منها إلا بعض التحسنات فقط.
ـــــــــــــــــــــــــــــ
🔻 هناك من يُحرمون من الشفاء نهائياً لأن التدريب السلوكي كسر المفاتيح العصبية التي كان يمكن أن يعتمد عليها لإعادة التوازن البيولوجي والنفسي للطفل.

ــــــــــــــــــــــــــــــــــــــــــــــــــــــــ

📌 لماذا يؤخر التدريب الشفاء؟

وفق طب الدماغ الوظيفي فإن الطفل التوحدي لا يحتاج إلى تعليم سلوكيات زائفة…
بل يحتاج إلى إعادة تشغيل ما تم تعطيله من:

* الجهاز العصبي
* الجهاز المناعي
* القناة الهضمية
* الهرمونات العصبية
* مراكز الإدراك والمعالجة الحسية

أما ما يفعله التدريب فهو:

🚫 تعويد الدماغ على الاستجابة المشروطة فقط
🚫 كبت الانفعالات بدل إصلاحها
🚫 تثبيت نمطيات وهمية مكان الإصلاح الحقيقي
🚫 تخدير الجهاز العصبي وإعادة برمجته على التكيف القهري

بعبارة أوضح:
التدريب لا يُشفي… بل يُعيد ترتيب الخراب كي يبدو مُهذّباً!

‏━━━━━━━━━━━━━━━━━

الزمن عنصرٌ حساسٌ في التوحد
وكل سنة تُقضى في مراكز التدريب السلوكي دون اشراف طبي او مراقبه طبيه مع الاسف ….قد تُضيف خمس سنوات من المعاناة الصامتة…
وقد تسلب الطفل حقه في الشفاء الكامل!

فلا تنخدع بعبارة تحسّن بسيط...
واقرأ ما خلف الكواليس:
ذلك التحسن قد يكون تثبيتاً دائماً للخلل.
# مركز التدريب لاطفال التوحد مراكز التخريب للاسف دون مراقبه طبيه من الدوله )
السلوكي تحت اشراف طبي
دون اشراف طبي واضح مستمر
#التدريب الغير مرخص _ الغير مراقب من جهه طبيه _ يؤخر_الشفاء

02/09/2025

تخيلو معانا كده طفل لا يتعدى اربع سنين بيدخل أوضه لوحده يقعد مع حد اول مره يشوفه والمطلوب منه يجاوب على أسئله بتقيم شخصيته ومستواه التعليمي!!!! ليه؟ عشان داخل يتعلم في المدرسه!!! وكمان ممكن يترفض!! متخيلين احنا بنعمل في ولادنا أيه؟

وعشان نحمي ولادنا من التجربه القاسيه دي و من جشع بعض المدارس قررنا نعمل حملة نوصل صوتنا واعتراضنا ، وخلّينا دايما فاكرين ان الموضوع في الأخر عرض وطلب لو المدارس وصلها ان كل الأهالي معترضه على النظام ده وبيأثر سلبيا على الاطفال هيغيروه.

احنا بنطالب بالآتي:

١. إلغاء فكرة مقابلات المدارس ( interviews) وإستبدالها ب أليه آدميه زي اللي في الصوره في وجود الاب و الأم بجوار الطفل —> لتقييم الطفل في وجود أهله و يكون هدفها واضح و تتناسب مع المرحله العمريه للطفل وتوحيدها في كل المدارس.

٢. تقييم الطفل لا يتضمن مستواه التعليمي ( هو جاي يتعلم ولا يعلم؟)

٣. إسترداد فلوس التقديم (applications) في حالة الرفض و خصمها من مصاريف المدارس في حالة القبول. و يكتب ده بشكل واضح على ورقة التقديم.

لو موافقين على الكلام ده ياريت تنقلوه عندكم وتنشروه في كل مكان واحكو عن تجاربكم ومعاناة أطفالكم
عشان نوصل صوتهم ونطالب بحقهم في معامله آدميه.

31/08/2025

https://www.vetogate.com/5480833

كشفت الدكتورة عزة يوسف، رئيس وحدة التطور العقلي والسلوكي سابقا بـ جامعة عين شمس، مخاطر اضطراب إدمان الإنترنت عند الأطفال...

15/07/2025

https://www.facebook.com/share/v/1JBNkcxtYX/?mibextid=wwXIfr

01/07/2025

‎"عناد الطفل في عمر السنتين والتلاتة مش عناد… ده احتياج"

‎كتير من الأمهات بتشتكي في المرحلة دي وتقول:
‎"ابني عنيد"، "مش بيسمع الكلام"، "بيتعبني في كل حاجة"…
‎خصوصًا من سنّ سنتين لتلاتة، اللي بيُعرف بمرحلة "التمرد الصغير".

‎لكن الحقيقة إن "العناد" في السن ده مش سلوك سلبي، ولا تحدٍ للأهل…
‎ده ببساطة علامة صحية على تطور شخصية الطفل.

---

‎ليه الطفل بيعمل كده؟

‎لأن في المرحلة دي:

‎الطفل بيكتشف إنه "شخص مستقل".
Stage two “autonomy “ psychosocial development theory of Erik Erikson
‎بيبدأ يجرب يقول "لأ" علشان يحس إنه عنده رأي.

