د/ رباب رفعت فهمى

23/08/2026

"ماما.. ممكن آخد واحدة كمان؟" 👀

مشكلة بتواجه كل الأمهات مع حلاوة المولد.. وواحدة بقت اتنين، وبعدها عصير وسناك مسكر.. وهنا السكر في يوم طفلك ممكن يزيد من غير ما تاخدي بالك.⚠️

ومع تكرار الإفراط في السكريات:
بيزيد تسوس الأسنان ، زيادة الوزن ، أو الحلويات تزاحم الأكل المغذي .. فيقل تنوع وجودة أكله.

علشان كده مش لازم تحرميه من فرحة حلاوة المولد. 💙

لكن خليه ياكل كمية مناسبة وفي وقت محدد، مع الحفاظ على وجبات متوازنة فيها بروتين وخضار وفاكهة ومياه كفاية.

الحلو مش ممنوع.. التوازن هو الأهم. 👌

د/ رباب رفعت فهمي
استشاري الأطفال والتغذية العلاجية
استشاري دولي رضاعة طبيعية IBCLC

21/08/2026

كل ما يحط إيده في بقه.. يبقى جعان؟ 🤔

قبل ما تفسري الإشارة.. فكي الكود ‼️

مش كل مرة البيبي يحط إيده في بقه معناها إنه محتاج يرضع.. لأن نفس الحركة ممكن يكون وراها أكتر من رسالة:

▪️جوع: لو معاها فتح البق والبحث عن الثدي.
▪️ تهدئة: لو بتحصل وقت النوم أو لما يكون محتاج يهدأ.
▪️ تسنين: لو في السن المناسب ومعاها زيادة اللعاب وعض الأشياء.
▪️ اكتشاف: وممكن تكون جزء طبيعي من تطوره.

علشان كده، متحكميش من علامة واحدة.. التوقيت والعلامات المصاحبة ونمط الرضاعة والنمو بيساعدوا نفهم الصورة كاملة. 👌

مع د/ رباب رفعت فهمي
هتلاقي تقييم متكامل للرضاعة والتغذية والنمو، علشان تفهمى احتياج طفلك وتوجهيه بالشكل المناسب. 💙

فكّي الكود.. وافهمى طفلك ☺️

20/08/2026

حفاضة البيبي فيها رسالة.. فكّي الكود واعرفيها! 🤔👶🏻

لون البراز عند الرضيع ممكن يتغير بشكل طبيعي حسب عمره، نوع الرضاعة، ومرحلة التغذية.

1️⃣ الأصفر: شائع جدًا عند الأطفال اللي بيرضعوا طبيعي.
2️⃣ الأخضر: ممكن يكون طبيعي عند الرضع، ومش معناه لوحده إن فيه مشكلة.
3️⃣ البني ودرجاته: ممكن يظهر مع اختلاف نوع التغذية.
4️⃣ الأسود: بيكون طبيعي في الأيام الأولى بعد الولادة بسبب العِقي.

لكن في ألوان محتاجة تقييم طبي، زي الأبيض أو الرمادي الفاتح جدًا، أو وجود دم واضح. ولو ظهر البراز الأسود بعد الأيام الأولى من الولادة، الأفضل استشارة الطبيب لمعرفة السبب.

مع د/ رباب رفعت فهمي
استشاري الأطفال والتغذية العلاجية
استشاري دولي رضاعة طبيعية IBCLC

فكّي الكود.. وافهمي طفلك 🤍

17/08/2026

طفلك بيعيط وهو بيرضع؟!

قبل ما تقولي اللبن مش مكفّيه .. فكى الكود 🧐

بكاء البيبي أثناء الرضاعة مش دايمًا معناه إنه جعان.. ممكن يكون بسبب:
غازات أو محتاج يتجشأ ، نعسان أو مرهق ، وضعية الرضاعة مش مريحة .. أو محتاج تغيير الحفاضة

وعشان كده مهم جدا تراقبي طفلك امتى بيعيط وإيه اللي بيحصل قبلها… لأن التفاصيل دي بتساعدك تفهمي رسالته. 👌

ولو البكاء متكرر أو معاه رفض للرضاعة، الأفضل تستشيري الطبيب . 💫

مع د/ رباب رفعت فهمي
استشاري الأطفال والتغذية العلاجية
استشاري دولي رضاعة طبيعية IBCLC

فكى الكود.. وافهمى طفلك 🤍

13/08/2026

أمتى طفلك يكون جاهز يبدأ الأكل.. وليه اسمها تغذية تكميلية؟! 🤔

اسمعى الفيديو للنهاية مع د/ رباب رفعت فهمى
علشان تعرفى الإجابة 👌

10/08/2026

ما لا يسع الماميز جهله 🤍

مش كل نصيحة بتتقال عن تغذية الأطفال تستحق التنفيذ.. فيه معلومات بنسمعها من سنين، لكنها ممكن تضر صحة الطفل أكتر ما تفيده.
وعشان كده تعالي نكشف أشهر 3 خرافات. 👇

❌ العصير الفريش أفضل من الفاكهة.
✅ الحقيقة: الفاكهة الكاملة أفضل لأنها غنية بالألياف، بينما العصير بيفقد معظمها ويحتوي على سكر بتركيز أعلى.

