16/09/2026
مش كل "شامة" هي مجرد علامة جمال.. أحياناً بتكون رسالة من جلدك! 🔬⚠️
الشامات (الحسنات) في الغالب بتكون طبيعية وحميدة، لكن فيه علامات علمية بنسميها (قاعدة ABCDE) لو لاحظتِ أي واحدة منها، لازم فحص دقيق فوراً تحت المنظار الجلدي (Dermatoscope).
احفظ/ي المنشور ده وراجع/ي شامات جسمك بانتظام بناءً على الـ 5 نقاط دي:
1️⃣ التماثل (Asymmetry): ارسمي خط وهمي في نص الشامة.. لو لقيتي النصين مش شبه بعض في الشكل، دي أول علامة تستدعي الفحص.
2️⃣ الحدود (Borders): الشامة الطبيعية حدودها دائرية وواضحة. لو لقيتي الأطراف "متعرجة" أو "مشرشرة" كأنها خريطة، لازم نستشير الطبيب.
3️⃣ اللون (Color): الطبيعي إن الشامة لونها موحد. لو ظهر فيها أكتر من درجة (بني مع أسود، أو أحمر مع أزرق)، دي علامة قلق.
4️⃣ القطر (Diameter): لو حجم الشامة زاد وبقى أكبر من 6 ملم (تقريباً حجم أستيكة قلم رصاص).
5️⃣ التطور (Evolving): دي أهم علامة.. أي تغيير مفاجئ في الحجم، الشكل، اللون، أو لو بدأت تسبب حكة أو نزيف.
التشخيص المبكر باستخدام "الديرموسكوب" بيوفر علينا طريق طويل جداً من العلاج وبيطمنك على صحتك.
بشرة صحية .. ثقة تتجدد .. 💎
د. نهى يونس
