د/ حسين البقيعي

06/08/2026

المنجز في جراحات المخ 🧠🧠🧠🧠🧠

سيدة في الثلاثينيات ، عندها ورم صغير علي المخ ضاغط بصورة بسيطة علي المخ 🤯

هي عارفاه بقالها سنتين تقريبا 🤌🤌🤌

الفكرة ان الورم ده مش كبير ، وغالبا حميد " حسب الاشعة والصورة المرضية " بس بيكبر تدريجياً 🙂‍↔️

بس بيسبب لها بعض الاعراض من صداع وزميلي اللي كان بيتابعها ، كان بيخليها تمشي علي ادوية التشنجات خوفاً من حدوث تشنجات

هنا بقي عايز اتكلم عن الفرق في المدارس بين الزملاء

كان تفكير زميلي انه يجنبها التدخل الجراحي ويخليها تمشي علي العلاج حتي يكون وقت ، لا مفر من التدخل الجراحي
وعليه هي بقالها سنتين تقريبا تتابع بالاشعة كل ٦ اشهر
وماشية علي ادوية التشنجات خوفا من حدوث تشنجات

طبعاً أنا هنا لا انتقد طريقة تفكير زميلي ولا اقول انها خطأ
ولكن أوضح فقط طريقة التفكير

من أسبوعين تقريبا هي قالت هاخد رأي استشاري آخر
نصحها بعض المرضي الآخرين من عائلتها انها تشرفني وتاخذ رأيي
لسابق تجربة معي ، كانت جيدة بفضل من الله

فحصتها وشوفت أشعتها وفحصت حالتها الجسمانية العامة

وبعدين كان اول سؤال لها "وانا محتار الصراحة "
هو انت عندك سبب طبي يمنعك من الجراحة ؟؟ 🫣
إجابتها كانت " لا الحمد لله "

سؤالي التاني
عليكي ايه من التعب ده 🧐🧐
الورم ده هيكبر ، ومخليكي عايشة حياتك في قلق
والجراحة ان شاء الله بسيطة
وهو حميد
ليه ما نشيلهوش وتخلصي
قالت لي بكل بساطة " اوك "
نشيله
حضرتها كويس ، دخلنا العمليات

وشيلته 🗣️😊😊😊😊😊

بالبساطة دي حرفياً 🫀🤓🤓🤓

اقسم بالله العظيم انها كانت اسهل جراحة استئصال ورم مرت علي في حياتي

حسيت فعلا بالتجسيد الحي لكلمة " من يتوكل علي الله فهو حسبه " 👊👊👊👊
أمها كانت قلقانة وأختها كانت مرعوبة ، بنتها بتعيط 😳😳

والمريضة نفسها بتهزر وتضحك وتقولي مفيش في إيدك ولا في أيد اي حد اي حاجة 🥰

كله بالإذن وارادة المولي
والحمد لله ، ارادته قضت بالرحمة. 🙏🙏🙏

بالمناسبة ، أمها وأختها اللي كانوا مقضينها عياط قبل العملية ، كانت مشاعرهم فعلا جميلة اوي بعد الجراحة
❤️❤️❤️❤️❤️❤️❤️❤️
الحمد لله 🤲🤲🤲

26/07/2026

دقة جراحية.. بخبرة عالمية ورعاية إنسانية ��

"الالتزام بالدقة، وشغف الشفاء، واستعادة جودة الحياة لكل مريض"

الدكتور حسين عاطف البقيعي هو استشاري جراحة المخ والأعصاب والعمود الفقري، وواحد من الكفاءات الطبية البارزة في هذا التخصص الدقيق. يجمع في مسيرته المهنية بين الخبرة الأكاديمية العميقة والممارسة الإكلينيكية المتقدمة، معتمدًا على أحدث التقنيات الجراحية العالمية لتقديم رعاية طبية متكاملة وآمنة.

في رحلتنا العلاجية، نؤمن أن التميز الطبي يبدأ من التشخيص الدقيق وينتهي باستعادة المريض لجودة حياته. لهذا، حرص الدكتور حسين على دمج أحدث ما توصل إليه العلم عالمياً مع رعاية صحية تتسم بالتعاطف والاهتمام الشخصي بكل حالة.