❌ لازم الطفل يخلص طبقه كله.
✅ الحقيقة: إجبار الطفل على الأكل بيأثر على إحساسه بالجوع والشبع، وممكن يسبب عادات غذائية غير صحية.

❌ الطفل الممتلئ يعني صحته أحسن.
✅ الحقيقة: صحة الطفل بتتقاس بنموه المتوازن وتغذيته السليمة، مش بوزنه فقط.

كل معلومة صح بتفرق في صحة ونمو طفلك، وعشان كده متخليش الخرافات توجه اختياراتك الغذائية ليه. ❤️

قوليلنا في الكومنتات:
إيه أكتر نصيحة عن أكل الأطفال سمعتيها، وبعدها اكتشفتي إنها كانت معلومة غلط؟ ☺️

05/08/2026

"يا ماما.. أنا لسه صغير ، كل مرة تديني عصير أو بسكويت بتخليني أشتغل فوق طاقتي" 🥺

دي مش مجرد جملة، دي رسالة حقيقية بيحاول يوصلها "بنكرياس طفلك" في كل مرة بيستهلك فيها سكريات وسناكس سريعة بزيادة .

ليه ده بيحصل؟ وازى تحمى طفلك؟🤔

لما الطفل بياخد سكريات مباشرة، البنكرياس بيضطر يفرز كميات كبيرة جداً من الأنسولين عشان يتعامل مع السكر المفاجئ ده، ومع الوقت بيجهد جداً.

💡 الحل السحري في التوازن:
دخول البروتين والألياف في وجبة طفلك بيخلي امتصاص السكر يتم ببطء وبشكل متوازن، وده بيحافظ على استقرار سكر الدم وبيحمي البنكرياس من الإرهاق.

صحة طفلك تبدأ من طبق متوازن 👌

احجزي استشارتك دلوقتى مع د. رباب لتصميم نظام غذائي متوازن يحمي طفلك ويضمن نموه بشكل صحي. ☺️

04/08/2026

عايزة تعبري عن حبك للبيبي؟ ☺️

تعبيرنا عن الحب للمولود الصغير شيء طبيعي جداً، بس أحياناً "البوسة" اللي هدفها الحنان ممكن تكون سبب في نقل مخاطر كبيرة جداً للطفل من غير ما نقصد ⚠️

ليه تقبيل الأطفال خطير؟
تقبيل البيبي من الوجه بينقل فيروسات وبكتيريا خطيرة (زي فيروس الهربس) لأن مناعة الطفل في الشهور الأولى بتكون لسه ضعيفة وغير مكتملة.

وعشان كده عبري عن حبك بآمان للبيبي بالحضن الدافى أو بوسة القدمين 💙

لأنها طريقة آمنة ولطيفة جداً للتعبير عن الحب بدون تعريض مناعته للخطر. 👌

شاركي البوست ده مع العيلة لحماية طفلك بطريقة لطيفة وبدون إحراج 💫

31/07/2026

🚨 علامات تأخر في التطور الحركي مينفعش نستنى عليها ونقول: “هتتحسن مع الوقت”.

لو طفلك:
🔸 عمره ٤ شهور ولسه مش بيسند رأسه
🔸 عمره ٩ شهور ولسه مش بيقعد لوحده.
🔸 عمره سنة ونص ولسه مش بيمشي لوحده.

⛔ دي علامات تستدعي تقييم الطفل عند طبيب الأطفال، لأن التدخل المبكر بيفرق جدًا في النتائج، وما ينفعش نعتمد على الانتظار فقط.

💙 كل طفل له سرعته في النمو، لكن في مراحل عمرية معينة لازم نتأكد إنه وصل للمهارات الأساسية.

د/ رباب رفعت فهمي
استشاري الأطفال والتغذية العلاجية
استشاري دولي رضاعة طبيعية IBCLC

31/07/2026

أتشرف بدعوتى للمشاركة في مؤتمر التخاطب والصحة النفسية الاول بمحافظة قنا
باذن الله يكون يوم مفيد ومميز 🌹🌹

يتشرف مركز المنار بدعوة

الدكتورة / رباب رفعت فهمي

للمشاركة في مؤتمر التخاطب والصحة النفسية الأول بمحافظة قنا.

وجود سيادتكم يمثل إضافة علمية ومهنية قيّمة، ويسعدنا تشريفكم لهذا الحدث الذي يجمع نخبة من المتخصصين، ويهدف إلى نشر الوعي بأهمية التكامل بين التخاطب والصحة النفسية، إيمانًا بأن تكامل الجوانب العلمية والتربوية والنفسية يسهم في دعم الأطفال والأسر، ويعزز بناء مجتمع أكثر وعيًا وتماسكًا.

أهلًا وسهلًا بسيادتكم، وتشرفنا بحضوركم الكريم.