‎بيختبر ردود أفعالك… مش علشان يستفزك، لكن علشان يفهم حدود العالم حواليه.

‎يعني الطفل مش عنيد؟
‎بالضبط! هو بيمر بمرحلة طبيعية اسمها "مرحلة تأكيد الذات".
He’s designed to say “no”

‎فين المشكلة؟ وليه بتتحول لتعب ومعاناة؟

‎اللي بيحصل أحيانًا:

‎بنلبي طلباته فورًا علشان نسكته.

‎بنضحك لما يضرب، أو بنسكت على الزنّ.

‎ما بنحطش حدود واضحة… أو ما بنلتزمش بيها.

‎النتيجة؟
‎الطفل بيتعلم إن الزعل أو العياط أو الضرب هي الوسيلة للوصول للي هو عايزه.

‎طيب نحلها إزاي؟

‎نحط قواعد بسيطة وثابتة:
‎زي: "بنرتب اللعب بعد ما نخلص"، أو "مفيش شوكولاتة قبل الغدا".
‎ونتأكد إن القواعد دي مفهومة ومكررة بنفس الطريقة.

‎الثبات أهم من الشدة:
‎لو قلتِ "لأ"، حافظي عليها… حتى لو في زنّ.
‎التذبذب بين "أوافق – أرفض" بيخلي الطفل يتمسك أكتر.

‎نعلّم الطفل يعبر بالكلام:
‎ساعديه يقول: "أنا زعلان"، "أنا عايز ألعب"، بدل ما يصرخ أو يضرب.

‎نعزز السلوك الإيجابي:
‎امدحيه لما يطلب حاجة بطريقة لطيفة، أو لما يلتزم بالقواعد.
‎تجاهلي الزنّ لما يبقى وسيلة ضغط.

‎نستخدم الاختيارات بدل الأوامر:
‎بدل ما تقولي: "البس هدومك حالًا"، قولي: "تحب تلبس التيشيرت الأحمر ولا الأزرق؟"
‎كده بتحترمي استقلاله وتوجهيه في نفس الوقت.

‎نقعد على مستواه ونتكلم بهدوء
‎التواصل البصري ولمسة حنونة بتفرق جدًا.
‎الطفل مش بيستوعب الغضب، لكن بيستوعب الحب والوضوح

#ازاي نربي طفلنا صح بدون عند

13/06/2025

29/05/2025

14/01/2025

اسأل الله التوفيق والسداد و يجعله علم ينتفع به

07/01/2025

#لا للتدريبات الرياضية لاكتر من لعبه في سن المدرسه

بجد الأباء الي واخدين التمرين و البطوله مسأله مبدأ و حياه محتاجين يراجعوا نفسهم و يستشيروا طبيب نفسي البنت جايه مضغوطه و عندها آلام في جسمها كله و هي مفيهاش حاجه ضغط نفسي و بدني !! الرسول صلي الله عليه و سلم لما أوصي بالرياضه ده عشان صحتك و ما تبقاش كسلان و تبقي قوي مش عشان تبقي مهنه لك الرياضه ازاي مهنه والله و هي نفعها بيرجع فقط للاعبها ضرائب و دخل ده مش محك تقييم نفع العمل و الأهم أرحموا أولادكم و إتقوا الله فيهم حقيقي البنت صعبت
علي
#لعبه رياضيه واحده تكفي للطفل في مرحله المدرسه

#منقول
اد داليا الغنيمي
استاذ الاطفال و استشاري امراض المناعة و الحساسية. جامعة عين شمس

ghoneimy

07/12/2024

‎



‎تخيلو معانا كده طفل لا يتعدى اربع سنين بيدخل أوضه لوحده يقعد مع حد اول مره يشوفه والمطلوب منه يجاوب على أسئله بتقيم شخصيته ومستواه التعليمي!!!! ليه؟ عشان داخل يتعلم في المدرسه!!! وكمان ممكن يترفض!! متخيلين احنا بنعمل في ولادنا أيه؟

‎وعشان نحمي ولادنا من التجربه القاسيه دي و من جشع بعض المدارس قررنا نعمل حملة نوصل صوتنا واعتراضنا ، وخلّينا دايما فاكرين ان الموضوع في الأخر عرض وطلب لو المدارس وصلها ان كل الأهالي معترضه على النظام ده وبيأثر سلبيا على الاطفال هيغيروه.

‎ احنا بنطالب بالآتي:

‎ ١. إلغاء فكرة مقابلات المدارس (interviews) وإستبدالها ب أليه آدميه لتقيم الطفل في وجود أهله و يكون هدفها واضح و تتناسب مع المرحله العمريه للطفل وتوحيدها في كل المدارس.

‎ ٢. تقييم الطفل لا يتضمن مستواه التعليمي ( هو جاي يتعلم ولا يعلم؟)

‎ ٣. إسترداد فلوس التقديم (applications) في حالة الرفض و خصمها من مصاريف المدارس في حالة القبول. و يكتب ده بشكل واضح على ورقة التقديم.

‎لو موافقين على الكلام ده ياريت تنقلوه عندكم وتنشروه في كل مكان واحكو عن تجاربكم ومعاناة أطفالكم

‎ عشان نوصل صوتهم ونطالب بحقهم في معامله آدميه.