المؤهلات والزمالات العلمية
دكتوراه جراحة المخ والأعصاب والعمود الفقري | جامعة عين شمس.
زمالة وتدريب متقدم | مستشفى جاكسون التذكاري (Jackson Memorial Hospital)، جامعة ميامي، فلوريدا، الولايات المتحدة الأمريكية.
خريج الأكاديمية الطبية العسكرية وكلية الطب بالقوات المسلحة المصرية.
الخبرات المهنية والمناصب
مدرس بالأكاديمية الطبية العسكرية وكلية الطب العسكري.
استشاري جراحة المخ والأعصاب والعمود الفقري في كبرى المستشفيات والمراكز الطبية بمصر:
مجمع الجلاء الطبي للقوات المسلحة.
المستشفى الجوي التخصصي بالتجمع الخامس.
مستشفى وادي النيل.
فلسفتنا في العلاج
نؤمن في عيادتنا بأن الجراحة هي الخيار الأخير دائماً. نعتمد على التشخيص الدقيق وبناء خطط علاجية مخصصة لكل مريض، بدءاً من العلاجات التحفظية غير الجراحية، وصولاً إلى أدق التدخلات الجراحية الميكروسكوبية والمناظير وعمليات التدخل المحدود لضمان أسرع فترة تعافٍ وأقل نسبة ألم ممكنة.

يسعدنا استقبالكم في المركز المتخصص لجراحة الأعصاب للدكتور حسين البقيعي.
� عنوان العيادة: مصر الجديدة، ميدان سفير، بجوار ماكدونالدز، عمارة البنك الأهلي المصري.
� للحجز والاستفسار:

٠١٠١٧٧٣٤٢٨٩

نسأل الله الشفاء العاجل لجميع المرضى.
#الشفاء #صحة

23/07/2026

اي حد من دكاترة التخدير الأشرار ، هيفكر يأجل حالة جراحية علشان الأسباب بتاعتكم دي ، ان قال ايه الدم مش متوافر او بياخد ادوية سيولة او حجة من الحجج الغريبة بتاعتكم دي. عرفت هجيب لكم مين خلاص ،،🤓🤓🤓🤓🤓

إلا الحماقة أعيّت من يداويها 🤯

20/07/2026

حاجة غريبة بتحصل معايا
، الفيسبوك شاف انه مناسب اني يظهر لي جروبات كتير بتاع نظام الطيبات 😳
اعتقد انه قاصد يوصل لي رسالة معينة 😖

الغريبة ان الجروبات والصفحات ، كلها عنيفة اوي ، وهجوم ممنهج عنيف علي الأطباء والطب عامة 🧐

الهجوم عنيف وممنهج ومتجاوز احياناً ، وفعلا مش فاهم ممكن يكون ايه الدافع وراه

هل خلاص هيتلغي الطب خلاص ،؟؟ وهنقضيها موانع اكل ؟؟
طيب المنهج الديكارتي والطب المبني علي الدليل ،، ده تراكم قرون من التطور البشري ،، نلغيه خلاص بجرة قلم ،،!!!؟

هل هذا هو المطلوب يعني ؟؟؟

علي العموم رأيي الشخصي في النظام ده هو انه كويس ، مفيش فيه مشكلة ،، امنع الدقيق الابيض ، امنع البيض والدواجن ،، وامنع الخضروات وامنع الأوراق الليفية الخضراء ، مفيش مشكلة …..

بس ارجوك ما تحرمش نفسك وعيالك من نتاج مبهّر للبشرية والعقل الإنساني المتمثل في الطب الحديث ❤️

19/07/2026

16/07/2026

دقة جراحية.. بخبرة عالمية ورعاية إنسانية 🧠✨

"الالتزام بالدقة، وشغف الشفاء، واستعادة جودة الحياة لكل مريض"

الدكتور حسين عاطف البقيعي هو استشاري جراحة المخ والأعصاب والعمود الفقري، وواحد من الكفاءات الطبية البارزة في هذا التخصص الدقيق. يجمع في مسيرته المهنية بين الخبرة الأكاديمية العميقة والممارسة الإكلينيكية المتقدمة، معتمدًا على أحدث التقنيات الجراحية العالمية لتقديم رعاية طبية متكاملة وآمنة.

في رحلتنا العلاجية، نؤمن أن التميز الطبي يبدأ من التشخيص الدقيق وينتهي باستعادة المريض لجودة حياته. لهذا، حرص الدكتور حسين على دمج أحدث ما توصل إليه العلم عالمياً مع رعاية صحية تتسم بالتعاطف والاهتمام الشخصي بكل حالة.

المؤهلات والزمالات العلمية
دكتوراه جراحة المخ والأعصاب والعمود الفقري | جامعة عين شمس.
زمالة وتدريب متقدم | مستشفى جاكسون التذكاري (Jackson Memorial Hospital)، جامعة ميامي، فلوريدا، الولايات المتحدة الأمريكية.
خريج الأكاديمية الطبية العسكرية وكلية الطب بالقوات المسلحة المصرية.
الخبرات المهنية والمناصب
مدرس بالأكاديمية الطبية العسكرية وكلية الطب العسكري.
استشاري جراحة المخ والأعصاب والعمود الفقري في كبرى المستشفيات والمراكز الطبية بمصر:
مجمع الجلاء الطبي للقوات المسلحة.
المستشفى الجوي التخصصي بالتجمع الخامس.
مستشفى وادي النيل.
فلسفتنا في العلاج
نؤمن في عيادتنا بأن الجراحة هي الخيار الأخير دائماً. نعتمد على التشخيص الدقيق وبناء خطط علاجية مخصصة لكل مريض، بدءاً من العلاجات التحفظية غير الجراحية، وصولاً إلى أدق التدخلات الجراحية الميكروسكوبية والمناظير وعمليات التدخل المحدود لضمان أسرع فترة تعافٍ وأقل نسبة ألم ممكنة.

