12/08/2026
عندك بنت.....عندك ريحانة.... حتة كده من الجنة.....
يبقى هاتي ودنك بقى اسمعيني كويس....
لأن تربية البنات بتدخّل الجنة... يبقى نركز...
💟 البنت فطرتها الزينة...
يبقى لما تتزين و تسرح شعرها و تحط ميكب تبقى بتتواصل صح مع نفسها...
معنّفهاش ولا أقول لها إيه المياعة دي وأحسسها إنها قليلة الأدب...
ده مش حياء ولا احترام...
أنت كده بتوصلي لها صورة مشوهة عن جسمها....
ساعديها تتزين وتهتم بنفسها وعرّفيها لما تبدأ تكبر الاتزان في الأمر ده أنه يكون بحدوده الشرعية....
💞 دخليها أنشطة كتير....
رياضة ورسم وأنشطة اجتماعية.....
خليها تجرب حاجات كتير و تنجح....
لحظات النجاح هي الحيطة اللي هتسندها ضد الفشل و الإحباط.....
💟 علميها تتكلم عن نفسها وتطلب احتياجاتها....
عرفيها أن ده حقها.....
💞 خديها معك عند صحباتك وفي الاجتماعيات المختلفة....
عشان تقوي مهاراتها الاجتماعية....
اتزانها الاجتماعي مهم جدا عشان اتزانها النفسي.....
💟 أعطيها حب غير مشروط وقبول غير مشروط.....
مش بحبك وأنت شاطرة ولا وأنت بتسمعي الكلام بس.....
بنحبك على طول....
عشان ما تدورش على الحب والقبول ده مش في مكانه.....
💞💞 احترميها و قدريها....
النبي صلى الله عليه وسلم كان بيقوم يقّبل سيدتنا فاطمة و يجلسها مجلسه لما تدخل عليه.....
💞 اربطيها بقضايا كبيرة....و خليها إيجابية....
نساعد في ملجأ جنبنا... نساعد جمعية.....
💓💓و في كل ده احتسبي.....
دي هتدخّلك الجنة 😍😍😍
د. مي المشد
Seragi - سراجي
