Dr/george adel_دكتور جورج عادل

01/01/2023

Happy New year ❤️
إن شاء الله سنة مليانة خير 🙏🏻

23/11/2021

من أكتر الأسباب المنتشرة اللي ممكن تأخر حلم أمومتك هي "السمنة" لأن بيكون ليها تأثيرات كتيرة علي جسمك كلة زي إنها :
📌بتأثر على إفرازات الهرمونات في الجسم وده بيسبب إضطرابات في الدورة الشهرية.
📌بتسبب في حدوث تكيسات المبيضين و اللي بتأثر بنسبة 80% على حدوث الحمل.
📌 كمان بتأثر على إستجابة المبيض للمنشطات لما بنبدأ ندي أدوية تساعد في حدوث الحمل.
📌ولما بيحصل حمل بيبقي حمل عالي الخطورة وبتبقي عرضة أكتر من بقية الحوامل للإصابة بسكر الحمل او ارتفاع ضغط الدم مع الحمل وكمان تسمم الحمل لاقدر الله.

دي مجرد امثلة علي تأثيرات السمنة المفرطة الخاص بالحمل والنسا ... غير مشاكلها علي القلب والمفاصل والبشرة و..و.. هتلاقي في الآخر أنها بتأثر على جسمك كلة.

👈🏻 بس لو تم علاجها النتايج بتكون حلوة جدآ في نسب حدث الحمل بإذن الله.

وعشان كده بننصحك بفقدان الوزن الزايد ومتخليش السمنة حاجز بينك وبين حلم أمومتك 🤰🏻
سيبي أي استفسار في الكومنتات تحت 👇🏻👇🏻

🩺 عيادة دكتور/ جورج عادل 🥼
أخصائي النساء والتوليد بمستشفي معهد ناصر بالقاهرة
ماجستير النساء والتوليد جامعة عين شمس

☎️ للحجز: ٠١١٢٠٢٠١٠٥٠

📍 العنوان: حوض ١٠ بجوار مديرية التضامن الإجتماعي أعلي حضانات بداية

عيادة دكتور جورج عادل للنسا والتوليد بقنا بيقدملك أفضل عناية واهتمام ليكي ولطفلك
ولادة بدون ألم
علاج تأخر الحمل

05/10/2021

مصل الانفلونزا 💉🧬... هينفع مع الحمل🤰🏻🤰🏻🤔 !!

📌اولا مصل الانفلونزا مهم جدا في الفترة دي لكل الناس .. ليه بقي ؟!
لأن هيبقي فيه تزامن الموجة الرابعة من كورونا مع وقت الانفلونزا الموسمية واحنا محتاجين وقاية من الانفلونزا عشان نوفر مناعة الجسم لمواجهة الكورونا لو حصل إصابة لا قدر الله
وكمان علشان مندخلش في دايرة دا دور برد عادي ولا دي كرونا🥺.

📌طيب هينفع اخد المصل دا وأنا حامل ؟!
آه ينفع والمصل أمن تماماً بالنسبة للحوامل .. دا الحوامل بالذات اكتر الفئات اللي محتاحة المصل .. لأن دور الانفلونزا هيأثر علي الحامل وهياخد معاها وقت اكتر من باقي الفئات.

📌طيب هل مصل الانفلونزا الموسمي هيدي حماية ١٠٠% من الاصابة بفيروس الانفلونزا ؟؟
الاجابة للأسف لأ .. هو بيوفر حماية من الاصابة بنسبة ٤٠ الي ٦٠ % بس هو بيدي حماية ضد اصعب ٤ سلالات من سلالات الانفلونزا لان الانفلونزا ليها سلالات كتييير أوي.

📌 امتى يتم اخد مصل الانفلونزا الموسمي؟؟
افضل فترة دلوقتى.

📌طيب اللي بترضع ينفع تاخد المصل؟!
ينفع مفيش مشكله.