يسعدنا استقبالكم في المركز المتخصص لجراحة الأعصاب للدكتور حسين البقيعي.
📍 عنوان العيادة: مصر الجديدة، ميدان سفير، بجوار ماكدونالدز، عمارة البنك الأهلي المصري.
📞 للحجز والاستفسار:
[ضع رقم الهاتف الخاص بالعيادة هنا، مثلاً: +201017734289]
نسأل الله الشفاء العاجل لجميع المرضى.
#الشفاء #صحة

09/07/2026

في بعض الأحيان قرار المخاطرة بيكون اعلي من العادي ،، كده كده حالات جراحة المخ والاعصاب عامة بتكون دقيقة ، ويكون القرار محتاج فعلا تمرس في اتخاذه ،، وان الطبيب ياخد عوامل كتير في حسابه ،، مش بحس الناحية الطبية فقط ،، ولكن ايضاً الناحية الإنسانيّة والحياتية🥸

مريض في أواخر الستينيات من العمر ،، ربنا قضي انه يصاب بشلل الاطفال من طفولته مؤثراً علي حالة احد الطرفين السفليين ،، الطرف المتأثر من الشلل ضعيف عضلاته ضامرة ويدوب يقدر يسند عليه ويتحرك بالمساعدة
ابتدي يحس بضعف في الطرف التاني ، ويحس انه بيوجعه وبينمل وإن حركة الطرف السليم متأثرة

طبعا صعب علي اي حد يحس الاحساس ده ، القدم اللي شايلاني متأثرة ،، وحركتها ابتدت تكون أسوأ !😳😳

بالإضافة لده وجود إصابة بمرض السكر والقلب 😖

المهم ، الأشعات وضحت وجود ضيق علي القناة الشوكية العصبية القطنية ،،

طبعاً ده بيأثر علي الطرفين السفليين معا ً ،، ولكن لسبق تأثر احد الطرفين ،، الطرف التاني هو اللي ظهرت عليه الأعراض بصورة واضحة 😒

القرار طبعا تدخل جراحي لرفع الضغط عن الضفيرة العصبية وتسليك الاعصاب

متخيلين الضغط العصبي اللي علي الجراح والمريض واهله ؟؟؟🫣🫣🫣

رجل سليمة والتانية يدوب يسند عليها ،،، والسليمة ابتدت تتأثر ومحتاج جراحة ممكن تتسبب انها تضعف اكتر واكتر

طيب لو معملناش ؟؟؟

الرجل هتضعف اكتر واكتر والتحكم في البول هيكون فيه مشكلة 👿
ده بالإضافة للحالة العامة له ،، قلب وسكر 🤓!!

اتكلمنا واتكلمنا وخاف واحترست ،، اتكلمنا في الجراحة والاختيارات والبدائل والمضاعفات

وتوكلنا علي الله 🤲🤲🤲🤲

طبعا كان يوم مشهود بالنسبة لي
التخدير صعب
الجراحة دقيقة
الخساير قد تكون كبيرة جدا
والمكسب قد يكون كبيراً جداً
كل الاحتمالات واردة وطبيب التخدير الرائع المتمكن يضع كل الاحتمالات ويتحسب لها

واجراءات في التخدير لم يسبق لي ان تمت في مثل هذه الحالة
تحسباً لأي احتمال

والحمد لله ،، كل حاجة مشيت بصورة سلسة اكتر من العادي في الحالات اللي زي دي

الجراحة تمت في وقت قياسي ،، والمريض خرج من العمليات احسن وحالته مستقرة ، و لم يحتج لقضاء اي وقت بالرعاية المركزة بعد الجراحة 🙏🙏🤲🤲🤲

ربنا كان مسهل الدنيا جدا زي ما بنقول 🤲
الحمد لله

أنا مكتبتش عن مريضي إلا بعد مرور فترة كافية لان تحسن الحالة دي يحتاج لوقت

وجالي وشرفني في المتابعة ورجله احسن و ماشي كويس

وجاب لي بسبوسة من الحلمية 😊😊😊😊

من هنا بوجه شكري الشديد ليه علي بسبوسة الحلمية ،، علشان أنا ضعيف أدامها من زمان 🥰🥰🥰🥰
#جراحةالعظام
#قطنية
#اعصاب
#جراحة
#مصرالجديدة
#مصر
#ميكروسكوب
#جراحات