📌مين مينفعش ياخد المصل ؟
اى حد جاله حساسيت قبل كده من المصل ده .
وكان اي حد عنده حساسيه من البيض ..لكن الكلام الجديد ان حساسية البيض ملهاش علاقه بالمصل ... بس خلينا في الامان

🚫 مهم جدااااا .. لازم تتأكد أن المصل انتاج السنة دى ٢٠٢١/٢٠٢٢
سيبي أي استفسار في الكومنتات تحت .

🩺 عيادة دكتور/ جورج عادل 🥼
أخصائي النساء والتوليد بمستشفي معهد ناصر بالقاهرة
ماجستير النساء والتوليد جامعة عين شمس

☎️ للحجز: ٠١١٢٠٢٠١٠٥٠

📍 العنوان: حوض ١٠ بجوار مديرية التضامن الإجتماعي أعلي حضانات بداية

02/09/2021

حركة الجنين 🤰
حركة البيبي جوة بطن مامته من أفضل التجارب اللي هتمر علي اي أم 💓 .... ومع كل حركة هتحسي كأنه بيطمنك علي نفسه وبيقولك ازيك يا ماما .. أنا في أحسن حال بفضلك ومبسوط جدآ جوه 😊.
وعلشان أهمية حركة الجنين هنجاوبك علي كل الأسئلة اللي ممكن تيجي على بالك.

واكتر سؤال بيتسأل هو .. هبدأ أحس بالحركة امتي؟!
📌 من الأسبوع ال ١٨ او آخر الشهر الرابع في بعض السيدات هتقدر تحس بحركة البيبي بتاعها خصوصاً لو دي مش أول مرة حمل وحست الإحساس دا قبل كدا .. وفي الغالب معظم السيدات بتحس بالحركة من الأسبوع ال ١٨ للاسبوع ال ٢٢ .

طيب المفروض أبدأ اتابعها امتي؟!
📌 آخر ٣ شهور من الحمل لازم تتابعي الحركة كويس وتطمني انها عدت ال ١٠ حركات في اليوم.

وأية اللي ممكن يخلي حركة البيبي تقل ؟!
📌 في أسباب طبيعية ممكن تقلل حركة فعلاً أو أسباب تحسسك انها قليلة وعلي سبيل المثال وليس الحصر:
🔹أن البيبي يكون نايم مثلاً لأن الجنيين بينام جوة رحم الأم عادي .
🔹في آخر الحمل لما البيبي يكبر والمياه اللي حواليه تقل ويبقي مش عارف يتحرك براحته زي الأول.
🔹السمنة المفرطة للأم تقلل الإحساس بالحركة.
🔹لو مكان المشيمة في الجدار الأمامي للرحم بردو احساس الحركة هيبقي قليل عن العادي.

طيب أمتي أقلق من قلة حركة البيبي؟!
📌 لو قلة الحركة إستمرت اكتر من ٢٤ ساعة .
📌 ولو اكلتي حاحة مسكرة ونمتي علي جنبك الشمال وفضلتي مركزة في ملاحظة حركة البيبي و بردو مفيش إحساس بيها واستمر دا لمدة طويلة.
📌 لو عند حضرتك ضغط او سكر او انيميا شديدة او خلل في وظائف الغدة.
📌 لو البيبي خلال المتابعات بالسونار كان حجمه أصغر من الطبيعي أو الدوبلر بتاعه مش حلو أو المياه اللي حواليه قليلة جدآ.
ساعتها لازم تتوجهي للدكتور علشان تستشيريه وتطمني علي سلامته

🥼🩺 عيادة دكتور/ جورج عادل .
أخصائي النساء والتوليد بمستشفي معهد ناصر بالقاهرة
ماجستير النساء والتوليد جامعة عين شمس

☎️ للحجز: ٠١١٢٠٢٠١٠٥٠

📍 العنوان: حوض ١٠ بجوار مديرية التضامن الإجتماعي أعلي حضانات بداية